Apocalipsis 7:17 - Quiché Bible

¹⁷ Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Rumal cher ri alaj chij ri tꞌuyul pa ri tꞌuyulibꞌal are keyuqꞌun na konojel xuqujeꞌ kukꞌam na bꞌik kibꞌe chuchiꞌ ri kꞌaslik taq nimaꞌ, ri Dios kusuꞌ na ronojel ri uwaꞌl kibꞌoqꞌoch.

K'iche'

¹⁷ Je ri', rumal chi quechajix na rumal ri Alaj Chij ri c'o pu niq'uiajal ri je'lalaj t'uyulibal, cuc'am c'u na qui be chi' u q'uiyibal tak ja' ri quel wi lok joron ri cuya c'aslemal jas ri cuban jun ajyuk' chque ri u chij. Ri Dios cusu' c'u na ronojel ri u wa'l qui wäch.

K'iche' (New Orthography)

¹⁷ Je ri', rumal chi kechajix na rumal ri Alaj Chij ri k'o pu nik'iajal ri je'lalaj t'uyulib'al, kuk'am k'u na ki b'e chi' u k'iyib'al taq ja' ri kel wi loq joron ri kuya k'aslemal jas ri kub'an jun ajyuq' chke ri u chij. Ri Dios kusu' k'u na ronojel ri u wa'l ki wäch.

Apocalipsis 7:17 Referans Kwoze

Ri Xuan 4:14

Apachin c'u ri cäruq'uiaj re ri joron ri quinya' che, mawi jumul chbe k'ij sak cächaki'j ta chi na u chi'. Xane' ri joron ri quinya' che, cux na jun u q'uiyibal ja' che, ri cäpixc'on che junalic c'aslemal.”

Ri Xuan 4:11

Xubij ri ixok che: “Tat, ri lal man c'o ta quesabej la rech, ri c'ua' naj u pam. ¿Jawije' quec'ama' wi la ri c'aslic joron?

Apocalipsis 22:1

Ri tako'n aj caj xuc'utuxtaj jun nima' re c'aslemal chnuwäch cächuplinic jacha' ri cha'. Quel c'u ulok che ri u tem ri Dios re ajawibal, xukuje' ri re ri Alaj Chij.

Apocalipsis 21:4

Cusu' na ronojel ri u wa'l qui wäch ri e ok'inak. Man c'o ta chi cämical. Man c'o ta chi bis, man c'o ta chi curak u chi' rumal c'ax, mawi c'o chi k'oxowem. Xeboc'ow c'ut ri nabe tak jastak.”

Salmib 23:5

Suc'umam la jun ula'bal chwe chquiwäch ri e nu c'ulel; jamim la c'oc'al pa nu jolom, chemowisan la ri wuq'uiabal.

Apocalipsis 21:6

Te c'u ri' xubij chwe: “Xbantajic. In ri' ri nabe xukuje' ri q'uisbal, ri tiquiritajic xukuje' ri q'uistajic. Apachin ri cächaki'j u chi', quinya' na re ri q'uiyibal ja' re c'aslemal, ri xa' cäcochi'xic.

Ri Xuan 10:11

In ri' ri utzalaj ajyuk'. Ri utzalaj ajyuk' cuya' ri u c'aslemal rumal quech ri u e chij.

Ri Isaiy 25:8

Ri Ajawaxel xa jumul cusach na u wäch ri cämical, cutzajisaj na ri u wal qui wäch ri qui bak'wäch conojel, cuban na chi cusach na u wäch pa ronojel ri uwächulew ri u yok'ic ri u tinimit. Ri Ajawaxel bininak.

Ri Xuan 10:14

In ri' ri utzalaj ajyuk'. Quinch'ob c'u qui wäch ri nu chij, ri e wech cäquich'ob nu wäch, jacha' ri nu Tat cuch'ob nu wäch in, xukuje' jacha' ri in quinch'ob u wäch ri Tataxel. Quinya' c'u ri nu c'aslemal rumal quech ri chij.

