Apocalipsis 6:8 - Quiché Bible

⁸ Xinca'yic, xinwil jun k'an rij quiej. Ri t'uyul chrij, “Cämical” u bi'. Terenem rumal jun ri cuq'uexwächij ri qui c'olbal ri cäminakib. Xya' takanic pa qui k'ab puwi' ri u cajil ri uwächulew, che u cämisaxic ruc' ch'ich' re ch'o'j, ruc' wi'jal, ruc' yabil, xukuje' cumal ri juyubal tak awaj re ri uwächulew.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Xinkaꞌyik kꞌa te xinwilo jun qꞌana kej, kꞌo jun kejeninaq chirij ubꞌiꞌnam Kamikal, tereneꞌtal rumal ri kꞌamal kibꞌe ri ajawarem rech ri kamikal. Che we jun riꞌ xyaꞌtaj ri kwinem rech kuꞌkamisaj ri ukaj qꞌat chike ri winaq rech uwachulew rukꞌ sakꞌibꞌal, numik, chꞌoꞌj, rukꞌ yabꞌilal xuqujeꞌ kumal e juyubꞌil taq aꞌwaj.

K'iche'

⁸ Xinca'yic, te' xinwil jun quiej k'än rij, ri jun ri quiejeninak chrij, “Cämical” u bi', ternetal c'u rumal jun ri cuq'uexwächij ri qui c'olibal ri cäminakib (ri cäbix “Hades” che). Te c'u ri' xyi' takanic pu k'ab puwi' ri ucaj u tz'akatil ruwächulew rech queucämisaj ri winak ruc' ch'oj, ruc' wi'jal, ruc' yabil, xukuje' cuc' c'analaj tak awaj aj pa tak juyub.

K'iche' (New Orthography)

⁸ Xinka'yik, te' xinwil jun kiej q'än rij, ri jun ri kiejeninaq chrij, “Kämikal” u b'i', ternetal k'u rumal jun ri kuk'exwächij ri ki k'olib'al ri käminaqib' (ri käb'ix “Hades” che). Te k'u ri' xyi' taqanik pu q'ab' puwi' ri ukaj u tz'aqatil ruwächulew rech keukämisaj ri winaq ruk' ch'oj, ruk' wi'jal, ruk' yab'il, xuquje' kuk' k'analaj taq awaj aj pa taq juyub'.

Apocalipsis 6:8 Referans Kwoze

Ri Osey 13:14

¿La quebentor ta c'ut rech ma ta chekaj pa u k'ab ri mukubal? ¿La quebento'tajisaj ta c'u lo rech ma ta quekaj pa u k'ab ri cämical? ¿Jawije' c'o wi, cämical, ri a cuinem che u sachisaxic wächaj? ¿Jawije' tak e c'o wi, mukubal ri e a lawaloyil? ¡Man quel ta chi na nu c'u'x chque we winak ri'!

Apocalipsis 1:18

In ri' ri c'aslic. Xincäm na. Chawilampe', in c'asal c'u chbe k'ij sak. C'o ri e u laweyil ri cämical wuc' xukuje' ri re ri qui c'olbal ri cäminakib.

Ri Zacariy 6:3

ri urox, cumal quiej sak quij; are chi c'u ri ucaj cumal quiej tzartzox quij.

Ri Ezequiel 5:12

Jun qui roxil ri e a winakil quecäm na rumal yabil ri man cunatajeltaj xukuje' rumal wi'jal chixo'l ix, ri jun qui roxil chic quecämisax na cumal c'ulel ri e c'o chinakaj, are chi c'ut ri jun qui roxil ri canajinak quebenjabuj na pa ri quiejeb quiakik'. Ri in quebenterenej na ruc' jun ch'ich' re ch'o'j pa nu k'ab.

Ri Jeremiy 16:4

Quebecäm na cumal xibibalalaj tak yabilal man c'o ta c'u jun quebok'en na mawi c'u quemuk na: quepuni na canok cho tak ri ulew e jacha' ta ne qui mes tak awaj. Ri ch'o'j xukuje' ri wi'jal queq'uisow na tzij paquiwi', we cäminakib tak ri' xa' c'uch quet'ubin na xukuje' juyubal tak awaj.”

Apocalipsis 9:18

Ri qui roxil ri winak xcämisax cumal we oxib c'axc'olil ri', are ri k'ak', ri sib xukuje' ri asubre ri quebel ulok pa qui chi' ri quiej.

Ri Isaiy 25:8

Ri Ajawaxel xa jumul cusach na u wäch ri cämical, cutzajisaj na ri u wal qui wäch ri qui bak'wäch conojel, cuban na chi cusach na u wäch pa ronojel ri uwächulew ri u yok'ic ri u tinimit. Ri Ajawaxel bininak.

