Apocalipsis 6:9 - Quiché Bible

⁹ Aretak ri Alaj Chij xujak ri uro' t'ikbal, xinwil chuxe' ri porobal ri canima' ri xecämisax rumal rech chi qui k'alajisam ri u tzij ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Are xujaq ri uroꞌ tzꞌapibꞌal, xinwil ri kanimaꞌ konojel ri e kojonelabꞌ ri kꞌo chuxeꞌ ri tzujbꞌal, are waꞌ ri xekamisaxik rumal utzijoxik ri utzij ri Dios.

K'iche'

⁹ Aretak ri Alaj Chij xuch'ol chi apan ri uro' t'ikbal, xinwil ri canima' ri cojonelab ri xecämisax rumal ru tzijoxic ru Lok' Pixab ri Dios, e c'olotal c'u chuxe' ri ta'bal tok'ob.

K'iche' (New Orthography)

⁹ Aretaq ri Alaj Chij xuch'ol chi apan ri uro' t'iqb'al, xinwil ri kanima' ri kojonelab' ri xekämisax rumal ru tzijoxik ru Loq' Pixab' ri Dios, e k'olotal k'u chuxe' ri ta'b'al toq'ob'.

Apocalipsis 6:9 Referans Kwoze

Apocalipsis 20:4

Xebenwil tak tem re ajawibal, xet'uyi' c'u paquiwi'. Ri xya' takanic pa qui k'ab rech cäquik'at tzij. Xukuje' xebenwil ri qui c'aslibal ri xesax qui jolom rumal rech ri u k'alajisaxic ri Jesus xukuje' rumal rech ri u tzij ri Dios. Ri e are' man xquik'ijilaj ta ri itzel awaj, mawi ri u wächbal, man xquic'am ta quetal cho ri u metz'al ri qui palaj mawi cho ri qui k'ab. Xinwil c'ut chi xec'asi' chi jumul, quebajawin c'u ruc' ri Crist jun mil junab.

Ri Xuan 16:2

Quixesax na bic pa tak ri ja ri cäquitijoj wi quib ri aj judeyib che ri pixab. Cäpe c'u na ri k'ij, aretak apachin ri quixquicämisaj, cäquichomaj wa' chi patanijic wa' che ri Dios.

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.

Apocalipsis 2:13

Weta'm ri at jekel chila' jawije' ri c'o wi ri u tem ri Satanas re ajawibal. Pune' at c'o chila', man a tzokopim ta c'u ne ri nu bi', man awesam ta awib che ri a cojonic chwe. Xukuje' ne pa tak ri u k'ij ri Antips ri jicalaj nu k'alajisanel, ri xcämisax chixo'l, jawije' ri jekel wi ri Satanas.

2 Timoteo 1:8

Matq'uix ba' che u k'alajisaxic jas ri u banom ri Kajaw o jas nu banom in ri in c'o pa che' rumal rech ri Are'. Xane' chach'ija' awe ri c'ax wuc' in rumal rech ri tzij re colobal ib, ruc' ri chuk'ab ri yo'm rumal ri Dios,

Apocalipsis 16:7

Xinta' chi jun aj porobal je xubij wa': “Je', Ajawaxel, Dios ri c'o ronojel cuinem uc' la. Kastzij xukuje' suc' ri k'atoj tzij ri xban la.”

Apocalipsis 14:18

Jun chic tako'n aj caj, ri c'o takanic pa u k'ab puwi' ri k'ak', xel ulok cho ri porobal. Co xch'awic ruc' chuk'ab che ri c'o ri t'ist'icalaj u jos, xubij: “Chacojo' ri t'ist'icalaj a jos, chebamaca ri u wäch ri uva ri e c'o cho ri uwächulew, e chak' chic ri uva.”

Apocalipsis 1:2

Ri xk'alajisan ri u tzij ri Dios, xukuje' xuk'alajisaj ri Jesucrist, xukuje' conojel ri jastak ri e rilom.

Filipenses 1:23

Man quinrik taj jachique we quieb ri' quincha'o. Quinwaj quincämic, quinel cho we uwächulew rech quinec'ol ruc' ri Crist. Are wa' sibalaj utz na.

2 Corintios 5:8

Ka jiquibam ka c'u'x, cäkaj ta c'ut chi ma ta uj c'o chic pa ri cuerp, rech cujec'ol ruc' ri Ajawaxel.

Aj Levitib 4:7

Cubil xukuje' jubik' quic' chque tak ri e ruc'a' ri porobal ri caporox wi ri c'oc'alaj k'ol ri c'o chuwäch ri Ajawaxel, chupam ri Lic'om Rachoch Dios re rikoj ib, ronojel c'u ri quic' ri cäto'tajic cujamij pa rakan ri porobal re tabal tok'ob ri cächajirisaxic ri c'o chuchi' ri oquibal chuwäch ri Lic'om Rachoch Dios re rikoj ib.

Apocalipsis 19:10

Xintzak wib chuwäch ri rakan ri tako'n aj caj che u k'ijilaxic. Xubij c'u chwe: “¡Mabano! In awach pataninel, in cach pataninel ri awachalal ri c'o u k'alajisaxic ri Jesus cuc'. Are' chak'ijilaj ri Dios.” Are c'ut ri u k'alajisaxic ri Jesus are ri u tzijoxic ri yo'm u bixic.

Apocalipsis 8:3

Xpe chi jun tako'n aj caj, xtaq'ui chuwäch ri porobal, ruc'am jun bukibal re k'an puak. Xya' q'ui c'oc' k'ol che, rech cutik chque ri e qui ch'awem conojel ri e tastalic tak winak aj Dios, puwi' ri porobal re k'an puak ri c'o chuwäch ri tem re ajawibal.

2 Timoteo 4:6

Ri in c'ut, xak weyem chic ri nu cämisaxic, ri jok'otaj re ri welic bic nakaj c'o wi.

Apocalipsis 9:13

Ri uwak tako'n aj caj xrok'esaj ri u trompet. Xinta' jun ch'abal ri xel ulok chque ri quiejeb ruc'a' ri porobal chquixo'l re k'an puak ri c'o chuwäch ri Dios.

Filipenses 2:17

Pune' cäpil na ri kas nu c'aslemal che u tz'akatil ri sipanic ri quiya' ix che ri Dios rumal ri i cojonic, in quinequicotok, ix c'u joch'ob quixquicot wuc'.

Chapletajic 4:10

Ri Ajawaxel xubij che ri Cain: “¿Jas ri xaban che ri a chak'? Ri u quiq'uel ri a chak' ri xatix cho ri ulew, curak u chi' cuta' chwe chi quinc'äjisaj a wäch.

Elem 29:12

Chac'ama' jubik' che ri u quiq'uel ri alaj ama' wacax ruc' ri u wi' a k'ab, chabila' chque ri ruc'a' ri porobal, ri quic' ri cäto'tajic chajamij pa rakan ri porobal.

Hebreos 12:23

Ix opaninak cuc' ri nabeal tak winak re ri comon cojonelab, ri qui mulin quib, ri e tz'ibam qui bi' pa ri caj. Ix opaninak chunakaj ri Dios, ri qui K'atal Tzij conojel, chquiwäch ri cuxlabal ri suc'alaj tak winak ri e tz'akatisam chic.