Ri Jeremiy 2:13

Ri nu tinimit quieb u wäch ri mac u banom: in u q'uiakom canok in, u q'uiyibal c'aslic ja', xequic'ot c'ut ri kas e qui c'ua', c'ua' tak ri e xarxobinak ri man quequic'ol ta ri ja'.”

Ri Ezequiel 34:23

Quenbana' na chi catzelej ulok ri pataninel wech ri David, xuwi c'ut ri are' quincoj na che ajyuk', ri are' quebuchajij na. Are' cux na yuk'ul quech.

Apocalipsis 5:6

Pa u niq'uiajil ri tem re ajawibal, chquixo'l ri quiejeb awaj, xukuje' chquixo'l ri nimak tak tatayib, xinwil jun Alaj Chij. Chäcalic, je ta ne ri cämisam. C'o wukub ruc'a', c'o wukub u bak'wäch, are wa' ri wukub ruxlabal ri Dios ri e takom bic cho ronojel ri uwächulew.

Ri Matey 2:6

‘Ri at, Belen, ulew re Judey, man at ta ch'utin na chquixo'l ri quetakan puwi' ri Judey. Rumal rech chi awuc' quel wi na ulok jun c'amal be ri cäyuk'un na ri nu tinimit Israel.’ ”

Ri Isaiy 12:3

Xukuje' ri ix cuya' quixbec qui wuq'uiaj iwe ruc' quicotemal che ri u q'uiyibal ri colobal ib,

Salmib 28:9

To'tajisaj la ri tinimit la, Ajawaxel; chetewichi'j la ri e ech la. Chebechajij la jacha' ri cuban jun ajyuk'; ¡cheloquej la bic pa k'ab la amak'el!

Ri Miquey 5:4

Ri ajawinel cawalij na che u yuk'uxic ri u tinimit ruc' ri cuinem xukuje' ri nimalaj u banic ri Ajawaxel ri u Dios, ri e are' quecuinic quejeki' na pa jamaril, rumal rech chi canimarisax na u k'ij ri Ajawaxel c'ä chupam ri q'uisbal jutz' re ri uwächulew.

Ri Isaiy 60:20

Ri a k'ij mawi jumul cuc'u' rib mawi camayquen ri u chaj ri a ic', rumal rech chi ri in, ri Ajawaxel, quinux na junalic a chaj; ri e a k'ijol quech tak bis caq'uis na qui tzam.

Ri Isaiy 49:9

rech cäbix chque ri e c'o pa che': ‘Chixcanaj torotajinak,’ chque c'u ri e c'o pa k'eku'm: ‘Chiya' iwib chisak.’ Chuchi' tak ri be quirik na k'ayes, pa apachique chaki'j juyub quirik na k'ayes chque tak ri iwawaj.

Ri Isaiy 35:10

ri e torom rumal ri Ajawaxel queboc c'u na pa Sion cuc' tak bix re quicotemal, ronojel k'ij quequicot na. Cäquirik na utzil xukuje' utzalaj c'aslemal, cäsach na u wäch ri ok'ej xukuje' ri k'oxomal.

Ri Isaiy 30:19

Tinimit aj Sion ri at jekel pa Jerusalen: Matakej chi ok'ej. Ri Ajawaxel quel na u c'u'x chawe aretak cuto carak achi' che u ta'ic ri u to'banic, xuwi c'u catuto' cuya' na ri catz'onoj che.

Ri Isaiy 25:6

Pa ri juyub Sion, ri Ajawaxel ri c'o ronojel u cuinem, cusuc'umaj na chque conojel ri nimak tak tinimit jun wa'im ri quetijow wi na je'lalaj tak jastak xukuje' u wa'l uva ri k'obisam, rachil je'licalaj tak riquil xukuje' ri kas utzalaj u wa'l uva.

Apocalipsis 4:11

“Kajaw xukuje' ka Dios, ya'tal che la ri u c'amic ri juluwem, ri nim ilic xukuje' ri cuinem. Lal xebanow la conojel ri jastak, rumal ri rayibal la e c'olic, xebantajic.”

1 Pedro 5:2

Chebiyuk'uj ri jumulaj chij re ri Dios ri c'o chixo'l. Chichajij man xa' ta rumal rech chi quixch'ij che u banic, xane' chichajij ruc' ronojel iwanima' jas ri cubij ri Dios. Mitzucuj q'uixbalalaj ch'äcoj, xane' chichajij ri jumulaj chij ruc' jun utzalaj iwanima'.

