Apocalipsis 6:10 - Quiché Bible

¹⁰ Xquirak qui chi' ruc' chuk'ab, xquibij: “Ajawaxel, ri tastalic ri man cuban ta etzelal, xukuje' ri jic, ¿c'ä jampa' cäk'at la tzij paquiwi' ri e c'asal cho ri uwächulew? ¿C'ä jampa' cäya' la rajil u q'uexel ri ka quiq'uel chque?”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Ri e kamisatalik rumal utzijoxik ri utzij ri Dios ko xkibꞌij: Kwinel laj Dios, sibꞌalaj lal Tyox xuqujeꞌ man kabꞌan ta la bꞌanoj tzij. ¿Jampaꞌ kaqꞌat la tzij pa kiwiꞌ ri winaq ri xujkamisanik?

K'iche'

¹⁰ Ri e are' co xech'awic, xquibij: Kajaw, lok'alaj ka Dios ri jicom anima' la, ¿jampa' cäk'at la tzij pa qui wi' ri winak ajuwächulew ri xujquicämisaj, cäya c'u la rajil u q'uexel ri ka cämical chque? —xecha'.

K'iche' (New Orthography)

¹⁰ Ri e are' ko xech'awik, xkib'ij: Qajaw, loq'alaj qa Dios ri jikom anima' la, ¿jampa' käq'at la tzij pa ki wi' ri winaq ajuwächulew ri xujkikämisaj, käya k'u la rajil u k'exel ri qa kämikal chke? —xecha'.

Apocalipsis 6:10 Referans Kwoze

Apocalipsis 19:2

rumal rech chi kastzij xukuje' suc' ri k'atoj tzij ri cubano. Xuc'äjisaj u wäch ri ajmacalaj ixok quech nim ch'utin, ri nim u banic, ri u tz'ilom ri uwächulew rumal ri u macunic. Ri Dios xutoj u q'uexel ri qui quiq'uel ri e pataninel tak rech ri e cämisam rumal ri ixok.”

Apocalipsis 11:18

E ch'ujarinak c'u ri nimak tak tinimit, petinak c'u ri oyowal la, xukuje' ri k'ij aretak cäk'at la tzij paquiwi' ri cäminakib, xukuje' aretak cäya' la ri tojbal que ri pataninelab ech la ri e k'axal tzij, que ri tastalic tak winak, xukuje' que ri nim cäquil wi ri bi' la, chi ch'utik chi nimak. Xopan ri k'ij aretak cäsach la qui wäch ri quesachow u wäch ri uwächulew.”

Romanos 12:19

Lok'alaj tak wachalal, mitoj u q'uexel ri etzelal xane' chiya' can che ri royowal ri Dios. Tz'ibatal c'ut: “Wech in ri tojow q'uexel, in quintojow na, cächa' ri Ajawaxel.”

Salmib 9:12

Ri qui rikom c'ax quenataj che ri Dios man quesach ta ri cok'ej pa u jolom; man cuya' ta can ri cämisanel chi ma ta cuc'äjisaj u wäch.

Apocalipsis 3:7

“Chatz'ibaj che ri u tako'n ri comon cojonelab pa Piladelp: ‘Ri u tasom rib man quebuban ta etzelal, ri aj kastzij, ri c'o ri u lawe ri David ruc', ri cäjakanic mawi c'u jun cätz'apinic, ri cätz'apinic mawi c'u jun cäjakowic, je cubij wa':

Ri Lucax 21:22

E k'ij c'u wa re c'äjisabal wäch, ri quetz'akat na conojel ri cubij ri Tz'ibatalic.

Ri Zacariy 1:12

Ri aj cajalaj u tako'n ri Ajawaxel xubij: “Ajawaxel ri c'o ronojel cuinem la, oxc'al lajuj junab chi wa' chi lal oyowarinak ruc' ri Jerusalen xukuje' cuc' tak ri tinimit re Juda. ¿C'a joropa' c'u lo k'ijol coc'ow chi na c'ä majok chel chi na c'u'x la chque?”

Apocalipsis 18:20

Caj, chatquicot puwi' ri tinimit, ix tastalic tak winak aj Dios, ix takomxenlab, xukuje' ix k'axal tak tzij, u banom c'ut ri Dios ri suq'uilal chiwe rumal ri u c'äjisaxic u wäch.”

Apocalipsis 18:24

Chupam ri tinimit ri' xriktaj wi ri qui quiq'uel ri k'axal tak tzij, xukuje' ri tastalic tak winak aj Dios, ri e cämisam cho ri uwächulew.

