Bixonic Tak 6:13 - Quiché Bible

¹³ “¡Chattzelej ulok, aj Sulamit! ¡Chattzelej ulok! ¡Chattzelej ulok, cäkaj catkilo!” “¿Jas c'ut ri qui waj quiwil che ri aj sulamit?” “¡Jun xojowem jacha' ri cäban pa tak ri kajebal!”

Bixonic Tak 6:13 Referans Kwoze

Chapletajic 32:2

Aretak xeril ri Jacob, xubij: “E rajch'ojab ri Dios wa'.” Rumal ri' xucoj Mahanaim che u bi' ri c'olbal ri'.

Hebreos 7:2

Ri Abraham xujach ri u lajujil ronojel che ri are'. Ri u bi' ri Melquisedec je quil cubij wa': “Ajawinel re suq'uil.” Are c'u ri tzij rajawinel ri Salem je quil cubij wa': “Ajawinel re jamaril.”

2 Tesalonicenses 1:10

Jewa' cäquic'ulmaj na aretak cäpe ri Jesus rech cänimarisax u k'ij cumal ri e tastalicalaj tak winak ri e rech, rech cäya' u k'ij cumal conojel ri xecojonic, rumal rech chi xquicojo jas ri xkak'alajisaj chquiwäch pa ri k'ij ri'.

Gálatas 5:17

Cumal c'ut ri e aj macalaj tak qui rayinic ri winak, are cäcaj ri man cäraj taj ri Uxlabaxel; are c'u ri Uxlabaxel are cäraj ri man cäcaj taj ri winak cumal ri e itzel tak qui rayinic. C'o jun c'ulelanib chquixo'l, rumal ri' ri ix man quixcuin taj ix are ta quibano jachique ri quiwaj quibano.

Romanos 7:23

Quinwil c'u jun pixab chic pa ri nu cuerp, ri cuc'ulelaj ri pixab ri utz cäril wi ri nu chomanic. In c'o c'u pa u k'ab ri u pixab ri mac, ri c'o pa ri nu cuerp.

Romanos 3:29

Ri Dios, ¿la xuwi lo Dios chque ri aj judeyib? ¿La ma ta xukuje' chque ri man aj judeyib taj? Kastzij chi are Dios chque conojel ri nimak tak tinimit,

Ri Xuan 10:16

E c'o chi c'u niq'uiaj nu chij, ri man e rech ta we warabal ri'. E are c'u ri' xukuje' rajawaxic quebenc'ama' na ulok. Cäquitatabej na ri nu ch'abal. Cäc'oji' na xa' jumulaj chij, xukuje' xa' jun ajyuk'.

Ri Xuan 9:7

Xubij che: “Jät, chach'aja' awib pa ri atinibal Siloe” (ri quel cubij: “Takom”). Xel c'u bic, xuch'aja' rib. Xpetic, cäca'y chic.

Ri Lucax 15:10

Je c'u ri' quinbij chiwe chi quequicot ri e aj cajalaj tak u tako'n ri Dios rumal rech jun ajmac ri cuq'uex u c'u'x.”

Ri Lucax 7:44

Xca'y che ri ixok, xubij che ri Simon: “¿La cawil we ixok ri'? Xinoc pa awachoch, man xaya' ta c'u ch'ajbal wakan. Are c'u we ixok ri' u jam ri wakan ruc' u wa'l u wäch, xebusu' ruc' ri u wi'.

Ri Jeremiy 3:22

Chixtzelej ulok wuc' walc'ual ri man ix nimanelab taj, ri in quixincunaj na che ri man i nimanic taj.” “Uj c'olic ri', cujnakajin chech la, rumal rech chi lal ri' ri Ajawaxel ri ka Dios.

Ri Isaiy 8:6

“Rumal c'u ya' xe'n ib chuwäch ri Rezin xukuje' chuwäch ri u c'ojol ri Remaliy, we winak ri' man nim ta xquil wi ri ja' Siloe ri xak cälememic,

Bixonic Tak 2:14

Nu palomax ri quebac'u' awib xo'l tak ri abaj, pa tak chicajil xukuje' c'axalaj tak c'ubal ib chaya' chwe chi quinwil ri a palaj, chaya' chwe chi quinta' ri a ch'abal. ¡Man c'o ta c'o wi ri awilic! ¡Sibalaj qui' ri a tatabexic!’ ”

Bixonic Tak 1:6

Mixoc il chwe chi in räxbak'alic, mawi chi c'atisam ri nu tz'umal rumal ri k'ij. Ri e nu xibal xeboyowar wuc', xinquicoj c'u che qui chajixic ri ticbal tak uva, ¡Are c'u ri kas nu ticbal uva man xinwilij ta chic!

Salmib 76:2

Ri rachoch c'o puwi' ri juyub Sion, pa Jerusalen;

Ucab Samuel 17:24

Xopan ri David pa Mahanaim pa ri jok'otaj aretak xk'ax ri Absalon pa ri nima' Jordan e rachil conojel ri aj israelib.

K'atal tak Tzij 21:21

xak c'u chiweyej. Aretak ri alitomab ri e c'o pa Sil quebel ulok pa tak mulaj che u banic ri xojoj, quixel ulok jawije' ri e i c'u'm wi iwib, chijujunal chiweläk'aj bic jujun iwixokil, quixbe c'u pa tak ri i tinimit.

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Bixonic Tak 6:12

Man xinwetamaj ta chi c'ut jas ri xc'ulmatajic c'ä xinna' na wib in c'o chupam jun carwaj chuxcut ri u c'ojol ri wajawinel.”