Apocalipsis 6:13 - Quiché Bible

¹³ Ri ch'imil ri e c'o chicaj xetzak ulok cho ri uwächulew, jacha' ri u che'al higo ri cayicopisax rumal jun nimalaj quiakik' quebutzak ri e u higo ri man xquirik ta quichak'ajic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Ri chꞌumil ri e kꞌo cho ri kaj xetzaq loq cho ri uwachulew, jetaq ri kubꞌan ri uwach ri higuera are katzaq loq cho ri uwachulew rumal xqꞌayik.

K'iche'

¹³ Ri ch'imil cho ri caj xetzak lok puwi' ri ulew, jas cuban ri u che'al higos quetzak lok ri räx tak u wäch aretak cäslabisax rumal jun nimalaj quiäkik'.

K'iche' (New Orthography)

¹³ Ri ch'imil cho ri kaj xetzaq loq puwi' ri ulew, jas kub'an ri u che'al higos ketzaq loq ri räx taq u wäch aretaq käslab'isax rumal jun nimalaj kiäqiq'.

Apocalipsis 6:13 Referans Kwoze

Ri Isaiy 34:4

Conojel ri ch'imil ri e c'o chicaj quetuquin na, ri caj cubot na rib jacha' jun wuj, conojel ri ch'imil quechup na, jacha' ri u chaki'jaric xukuje' ri u tzakic jun xakaj ri ch'upch'ubinak che ri juwi' uva o che ri juwi' higo.

Ri Matey 24:29

“Chanim c'ut, aretak oc'owinak chic ri k'ij ri' re ri c'axc'olil, ri k'ij cäk'ekumar na, ri ic' man cuya' ta chic ri u sakil, ri ch'imil ri e c'o chicaj quetzak na ulok, ri chuk'ab e aj caj queyicop na.

Apocalipsis 9:1

Ri uro' tako'n aj caj xrok'esaj ri u trompet. Xinwil c'u jun ch'imil ri xtzak ulok chicaj puwi' ri uwächulew. Xya' c'u ri lawe che re ri jul re ri k'ekumalaj c'olbal.

Ri Daniel 8:10

Sibalaj xnimaric chi xopan cuc' ri ajch'ojab aj caj, xebukasaj c'u jujun chque ri ch'imil xebuxak'alej c'ut,

Ri Ezequiel 32:7

Aretak quinsachisaj a wäch, quinban na chi cak'ekumar na ri u wäch ri caj quechup c'u na ri ch'imil; quinch'uk na ri k'ij cuc' sutz', xukuje' ri ic' man cajuluw ta chic.

Ri Lucax 21:25

“Quec'oji' na etal chupam ri k'ij, chupam ri ic', chquipam ri ch'imil. Cäquixe'j na quib ri winak cho ri uwächulew, cäsach qui c'u'x rumal ri rok'ebal ri plo cachil ri e u k'et.

Ri Isaiy 7:2

Pa we k'ij ri' xeyok we tzijol ri' che ri Acaz xukuje' chque ri e ralaxic: “Ri e aj Siriy qui junamam qui wäch cuc' ri aj Eprain.” Ri ajawinel xukuje' ri winak xquichaplej birbitem jacha' ri cäquiban ri che' pa ri c'ache'laj aretak cäjich'ich' ri quiakik'.

Ri Nahum 3:12

Conojel ri e a cowirisabal xak e junam cuc' ri e u che'al tak higo ri e bejel chque tak higo ri c'a e t'on, ri quepulpubic we queyicopisax pa ri u chi' ri quetijowic.

Ri Daniel 4:14

ri co xurak u chi' je xubij wa': Chikasaj ri juwi' che, chebit'oyo tak ri u k'ab, chebijolij tak ri u xak chebijabuj tak ri e u wächinic. Chebanimaj tak ri juyubal tak awaj ri e c'o chuxe' ri u mu'jal xukuje' tak ri chicop ri e c'o ri qui xic' ri e c'o pa tak ri u xak.

Ri Isaiy 33:9

Ri ulew u cojom k'ek' atz'iak, cabison c'ut, ri Libano bach'uyirinak elinak u q'uixbal, ri beya' aj Saron uxinak jun chaki'j uwo sak, ri Basan xukuje' ri juyub Carmel e toltobinak.

Ri Isaiy 13:10

Ri ch'imil xukuje' ronojel ri c'o cho ri caj man quetunun ta chic; ri k'ij c'äte jubik' quel ulok cäk'ekumaric, ri ic' man cäjuluw ta chic.

Ri Joel 2:31

Ri k'ij cux na k'ekumalil, ri ic' cux na quic' c'ä majok chopan ri u k'ij ri Ajawaxel, nimalaj k'ij xukuje' xibibal.”

Marcos 13:25

Ri ch'imil ri e c'o chicaj quetzak na ulok, ri chuk'ab ri e c'o chicaj queyicopisax na.

Ri Job 15:33

Cux na junam ruc' juwi' uva ri man quechak'ajtaj ri u wäch, jacha' juwi' aseitun ri man quetaq'ui ta ri e u cotz'ijal.