Apocalipsis 9:15

Xequir c'u ri quiejeb tako'nib aj caj ri e suc'umam chi ulok che ri jok'otaj ri', che ri k'ij ri', che ri ic' ri', che ri junab ri' che u cämisaxic ri jun qui roxil ri winak.

1 Corintios 15:55

Cämical, ¿jawije' c'o wi ri a cuinem che u banic c'ax chke? Cämical, ¿jawije' c'o wi ri a ch'äcanic?”

Ri Habacuc 2:5

Ri winak ri e banal tak nimal caquirayij ri cuinem; man quebuxlan ta che u tzucuxic, amak'el c'ut are ta c'u ne cäcaj caquitik u wi', pune' c'u ne ri cuinem quieb u wäch jachanel. Caquijak ri qui chi', jacha ri u jul ri cäminak; mawi jubik' quenojic, jacha' ri cämical, rumal ri' cäquiq'uiakala' quib che qui ch'äquic nimak tak tinimit chrij nimak tak tinimit.

Ri Jeremiy 16:16

In, ri Ajawaxel, quinjiquiba' u bixic, quenbana' chi quepe q'ui tak caranelab rech quequicarij ri aj israelib. Quenbana' c'u na chi quepe q'ui tak tzucunelab che quitzucuxic quequesaj c'u ulok pa conojel tak ri c'ache'laj xukuje' paquiwi' tak ri juyub xukuje' c'ä pa tak ri pec ri e c'o xo'l tak ri tzac'atzak tak abaj.

Ri Matey 11:23

Are c'u ri at, tinimit Capernaum, ¿Ri at walijisam c'ä pa ri caj? Chupam ri nimalaj siwan catrokix wi na, we ta c'u pa Sodom xeban tak wi ri mayibal ri xeban tak awuc' c'ä c'o ta ri' ri Sodom camic.

Ri Jeremiy 43:11

Ri are' cäpe na cusachisaj c'u na u wäch ri ulew re Ejipt. Ri q'uiakom paquiwi' chi quecämic, quecäm na; ri q'uiakom paquiwi' chi quec'am na bic pa jun ulew chic quec'am na bic pa jun ulew chic; ri q'uiakom paquiwi' chi quecäm na pa ri ch'o'j, quecäm na pa ri ch'o'j.

E C'ambal tak Tzij 5:5

Ri binem ruc' we ixok ri' cac'aman bic pa ri cämical; ri u xo'l tak rakan cäc'aman bic pa ri mukbal.

Apocalipsis 12:4

Ri u je' xujuruj ri coxil ch'imil ri e c'o cho ri caj, xebuq'uiak ulok cho ri uwächulew. Ri dragon xuya' rib chuwäch ri ixok, ri xa co'l man calc'ualanic, chutijic ri ral ri ixok aretak cäralc'ualaj.

Ri Jeremiy 14:12

Pune' ta sibalaj cuq'uisa' rib che man cuya' taj caban wa'im, man quebentatabej taj ri e u tz'ononic; xa' ta ne e joropa' tabal tok'ob ri quechajirisaxic xukuje' tabal tak tok'ob quech c'äj ri quequic'am ta ulok chwe, man utz ta quebenwil na. Quinsachisaj na u wäch rumal ch'o'j, wi'jal xukuje' yabilal.

Ri Jeremiy 24:10

Quintak na ri ch'o'j paquiwi', ri wi'jal xukuje' ri cämisanel yabil, c'ä man c'o ta jun cäcanaj ta na canok chque chupam ri ulew ri xinya' chque e are' xukuje' chque ri e qui mam.”

Ri Jeremiy 29:17

‘In, ri Ajawaxel ri c'o ronojel u cuinem, quinbij: Quentaka' ulok ch'o'j, wi'jal xukuje' cämisanel yabil. Quenbana' chi je quecanajic e jacha' we k'ayinak tak higo ri', rumal c'u rech chi sibalaj man e utz taj man cuya' taj quetijic.

Ri Ezequiel 29:5

Catinq'uiak na chupam ri chaki'j uwo sak, junam cuc' conojel ri car ri e c'o chupam ri a nima'; catekaj na chupam jun chaki'j uwo sak, man c'o ta c'u jachin cattelenic che a mukic. Quinban na chi catquit'ubij ri juyubal tak awaj xukuje' tak ri c'uch ri querapap chicaj.

Ri Matey 24:7

Cäwalij na jun nim tinimit chrij jun nim tinimit chic. Cäwalij na jun ajawibal chrij jun ajawibal chic. Pa jalajoj tak c'olbal quepe na wi'jal, xukuje' quebuban na cabrakan.