Apocalipsis 6:17 - Quiché Bible

¹⁷ xopan c'ut ri nimalaj k'ij cäpe ri c'äjisabal wächaj. ¿Jachin ta lo ri cäcuinic cätaq'ui' ta chuwäch?”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Xuqujeꞌ xkibꞌij xopan ri qꞌij are kuqꞌat tzij pa qawiꞌ ri alaj chij, man kꞌo ta jun kakwinik kakꞌojiꞌ cho ri ukaꞌyebꞌal.

K'iche'

¹⁷ Xopan c'u ri nimalaj k'ij rech cäc'äjisax ka wäch. ¿Jachin ta c'u lo cäcowinic cuch'ijo? —xecha'.

K'iche' (New Orthography)

¹⁷ Xopan k'u ri nimalaj q'ij rech käk'äjisax qa wäch. ¿Jachin ta k'u lo käkowinik kuch'ijo? —xecha'.

Apocalipsis 6:17 Referans Kwoze

Ri Malaquiy 3:2

¿Jachin ta c'u lo ri cacuinic cuk'i' ri k'ij re ri u petic? ¿Jachin ta c'u lo ri cacuinic cutac'aba' rib? Copan c'u na jacha' jun k'ak', che ka ch'ajch'ojirisaxic; cux na jacha' jun ch'ipak ri queresaj na tak ri e ka tz'ilol.

Ri Joel 2:11

Ri Ajawaxel, cänabej chquiwäch ri rajch'ojab cubano chi cätataj ri u ch'abal jacha' cakulja. Ri rajch'ojab man quebajilataj taj, ri queniman che ri u banic tak ri e u takanic. ¡Sibalaj nim xukuje' xibibal ri u k'ij ri Ajawaxel! Man c'o ta jachin ta cacoch'owic.

Salmib 76:7

¡Ri lal lal xibibal! ¿Jachin ta ri cäcuinic cutac'aba' rib chwäch la aretak lal oyowarinak?

Apocalipsis 16:14

E are wa' e cuxlabal itzel tak uxlabal. Xequiban etal, xebe cuc' ri ajawinelab re ronojel ri uwächulew, xequimulij che u banic ri ch'o'j re ri nimalaj u k'ij ri Dios ri c'o ronojel u cuinem.

Ri Joel 2:31

Ri k'ij cux na k'ekumalil, ri ic' cux na quic' c'ä majok chopan ri u k'ij ri Ajawaxel, nimalaj k'ij xukuje' xibibal.”

Ri Jeremiy 30:7

¡Canakajin jun xibibalalaj k'ij, jun k'ij ri man c'o ta chi jun ri junam ta ruc'! Are jun k'ijol re c'ayilaj c'axc'ol che ri u tinimit ri Jacob, quinto'tajisaj c'u na in.

Romanos 2:5

Co c'u ri awanima', man caq'uex ta ri a c'u'x. Rumal ri', aretak cäpe ri royowal ri Dios paquiwi' ri winak, xukuje' cäpe na chawij at. Jewa' cäban na chawe aretak cäk'alajisax ri suc'alaj u k'atoj tzij ri Dios.

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

Ri Juds 1:6

Xukuje' ri e tako'nib aj caj ri xquiya' can ri takanic ri yo'm pa qui k'ab nabe, ri xquiya' can ri qui c'olbal ri e c'o wi, ri Dios e u c'olom cuc' junalic tak ximibal pa k'ekumal c'ä pa ri k'atoj tzij re ri nimalaj k'ij.

Ri Lucax 21:36

Xakba' chixc'ol suc'umatalic, chibana' ch'awem ruc' Dios ronojel jok'otaj, rech quixcuinic quixto'tajic man quebikajbej ta c'ut we jastak ri' ri quec'ulmataj na quixcuin c'u ri' quitac'aba' iwib chuwäch ri Rija'l Winak.”

Nabe Samuel 6:20

Xquibij c'u ri aj Bet-sems: “¿Jachin ta lo cäcuinic cutac'aba' rib chuwäch ri Ajawaxel, chuwäch we tastalicalaj Dios ri' ri man cuban ta etzelal? ¿Jachin lo che cubana' wi c'ax aretak chel chakaxo'l?”

Salmib 110:5

Ri Ajawaxel c'o pa ri wiquiak'ab la; pa ri k'ij re ri royowal cusach na qui wäch ajawinelab;

Ri Isaiy 63:4

Nu chomam jun k'ij chi quinban k'atoj tzij xopan c'u ri k'ij che u colic ri nu tinimit.

Ri Joel 1:15

¡Ay, cänakajin ri u k'ij ri Ajawaxel! ¡Xibibalalaj k'ij, ri cuc'am ulok sachoj wächaj pakawi' rumal ri c'o ronojel u cuinem!

Ri Joel 2:1

Chiwok'isaj ri trompet chupam ri juyub Sion; chiya' ri u bixic chupam ri tastalic u juyub ri Ajawaxel. Chebirbot conojel ri e jekel pa Juda, rumal rech chi nakaj chic c'o wi ri u k'ij ri Ajawaxel;

Ri Nahum 1:6

¿Jachin ta lo ri cacuinic cätaq'ui' ta chuwäch ri royowal? ¿Jachin ta lo ri cach'ijow ri royowal? Ri u c'anal cätixtob na jacha' k'ak', quequiban c'u cacab ri nimak tak abaj.