Bixonic Tak 3:3 - Quiché Bible

³ Xinc'ot qui chi' ri chajinelab ri quesolin ri tinimit: “¿La man iwilom ix ri cälok'ok'ex rumal ri nu c'aslemal?”

Bixonic Tak 3:3 Referans Kwoze

Bixonic Tak 5:7

Xinrik cumal ri chajinelab ri quebanow ri solinic chupam ri tinimit; xinquich'ayo, xinquisoco; ¡ri quechajin ri oquibal chupam ri tinimit ruc' chuk'ab xquijolij ri nu ch'ukubal!

Hebreos 13:17

Chixniman chque ri c'amal tak i be, chiya' iwib pa takic chque. Ri e are' quequichajij ri iwanima', queta'm c'ut chi rajawaxic cäquibij na che ri Dios jas ri qui banom. Chixniman chque rech cäquiban ri qui chac ruc' quicotemal, man ruc' ta bis. We ta c'u ruc' bis cäquibano, ma ta c'o quiwechbej ri' che.

Ri Xuan 20:15

Xubij ri Jesus che: “Chuchu', ¿jasche cok' la? ¿Jachin ri catzucuj la?” Ri Mariy xuchomaj chi are' ri chajinel re ri ticonijibal, xubij c'u che: “Tat, we lal xc'amow la bic, bij la chwe jawije' yo'm wi la, quinc'am c'u bic.”

Ri Ezequiel 3:17

“At, winak, ri in at nu cojom che yuxlenel che ri tinimit Israel. Aretak quinya' jun takquil chawe rajawaxic caya' u bixic chque chi jewa' ri quinbij, rech caquetamaj apanok.

Ri Isaiy 62:6

Jerusalen, e nu cojom chajinelab paquiwi' tak ri a tapia ri mawi pa k'ij mawi chak'ab cäquitanaba' na u bixic: “Meyini' ri cäquinataj ri u bi' ri Ajawaxel,

Ri Isaiy 56:10

e moyirinak c'ut ri chajil rech ri nu tinimit, man c'o ta jas cäquinabej. Conojel e memab tak tz'i', ri man quecuin ta quewalijic xak cotolem cäquipatanij, xak achic' cäquibano sibalaj qui' cäquina' ri waram.

Bixonic Tak 1:7

Chabij chwe, u lok'ok'ebal c'u'x ri nu c'aslemal, ¿Jawije' quebayuk'uj wi tak ri a jumulaj? ¿Jawije' quebac'am wi bic che uxlanem aretak curik ri tiq'uil k'ij? ¿Jas ta che xak quinbinic jacha' jun wacatel, Chquinakaj tak ri e qui jumulaj tak ri e awachil?”