Bixonic Tak 5:15 - Quiché Bible

¹⁵ Ri e u ch'ec e tak rakan ja re marmol ri co e tac'al paquiwi' tak tac'alibal re utzalaj k'an puak; ri u bantajic man sachbal taj jacha' ri e chacalte' re ri Libano;

Bixonic Tak 5:15 Referans Kwoze

Nabe Ajawinelab 4:33

Xtzijon chquij ri juwi' tak che' xukuje' tak ri tico'n, xuchaplej ruc' ri chacalte' ri c'o pa ri Libano xuq'uisa' c'ä ruc' ri k'ayes ri queq'uiy paquiwi' tak ri tapia; xukuje' xtzijon chquij ri awaj ri e c'o qui xic' xukuje' ri man e c'o ta qui xic', ri cumätz tak xukuje' tak ri car.

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

Hechos 2:28

Xintijoj la che ri be re c'aslemal, quinnojisaj na la che quicotemal, rumal ri c'olem la wuc'.’

Ri Matey 28:3

Ri rilic je u banic jun caypa'. Sakloloj ri ratz'iak je jas ri sak tew.

Ri Matey 17:2

Xq'uextaj c'u ri u wächbal ri Jesus chquiwäch; xjuluw ri u palaj je jas ri k'ij, ri ratz'iak xebux sakloloj je jas ri sakil.

Ri Zacariy 9:17

¡Sibalaj utz, sibalaj je'lic cux na ri ulew! Ruc' ri u tz'ebenic ri u trico xukuje' ri u wa'l u uva, ri e kalabom tak xukuje' ri e kalitomab tak catiltit cakan qui k'ab queq'uiy na.

Ri Osey 14:7

Ri Israel cajeki' chi na jumul chuxe' ri nu to'banic; queq'uiy c'u na jacha' ri trico, quecotz'ijan na e jacha' ri uva ri quebux c'u na nim qui k'ij jacha' ri u wa'l uva re ri Libano.

Bixonic Tak 7:4

Ri a kul jun tac'atic ja re marpil; ri e quieb a bak'wäch e quieb c'olbal tak ja' re ri tinimit Esbon, chunakaj ri oquibal re Bat-rabim; ri a tza'm junam ruc' ri tac'atic ja aj Libano ri caca'y apan che ri tinimit aj Damasc.

Bixonic Tak 4:11

At ri catec'ulana wuc', chque ri e achi' queq'uiy ulok juyubal räx cab. ¡Juyubal räx cab xukuje' leche e c'o chuxe' ri awak'! ¡Jacha' ri u c'oc'al ri Libano jeri u c'oc'al ri awatz'iak!

Bixonic Tak 2:14

Nu palomax ri quebac'u' awib xo'l tak ri abaj, pa tak chicajil xukuje' c'axalaj tak c'ubal ib chaya' chwe chi quinwil ri a palaj, chaya' chwe chi quinta' ri a ch'abal. ¡Man c'o ta c'o wi ri awilic! ¡Sibalaj qui' ri a tatabexic!’ ”

Salmib 92:12

Ri e utzalaj tak winak quecotz'ijan na e jacha' ri tut, queq'uiy na jacha' ri chacalte' pa ri Libano.

K'atal tak Tzij 13:6

Ri ixok xbe che u bixic che ri rachajil, xubij c'u che: “Jun achi ri pataninel rech ri Dios xopan wuc' jawije' ri in c'o wi, sibalaj c'u xinna' wib chuwäch, ri u bantajic je ta ne ri u bantajic jun aj cajalaj u tako'n ri Ajawaxel. Mawi c'u xinta' ta che jachinok, mawi ri are' xubij chwe jachinok.

Elem 26:19

Chebacojo' cawinak (40) qui tac'alibal re sak puak. Chquijujunal ri tz'alam rajawaxic cacoj cacab qui tac'alibal ri quech'api wi ri qui tu'.

Salmib 80:10

Ruc' ri u mu'jal xebuch'uk tak ri juyub, cuc' tak ri e u k'ab xebuch'uk tak ri nimak tak che'.

Ri Ezequiel 17:23

puwi' ri juyub ri c'o pa Israel ri sibalaj naj elinak chicaj. Quepe na u xak, cuya' na u wäch cux c'u na jun je'licalaj chacalte' ri sibalaj nim. Ronojel qui wäch awaj quejeki' na chuxe', ronojel qui wäch chicop ri c'o qui xic caquiban na qui soc xo'l tak ri u k'ab.

Ri Ezequiel 31:8

Man c'o ta jun chacalte' ri c'o ta pa ri u ticonijibal ri Dios cäjunamataj ta ruc'; man c'o ta juwi' chäj ri e c'o ta u k'ab e jacha' ri u k'ab, man c'o ta jun tz'unuj ri e c'o ta sibalaj u xak, man c'o ta juwi' che' pa ri u ticonijibal ri Dios cajunamataj ta ruc' ri u je'lical.

Salmib 92:13

E tiquitoj chupam ri rachoch ri Ajawaxel; quecotz'ijan cho ri uwo ja rech ri rachoch ri ka Dios.

Juyuwem 4:7

Ri rachijab ri e cha'talic c'o na ri qui sakil chuwäch ri tew, c'o na ri qui sakil chuwäch ri leche; ri qui cuerp c'o na qui quiäkal chuwäch ri quiäk abaj ri coral; ri e u je'lical ri cakan qui k'ab e jacha' ri räx abaj ri sapir.