Salmib 79:10

Man c'o ta chi jasche caquibij ta chi na ri e k'ijilal tak diosib: “¿Jawije' c'o wi ri qui Dios?” Chya' la chke chi cäkil ri u tojic rajil u q'uexel ri qui cämical ri pataninel tak ech la. ¡Chquetamaj xukuje' ri e k'ijilal tak diosib!

Nabe Samuel 24:12

¡Are' ba ri Ajawaxel chuk'ata' tzij pakawi' ka cabichal, chuya' c'u rajil u q'uexel che la! Are ri in mawi jumul quinwalijisaj ta na ri nu k'ab che u banic c'ax che la.

Apocalipsis 3:10

Animam ri nu takomal chi chatux coch'onel, rumal ri' catinto' na pa ri jok'otaj re ri c'axalaj c'ambejenic ri cäpe na puwi' ronojel ri uwächulew che qui c'ambejexic conojel ri e jekel cho ri uwächulew.

Chapletajic 4:10

Ri Ajawaxel xubij che ri Cain: “¿Jas ri xaban che ri a chak'? Ri u quiq'uel ri a chak' ri xatix cho ri ulew, curak u chi' cuta' chwe chi quinc'äjisaj a wäch.

Hebreos 12:24

Ix opaninak chunakaj ri Jesus, ri ch'awenel re ri c'ac' u c'ulwächinic, xukuje' chunakaj ri u quiq'uel ri xchiquichaxic, ri c'o na ri cubij chuwäch ri u quiq'uel ri Abel.

Ri Daniel 12:6

Jun c'ut chque xuban we c'otoj chi'aj ri' che ri achi ri u cojom tak sakloloj atz'iak re lino, ri c'o paquiwi' ri ja' re ri nima': ¿Jampa' queq'uis qui tza'm we jastak ri' ri kas man e c'o ta c'o wi?

Ri Isaiy 61:2

che u tzijoxic ri utzalaj junab rech ri Ajawaxel, ri k'ij aretak ri ka Dios cuya' na ri rajil c'axelal chque ri qui banom qui c'ulel chke. In u takom che u cu'bisaxic qui c'u'x conojel ri quebisonic,

Salmib 35:17

Ajawaxel, c'ä ¿joropa' k'ijol cätakej na la rilic wa'? ¡To'tajisaj la ri nu c'aslemal, ri xuwi wa' nu c'aslemal, pa qui chi' ri coj ri quewu'nic!

Salmib 13:1

Ajawaxel, ¿C'ä jampa' lo quinsach pa jolom la? ¿La kas xa c'u jumul quinsach pa jolom la? ¿C'ä jampa' lo cätakej na la u c'u'ic ib la chnuwäch?

K'atal tak Tzij 16:28

Ri Sanson xutz'onoj tok'ob che ri Ajawaxel, xubij che: “Quintz'onoj tok'ob che la Ajawaxel, chi chinnataj che la xuwi ta chi ne jumul, chya' c'u la nu chuk'ab rech cäquitoj ri aj pilisteyib ri quieb nu bak'wäch.”

Ri Daniel 8:13

Chuwi' chi c'u wa' xinto chi jun tako'n aj caj xuc'ot u chi' chic jun tako'n aj caj, xubij: ‘¿Jampa' cätanabax u banic wa' ri quilitaj puwi' ri porobal ri queya' wi tabal tok'ob ronojel k'ij? ¿Joropa' k'ijol cäbeytaj ri xibibalalaj mac chi cäjach ri tastalicalaj k'ijilabal ri cak'ijilax wi ri Ajawaxel xukuje' ri quecojon che, rech quexak'alexic?’

Salmib 119:84

¿Joropa' lo k'ij quinweyej chi na? ¿Jampa' cäk'at la tzij paquiwi' ri in quiterenem pa wakan?

Ri Lucax 2:29

“Wajaw, camic jacha' la bic we pataninel ech la pa jamaril, xtz'akat c'ut ri chi'm la ulok.

2 Pedro 2:1

Xukuje' xec'oji' can chquixo'l ri winak ojer jujun ri xak xquijaluj quib chi e k'axal tak u tzij ri Dios. Xukuje' chixo'l ix quec'oji' na jujun ri cäquijaluj na quib chi e ajtijab. Ri e are' chi c'uyal cäquic'am ulok tijonic ri quec'amow bic ri winak pa ri c'ax. Man caquik'alajisaj taj ri Ajawaxel ri xecolowic. Rumal ri' chanim cäsach na qui wäch rumal rech ri cäquibano.

Juyuwem 3:64

Chya' ba' la chque, Ajawaxel, ri takal chque, chya' ba' la chque jachique tak ri e takal chque tak ri e qui banoj.