Chapletajic 1:11 - Quiché Bible

¹¹ xubij: “Ri ulew chebuq'uiyisaj ronojel qui wäch k'ayes xukuje' ichaj ri quequiya' ija', cheq'uiy ronojel qui wäch che' ri quequiya' wächinic.” Je c'u xbantajic.

Chapletajic 1:11 Referans Kwoze

Hebreos 6:7

Ri ulew q'ui mul cäkaj ri jäb puwi'. We ri ulew cuya' jun tico'n ri c'o u patan chque ri quetajinic, c'o ri u tewichibal ri Dios puwi'.

Salmib 147:8

Ri are' cuch'uk ri caj ruc' ri sutz', cucolomaj ri jäb che ri ulew, quebuq'uiyisaj ri k'ayes pa tak ri juyub,

Chapletajic 1:29

Xukuje' xubij chi na chque: “Chiwilampe', quebenjach pa i k'ab ronojel qui wäch k'ayes ri e c'o cho ri uwächulew ri quequiya' ija', xukuje' conojel ri che' ri quequiya' qui wächinic. Ronojel wa' cajwataj che tzukbal iwib.

Chapletajic 2:9

Ri Dios xebuq'uiyisaj chila' ronojel qui wäch je'licalaj tak che' ri quequiya' utzalaj tak wächinic utz qui tijic. Pa u niq'uiajil c'ut ri ticonijibal xucoj wi ri juwi' che' re ri c'aslemal, xukuje' ri juwi' che' ri cuya' retamaxic ri utz xukuje' ri man utz taj.

Marcos 4:28

Pa re wi cäwächin ri ulew: nabe quel ulok ri tuxaj, te c'u ri' ri äj, c'äte ri' ri jolomaj quechomakir c'ut ri u wäch ri jolomaj.

Ri Matey 6:30

We ri k'ayes re ri juyub, ri c'o camic, chwek c'ut cäq'uiak pa k'ak', je ratz'iakixic wa' rumal ri Dios, ¡e ta c'u lo ri ix; ay ri ix, xa' jubik' i cojonic!

Ri Job 28:5

Ri ulew pa ri u wi', cuq'uiyisaj trico, are c'u ri chuxe' uxinak jacha' k'ak'.

Salmib 1:3

Ri winak ri' junam ruc' juwi' che' ri tiquil chuchi' jun nima', ri cuya' u wächinic pa ri u k'ijol ri mawi jubik' quechaki'jar ta ri u xak. ¡Ronojel ri cubano, utz quelic!

Chapletajic 2:5

maja' c'u c'o jun k'ayes cho ri uwächulew mawi c'o jun ichaj q'uiyinak rumal rech chi ri Ajawaxel Dios maja' cukasaj jäb puwi' ri ulew, mawi c'o jachin caticow ri ulew.

Santiago 3:12

Wachalal, ¿la cäcuin ri u che'al higo che qui ya'ic aseitun? ¿La cäcuin lo ri juwi' uva che qui ya'ic higo? mawi cäcuin jun u q'uiyibal tzayalaj ja' che u ya'ic qui'laj ja'.

Ri Matey 3:10

Camic yo'm chic ri icäj che qui t'oyic bic ri che' c'ä chaquixe'. Ronojel che' ri man cuya' ta utzalaj u wächinic, cächoy na, cäq'uiak pa ri k'ak'.

Ri Jeremiy 17:8

Cux c'u na jacha' juwi' che' ri tiquil chuchi' jun nima', ri quebuyuk tak ri e u ra'b chuchi' ri ja' man c'u cuna' ta rib aretak quepe tak ri k'ak'al, amak'el xak cätojtak wi ri e u xak. Pa ri u k'ijol ri sak'ij man cuna' taj, mawi jumul cutanaba' ta u ya'ic u wäch.

Chapletajic 2:16

xuya' we takanic ri' che: “Cuya' catij awe ri qui wäch conojel ri che' ri e c'o pa ri ticonijibal, Matij c'u awech ri u wäch ri che' ri cuya' retamaxic ri utz xukuje' ri man utz taj.

1 Corintios 15:38

Ri Dios c'ut cäyo'w ri u banic ri tico'n, jas ri xraj. Cuya' chque ri ija' chquijujunal ri qui banic ri qui cuerp.

Chapletajic 1:12

Xeq'uiy c'ut ronojel qui wäch k'ayes cho ri ulew ri quequiya' qui wäch, xukuje' xeq'uiy ronojel qui wäch che' ri quequiya' wächinic. Xril c'u ri Dios chi utz xelic.

Ri Isaiy 61:11

Jacha' c'ut ri qui q'uiyic ulok ri tico'n pa ri ulew queq'uiy c'u ulok ri tuxaj chupam ri u ticbal cotz'i'j, jeri' cuban na ri Ajawaxel chi cäq'uiy na ri u ch'äcanic, chi conojel c'ut ri nimak tak tinimit chequibixoj na bix re k'ijilanic.