Bixonic Tak 1:4 - Quiché Bible

⁴ ¡Ruc' aninakil chinac'ama' bic awuc'! ¡Chinac'ama' bic o ajawinel, pa tak ri e a jekelibal!” “Awuc' cujejajat wi na; e c'o na ri e u rayixic tak ri e awajwanic chke chuwäch ri u wa'l uva. ¡Jacha' ba' catcaj ri ixokib!”

Bixonic Tak 1:4 Referans Kwoze

Ri Xuan 6:44

Man c'o ta jun cäcuinic cäpe wuc' in, xuwi ri cac'am ulok rumal ri Tataxel ri xinutak ulok. Ri in c'ut quebenc'astajisaj na pa ri q'uisbal k'ij.

Ri Osey 11:4

Cuc' tak colob re chuch'ujil, cuc' tak c'am que lok'ok'ebal c'uxaj, xebenjic' wuc'; xebennakajij chque ri nu palaj e jacha' ta ne alaj tak ac'alab ri c'ä quetunic, xinpachaba' na wib che qui tzukic,

Ri Xuan 12:32

In, aretak quinwalijisax bic cho ri uwächulew, conojel quebenjic' na ulok wuc'.”

Ri Jeremiy 31:3

in xinc'ut wib chuwäch chi naj. In at nu lok'ok'em ruc' jun junalic lok'ok'ebal c'uxaj; rumal ri' quintakej u banic utzil chawe.

Hebreos 12:1

Jeri' xukuje' ri uj, ri sutim kij cumal e q'ui k'alajisanelab ri qui c'utum ri qui cojonic, chkesaj ronojel alal, chkesaj ri mac ri c'o chkij che ka chapic. Chkac'ama' kanim, chkach'ija' ruc' coch'onic ri xiq'uinem ri yo'm chkawäch.

Ri Lucax 22:19

Xuc'am ri wa, xumaltioxij che ri Dios, xupiro, xuya' chque ri u tijoxelab, xubij: “Are nu cuerp wa', ri jachom u mac iwech. Chitija' wa' che natabal wech.”

Ri Lucax 2:10

Ri tako'n aj caj xubij chque: “Mixe'j iwib. Chiwilampe', quintzijoj ri utzalaj tak tzij re nimalaj quicotemal chiwe, ri cäyataj na chque conojel ri winak.

Ri Matey 25:10

E benak c'u ri job alitomab che u lok'ic caseit aretak xpe can ri jiaxel. Are c'u ri qui suc'umam quib xeboc ruc' pa ri c'ulanem. Xtz'apix c'u ri uchi'ja.

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Ri Isaiy 63:7

In quinwaj quintzijoj ri lok'ok'ebal u c'u'x ri Ajawaxel, quebenbixoj bix che yabal u k'ij rumal ronojel ri u banom ri are' che ka to'ic, rumal ri nimalaj utzil ri u banom chque conojel ri aj israelib, rumal ri u banom ruc' ri rutzil chupam c'ut ri nimalaj lok'ok'ebal u c'u'x.

Ri Isaiy 61:3

che u ya'ic chque ri qui rikom c'ax ri e c'o pa Sion, jun corona che q'uexwäch chaj, c'oc'al re quicotemal che u q'uexwäch ok'ej, bix tak re k'ijilanic che u q'uexwäch q'uistajbal c'uxaj. Ix “bakit re colomal” quixuchix c'u na, e ticom rumal ri Ajawaxel che u c'utic ri u juluwem.

Ri Isaiy 45:25

Wumal in, ronojel ri tinimit Israel cux na ch'äcanel, cunimarisaj c'u na rib chwij in.”

Ri Isaiy 25:8

Ri Ajawaxel xa jumul cusach na u wäch ri cämical, cutzajisaj na ri u wal qui wäch ri qui bak'wäch conojel, cuban na chi cusach na u wäch pa ronojel ri uwächulew ri u yok'ic ri u tinimit. Ri Ajawaxel bininak.

Bixonic Tak 3:4

Xa jubik' e nu yo'm canok, aretak xinrik apan ri cälok'ok'ex rumal ri nu c'aslemal. Xinchapapej che ri u k'ab, man xintzokopij taj xinc'am bic chupam ri rachoch ri nu nan.

Salmib 149:2

Chequicot ri aj israelib, ri tinimit aj Sion, ri Dios are c'ut i winakirisanel xukuje' iwajawinel.

Efesios 2:6

Ri Dios xujuc'astajisaj junam ruc' ri Crist Jesus, xukuje' xuban chke chi xujut'uyuba' ruc' pa ri caj.

Ri Soponiy 3:14

¡Chatbixonok, tinimit re Sion! ¡Chebaraka' tak achi' ruc' quicotemal, tinimit re Israel! ¡Chatquicotok, Jerusalen, chatquicot ruc' ronojel awanima'!

Salmib 119:60

Wanextam c'ut, man xinbey ta wib che qui nimaxic tak ri e takomal la.

Salmib 119:32

Quincowij qui tz'akatisaxic ri e takomal la canojisaj c'u la ri wanima' che quicotemal.

Salmib 111:4

U banom chi man c'o ta qui sachic tak ri mayibal ri e u banom. Ri Ajawaxel ch'uch'uj xukuje' quel u c'u'x;

Salmib 63:5

Kas c'u quinnoj canok, jacha' ri cutij ronojel ri ulabal ri sibalaj je'lic, e are tak c'ut ri nu chi' quek'ijilan na che la ruc' quicotemal.

Salmib 48:9

Nu Dios, pa u niq'uiajil ri achoch la cujchoman chrij ri nimalaj lok'ok'ebal c'u'x la.

Salmib 42:4

Aretak quinchomaj quij we jastak ri', xa cänimataj ri nu k'oxom; cänataj chwe aretak in benak junam cuc' ri winak nu c'amom qui be c'ä pa ri rachoch Dios, cäkarak ka chi' ruc' quicotemal xukuje' cuj maltioxinic. ¡Jun nimalaj nimak'ij c'u ri'!

1 Pedro 1:8

Quilok'ok'ej ri Jesucrist pune' man iwilom ta u wäch, quixcojon che pune' man quiwil ta camic. Sibalaj quixquicot ruc' ri Jesucrist, ruc' jun quicotemal ri man quixcuin ta che u bixic, c'o i quicotemal ri nim u k'ij.

Filipenses 4:4

Ronojel k'ij chixquicot pa ri u bi' ri Ajawaxel. Jumul chic quinbij: ¡Chixquicotok!

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Efesios 6:24

Tok'ob chque conojel ri quelok'ok'en ri Kajaw Jesucrist, ruc' jun lok'ok'ebal c'u'x ri man cajalc'at taj.

Bixonic Tak 4:10

¡Man e c'o ta c'o wi ri e a lok'ok'enic, alaj wana'b, at ri catec'ulan wuc'! ¡Sibalaj e qui' na ri e a lok'ok'enic chuwäch ri u wa'l uva, are c'o na ri qui je'lical tak ri e a c'oc'al chquiwäch conojel ri cäbanbex quech conojel ri c'oc'al!