Apocalipsis 8:7 - Quiché Bible

⁷ Ri nabe tako'n aj caj xrok'esaj ri u trompet. Xpe sakbach xukuje' k'ak' yujum ruc' quic', xeq'uiak puwi' ri uwächulew. Xnicow c'ut ri qui roxil tak ri che', xukuje' xnicow ronojel räx tak k'ayes.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Ri nabꞌe ángel are xuchꞌawisaj ri suꞌ, xetzaq loq cho ri uwachulew saqbꞌach rachiꞌl qꞌaqꞌ yujaꞌtal kikꞌ rukꞌ. Xuqujeꞌ xkꞌatik ri urox qꞌat che ri uwachulew, rachiꞌl ri urox qꞌat che ri kꞌacheꞌlaj xuqujeꞌ ri qꞌayes ri kꞌo cho ri uwachulew.

K'iche'

⁷ Aretak ri nabe ángel xrok'isaj ru tun, c'o sakbäch xukuje' k'ak' yujtal ruc' quic' ri xeq'uiäk puwi' ruwächulew. Ri urox u ch'akapil ruwächulew xc'atic junam ruc' ri urox mulaj chque tak ri che'. Xukuje' ri urox mulaj che ri räx k'ayes ri e c'o chuwäch xec'atic.

K'iche' (New Orthography)

⁷ Aretaq ri nab'e ángel xroq'isaj ru tun, k'o saqb'äch xuquje' q'aq' yujtal ruk' kik' ri xek'iäq puwi' ruwächulew. Ri urox u ch'aqapil ruwächulew xk'atik junam ruk' ri urox mulaj chke taq ri che'. Xuquje' ri urox mulaj che ri räx q'ayes ri e k'o chuwäch xek'atik.

Apocalipsis 8:7 Referans Kwoze

Apocalipsis 9:4

Xbix c'u chque chi mäquiban c'ax che ri k'ayes re ri uwächulew, mawi che jun jasach ri räx, mawi che jun che', xane' xuwi chque ri winak ri man cojom ta ri u t'ikbal ri Dios cho ri u metz'al ri qui palaj.

Apocalipsis 9:18

Ri qui roxil ri winak xcämisax cumal we oxib c'axc'olil ri', are ri k'ak', ri sib xukuje' ri asubre ri quebel ulok pa qui chi' ri quiej.

Apocalipsis 9:15

Xequir c'u ri quiejeb tako'nib aj caj ri e suc'umam chi ulok che ri jok'otaj ri', che ri k'ij ri', che ri ic' ri', che ri junab ri' che u cämisaxic ri jun qui roxil ri winak.

Ri Isaiy 28:2

Ri Ajawaxel u tasom jun cowilaj winak ri c'o nimalaj u cuinem jacha' ri u chuk'ab jun xibibalalaj sakbach, jacha' jun cakulja ri cäcämisanic, jacha' jun nimalaj jäb, jacha' jun xibibalalaj ja' ri cäjik'isanic. Ruc' ri u k'ab carokin na pa ulew,

Salmib 105:32

Che u q'uexwäch jäb, xutak ulok sakbach xukuje' rak' tak k'ak' puwi' ri tinimit.

Apocalipsis 16:21

Xekaj c'u ulok nimak tak sakbach chicaj paquiwi' ri winak, ri quepajan jujun quintal. Ri winak xquibij c'axalaj tak yok'obal chrij ri Dios rumal rech ri c'axc'olil re ri sakbach. Sibalaj nim c'ut ri c'ax ri xubano.

Ri Isaiy 32:19

pune' c'u cat'akix ri c'ache'laj camach'irisax c'u ri tinimit.

Ri Isaiy 30:30

Ri Ajawaxel cuban na chi cätataj ri cowilaj u ch'abal, cuc'ut na ri u cuinem ri cucoj ruc' jun xibibalalaj oyowal, e rachil tak ri e rak' k'ak' ri quebik'onic, rachil cakulja' jäb xukuje' sakbach.

Ri Josue 10:11

Aretak xekaj bic ri aj amoreyib pa ri xuluxic ri c'o pa Bet-horon, aretak cätajin quebanimaj chquiwäch ri aj israelib ri Ajawaxel xebutzokopij ulok nimak tak abaj re sakbach paquiwi' e q'ui c'u na ri aj amoreyib ri xequicämisaj chuwäch ri qui ch'ich' re ch'o'j ri aj israelib.

Apocalipsis 16:2

Xbe ri nabe tako'n aj caj, xuk'ij ri u lak puwi' ri uwächulew. Xpe c'u jun itzelalaj ch'a'c sibalaj c'ax chque ri winak ri qui c'amom ri retal ri itzel awaj xukuje' chque ri cäquik'ijilaj ri u wächbal.

Apocalipsis 12:4

Ri u je' xujuruj ri coxil ch'imil ri e c'o cho ri caj, xebuq'uiak ulok cho ri uwächulew. Ri dragon xuya' rib chuwäch ri ixok, ri xa co'l man calc'ualanic, chutijic ri ral ri ixok aretak cäralc'ualaj.

Apocalipsis 6:8

Xinca'yic, xinwil jun k'an rij quiej. Ri t'uyul chrij, “Cämical” u bi'. Terenem rumal jun ri cuq'uexwächij ri qui c'olbal ri cäminakib. Xya' takanic pa qui k'ab puwi' ri u cajil ri uwächulew, che u cämisaxic ruc' ch'ich' re ch'o'j, ruc' wi'jal, ruc' yabil, xukuje' cumal ri juyubal tak awaj re ri uwächulew.

1 Pedro 1:24

Rumal rech chi ri Tz'ibatalic cubij: “Conojel ri winak xa' e junam ruc' ri k'ayes, ronojel ri qui juluwem xa' junam ruc' ri u cotz'ijal ri k'ayes. Cächaki'jar ri k'ayes, ri cotz'i'j cätzakic.

Santiago 1:11

Aretak c'u quel ulok ri k'ij ruc' ri u k'ak'al, cuchaki'jarisaj ri k'ayes, ri u cotz'ijal cätzakic, cäsach u wäch ri je'lalaj u ca'yebal. Jewa' xukuje' ri k'inom coc'ow na pa tak ri cubano.

Ri Joel 2:30

quebenc'ut na nimak tak mayibal cho ri caj, xukuje' quic', k'ak' xukuje' u sutz'al sib cho ri uwächulew.

Elem 9:33

Xel c'u ulok ri Moises chuwäch ri ajawinel, aretak xopan tza'm ja, xebuyac' ri u k'ab chicaj xutz'onoj tok'ob che ri Ajawaxel. Chanim c'ut xtani' ri jäb xukuje' ri sakbach, mawi xetataj chic ri cakulja.

Apocalipsis 7:1

Aretak xebantaj we jastak ri', xebenwil quiejeb tako'nib aj caj ri e tac'atoj paquiwi' ri quiejeb u tza'm ri uwächulew. Qui chapom ri quiejeb quiakik', rech man cäjich'ich' ta ri quiakik' cho ri uwächulew, mawi cho ri plo, mawi puwi' apachique che'.