Hechos 20:28

Chichajij iwib. Chichajij ronojel ri jumulaj chij ri yo'm pa i k'ab rumal ri Ruxlabal ri Dios. Xuya' pa i k'ab rech quebiyuk'uj ri e comon cojonelab rech ri Dios, ri xebulok' ruc' ri u quiq'uel.

Ri Miquey 7:14

¡Ajawaxel, chajij la ri tinimit la, ri e chij la ri e ech la, ri e c'o qui tuquiel pa ri c'ache'laj, ri e sutital quij cumal wächinelalaj tak ulew! Chec'ama' la bic jacha' ri xban la chque pa ri ojer tak k'ij, pa tak ri echabal ri c'o pa Basan xukuje' pa Galaad.

Ri Jeremiy 31:9

Quepe na ruc' tz'ononic xukuje' ok'enic. In quebenc'am na bic jawije' e c'o wi binel tak ja', pa jun lianic be jawije' ri man caquichak'ij ta wi quib. In c'ut ri u tat ri Israel, are c'u ri Eprain are nabeal nu c'ojol.

Ri Isaiy 40:11

Cäpetic jacha' jun ajyuk' ri quebuchajij ri u chij quebuyac ri alaj tak chij, quebuk'aluj, quebuc'am bic cho u c'u'x, sibalaj coc il che qui chajixic ri c'äte xebalaxic.

Salmib 22:26

Chixwok, ix ri cäban c'ax chiwe c'ä quixnoj na; chik'ijilaj ix ri Ajawaxel, ix ri quixtzucun che, chixc'asal c'u q'ui junab.

Ri Isaiy 30:25

Aretak copan ri k'ij re ri nimalaj cämisanic quetzak c'u ri pimak tak tapia, quebel na ulok nimak tak nima' paquiwi' ri tac'atak tak juyub xukuje' que tza'm tak ri juyub ri naj e elinak chicaj.

Ri Isaiy 51:11

Jewa' xukuje' ri quitzelejic ulok ri quetorotaj na rumal ri Ajawaxel, queboc c'u na pa Sion ruc' rakoj tak chi'aj re quicotemal; ri qui palaj sibalaj cäja'jat na, cäquirik na utzil, quicotemal, ri k'oxomal xukuje' ri ok'ej cäsach na qui wäch.

Ri Isaiy 65:19

Kas in quinjajat na rumal ri Jerusalen, quinna' na quicotemal rumal ri nu tinimit. Chupam we tinimit ri' man cätataj ta chi na rakoj tak chi'aj mawi ok'ej.

Ri Matey 5:4

Utz que ri quebok'ic, cacu'bisax c'ut qui c'u'x rumal ri Dios.

Ri Xuan 4:10

Ri Jesus xubij che: “We ta aweta'm ri cusipaj ri Dios, we ta aweta'm jachin ri' ri cubij chawe: ‘Chaya' nu joron’, at ta ri' cata' awe che, ri in c'ut quinya' ta awe ri' ri c'aslic joron.”

Apocalipsis 14:4

E are wa' ri man xquitz'iloj ta quib cuc' ixokib, mawi xec'uli'c. Are wa' ri queterenem ri Alaj Chij apawije' ta ne ri cäbe wi. Ri xelok' chquixo'l ri winak che ri Dios xukuje' che ri Alaj Chij, je ta ne ri e nabe tak u wächinic ri tico'n.

Apocalipsis 21:22

Man xinwil ta c'u ri k'ijilabal chupam. Are c'u ri k'ijilabal re we tinimit ri' are ri Ajawaxel, Dios ri c'o ronojel u cuinem xukuje' ri Alaj Chij.

Apocalipsis 21:23

Ri tinimit man cajwataj ta ri k'ij che rech cuya' ri u sakil, mawi rajawaxic ri ic' che. Are c'u ri u juluwem ri Dios xjuluw puwi', are c'ut ri u chäj are' ri Alaj Chij.