Bixonic Tak 4:9 - Quiché Bible

⁹ Xaweläk'aj ri wanima', alaj wana'b, at ri catec'ulan wuc'; xaweläk'aj ri wanima' ruc' xa jun a cayenic ri xaya' chwe, ruc' jun chque ri jujun tak rabaj a chachal.

Bixonic Tak 4:9 Referans Kwoze

Bixonic Tak 4:12

At, alaj wana'b, at ri catec'ulan wuc', at ticbal cotz'i'j tz'apitalic, tz'apim ja', t'ikom bulbux;

2 Corintios 11:2

Quixinwachixomaj c'ut ruc' jun achixomanic aj Dios, xixinc'uluba' c'ut xa ruc' jun achajilaxel, ix tac'abam c'ut chuwäch jacha' jun jicalaj k'apoj, che ri Crist.

Bixonic Tak 7:10

“In in rech ri in lok' chuwäch: ri e u chuk'ab ri u lok'ok'ebal c'u'x quec'amow ulok wuc'.

Apocalipsis 21:2

Ri in Xuan xinwil ri tastalicalaj tinimit, ri c'ac'alaj Jerusalen, ri cäkaj ulok chicaj ruc' ri Dios. Ri suc'umam jas jun ali, ri quec'ulanok, wiktal che ri rachajil.

Ri Xuan 3:29

Pa jun c'ulanem, ri uc'aninak ri alibatz are' ri achajilaxel. Are c'u ri rachil ri achajilaxel ri tac'al ruc', sibalaj cäquicotic aretak cuta' ri u ch'abal ri achajilaxel. Je c'u wa' tz'akat ri nu quicotemal ri'.

Ri Soponiy 3:17

Ri Ajawaxel ri a Dios c'o pa a niq'uiajil; ¡Ri are c'o ronojel u cuinem, catuto'tajisaj c'u na! Ri Ajawaxel caquicot na chawe. Rumal ri u lok'ok'ebal c'uxaj cuya' na c'ac' a c'aslemal; chupam ri u quicotemal cabixon na

Ri Ezequiel 16:8

Xinoc'ow chi chaxcut, xinca'y c'u chawe; chi c'o chic a junab che ri taquenic. Xinlic' ri nu ch'ukubem wib pawi', xinch'uk ri a cuerp ri ch'analic, xinya' c'u nu tzij chawe che awuc'axic; xinban jun c'ulwächinic awuc', xatux c'u wech. In, ri Ajawaxel, quinjiquiba' u bixic.

Ri Isaiy 62:5

Jacha' c'ut aretak jun ala cäc'uli' ruc' jun ali ri u to'm che rixokil, jewa' cuban na ri Dios chawe catuc'am na che rixokil, catusuc'umaj na sibalaj c'u cäquicot na awuc', jacha' ri u quicotemal ri achi ruc' ri rixokil.

Ri Isaiy 54:5

are' c'u ri xatwinakirisanic catuc'am na che rixokil. Ri u bi' are Ajawaxel ri c'o ronojel u cuinem ri torol awech are ri Tastalicalaj u Dios ri Israel ri Dios ri' re ronojel ri uwächulew.

Bixonic Tak 6:12

Man xinwetamaj ta chi c'ut jas ri xc'ulmatajic c'ä xinna' na wib in c'o chupam jun carwaj chuxcut ri u c'ojol ri wajawinel.”

Bixonic Tak 6:5

¡Chatanaba' nu ca'yexic, in ch'äctajinak c'u cumal ri a bak'wäch! Ri e a wi' quejunamataj cuc' ri alaj tak q'uisic' ri quech'opilaj pa tak ri juyub Galaad.

Bixonic Tak 4:10

¡Man e c'o ta c'o wi ri e a lok'ok'enic, alaj wana'b, at ri catec'ulan wuc'! ¡Sibalaj e qui' na ri e a lok'ok'enic chuwäch ri u wa'l uva, are c'o na ri qui je'lical tak ri e a c'oc'al chquiwäch conojel ri cäbanbex quech conojel ri c'oc'al!

Bixonic Tak 3:11

Ixokib re Sion, ¡Chixel ulok che u ca'yexic ri ajawinel Salomon! U cojom bic ri u corona ri xuban ri u nan che che ri k'ij re ri u c'ulanem, che ri k'ij ri sibalaj utz na che ri u c'aslemal.”

Bixonic Tak 1:15

“¡Sibalaj at je'lic nu lok', sibalaj at je'lic! ¡Ri e a bak'wäch e quieb palomax!”

Bixonic Tak 1:10

¡Sibalaj e je'lic ri jutak peraj a palaj chquixo'l ri u wi'tak xquinaj! ¡Sibalaj je'lic ri a kul chquixo'l tak ri chachal!

Salmib 45:9

Chquixo'l ri ixokib ri quexojowic e c'o qui mia'l tak ajawinelab; pa ri riquiak'ab ri tem la re ajawibal t'uyul wi ri ajawinel ixok, wiktal ruc' ri k'an puak ri sibalaj coc'.

1 Corintios 9:5

Takal chwe xukuje' chi quinc'am bic jun ixokilaxel wuc' ri cojonel rech quinrachilaj bic, je jacha' ri caquiban ri niq'uiaj chi takomxenlab, ri e rachalal ri Ajawaxel xukuje' ri Lu'.

Ri Matey 12:50

Apachin ri cuban ri u rayibal ri nu Tat ri c'o pa ri caj, are wa' ri nu chak', ri wana'b, xukuje' ri nu nan.”

Chapletajic 41:42

ri ajawinel xresaj ri mulk'ab ri c'o che ri u k'ab ri c'o wi ri u t'ikbal re takanic, xucoj che ri u k'ab ri Jose. Xtakanic chi chcoj ch'uch'ujalaj tak atz'iak re lino chrij, xucoj jun chachal re k'an puak chukul.

Chapletajic 20:12

Kas c'u tzij chi wana'b we ixok ri', u mia'l ri nu tat ruc' chi c'u jun ixok, rumal ri' xuya' xinc'uli' ruc'.

E C'ambal tak Tzij 1:9

e je'licalaj tak wikbal awib wa': jacha' jun a chachal o jun a corona.

Ri Ezequiel 16:11

xebencoj je'licalaj tak wikbal chawij, xebencoj wikbal tak a k'ab xukuje' jun chachal chakul;

Ri Daniel 5:7

Xuchaplej c'u u rakic u chi', xebusiq'uij ri ch'obonelab, ri ajno'jab xukuje' ri ajch'imilab ri e c'o pa Babilon, xubij c'u chque: “Apachin ta ne ri cäcuinic cusiq'uij u wäch ri tz'ibatal chi', cuk'alajisaj ta c'u chnuwäch ri quel cubij, cäcoj na atz'iak re morato chrij, cäcoj na jun pach'um k'an puak chukul, cäcanaj chupam ri urox c'olbal chupam ri wajawibal.”

E C'ambal tak Tzij 6:25

Maya' c'olbal chi ri u je'lical cunicowisaj bic ri a c'u'x che; ¡maya' awib chi catch'äctaj cumal tak ri e u ca'yebal!