Apocalipsis 21:4 - Quiché Bible

⁴ Cusu' na ronojel ri u wa'l qui wäch ri e ok'inak. Man c'o ta chi cämical. Man c'o ta chi bis, man c'o ta chi curak u chi' rumal c'ax, mawi c'o chi k'oxowem. Xeboc'ow c'ut ri nabe tak jastak.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ri Dios kusuꞌ na ri uwaꞌl kiwach konojel, man kꞌo ta chi wi kamikal xuqujeꞌ man kebꞌison ta chi wi, man kakinaꞌ ta chi wi kꞌax, rumal cher xikꞌow kan ronojel we jastaq riꞌ.

K'iche'

⁴ Ri Dios cusu' na ri u wa'l qui wäch. Man c'o tä chi c'u cämical, man c'o tä chi ok'ej, man cäk'axow tä chi na ri canima', man c'o tä chi c'u k'axom. Je ri', rumal chi ronojel ri c'o nabe ya man c'o tä chic, xsach c'u u wäch wa', —xcha'.

K'iche' (New Orthography)

⁴ Ri Dios kusu' na ri u wa'l ki wäch. Man k'o tä chi k'u kämikal, man k'o tä chi oq'ej, man käq'axow tä chi na ri kanima', man k'o tä chi k'u q'axom. Je ri', rumal chi ronojel ri k'o nab'e ya man k'o tä chik, xsach k'u u wäch wa', —xcha'.

Apocalipsis 21:4 Referans Kwoze

Ri Isaiy 25:8

Ri Ajawaxel xa jumul cusach na u wäch ri cämical, cutzajisaj na ri u wal qui wäch ri qui bak'wäch conojel, cuban na chi cusach na u wäch pa ronojel ri uwächulew ri u yok'ic ri u tinimit. Ri Ajawaxel bininak.

Apocalipsis 7:17

Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”

1 Corintios 15:26

Ri q'uisbal c'ulel ri cusach na u wäch, are ri cämical.

Ri Isaiy 60:20

Ri a k'ij mawi jumul cuc'u' rib mawi camayquen ri u chaj ri a ic', rumal rech chi ri in, ri Ajawaxel, quinux na junalic a chaj; ri e a k'ijol quech tak bis caq'uis na qui tzam.

Ri Isaiy 35:10

ri e torom rumal ri Ajawaxel queboc c'u na pa Sion cuc' tak bix re quicotemal, ronojel k'ij quequicot na. Cäquirik na utzil xukuje' utzalaj c'aslemal, cäsach na u wäch ri ok'ej xukuje' ri k'oxomal.

1 Juan 2:17

Ri uwächulew coc'owic, xukuje' ri rayibal ri cuya' ri uwächulew coc'owic. Apachin c'u ri cuban ri u rayibal ri Dios, are ri' cäc'asi' amak'el chbe k'ij sak.

Ri Isaiy 51:11

Jewa' xukuje' ri quitzelejic ulok ri quetorotaj na rumal ri Ajawaxel, queboc c'u na pa Sion ruc' rakoj tak chi'aj re quicotemal; ri qui palaj sibalaj cäja'jat na, cäquirik na utzil, quicotemal, ri k'oxomal xukuje' ri ok'ej cäsach na qui wäch.

Ri Jeremiy 31:13

Ri alitomab quexojow na ruc' quicotemal, xak junam caquiban na ri alabom xukuje' ri ri'jab. In quinya' na u cu'lbal qui c'u'x: quinq'uex na ri quijuyuwem pa jajatem, quinya' c'u na jun quicotemal chque ri c'o na chuwäch ri qui k'oxomal.

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Ri Isaiy 30:19

Tinimit aj Sion ri at jekel pa Jerusalen: Matakej chi ok'ej. Ri Ajawaxel quel na u c'u'x chawe aretak cuto carak achi' che u ta'ic ri u to'banic, xuwi c'u catuto' cuya' na ri catz'onoj che.

Apocalipsis 21:1

Xinwil jun c'ac'alaj caj xukuje' jun c'ac'alaj ulew. Ri nabe caj xukuje' ri nabe ulew xeboc'owic. Xukuje' ri plo man c'o ta chic.

Apocalipsis 20:14

Ri cämical xukuje' ri qui c'olbal ri cäminakib xeq'uiak pa ri cho re k'ak'. Ri cho re k'ak' ri' are wa' ri ucab cämical.

Ri Isaiy 61:3

che u ya'ic chque ri qui rikom c'ax ri e c'o pa Sion, jun corona che q'uexwäch chaj, c'oc'al re quicotemal che u q'uexwäch ok'ej, bix tak re k'ijilanic che u q'uexwäch q'uistajbal c'uxaj. Ix “bakit re colomal” quixuchix c'u na, e ticom rumal ri Ajawaxel che u c'utic ri u juluwem.

Apocalipsis 22:3

Man c'o ta jun jasach chila' ri c'o ta chuxe' c'okobal. Ri u tem ri Dios re ajawibal, xukuje' ri re ri Alaj Chij, quec'oji' na chupam ri nimalaj tinimit. Ri e u pataninelab cäquiya' na k'ijilanic che.

2 Pedro 3:10

Cäpe c'u na ri k'ij re ri Ajawaxel jas jun eläk'om. Pa ri k'ij ri', cäsach c'u na u wäch ri caj, cätataj c'u na ri jun nimalaj jininem. Ri jastak ri xebanbex re quenicow na, cäsach qui wäch. Ri uwächulew xukuje' ri chac ri e c'o chuwäch quechajirisax na.

1 Corintios 7:31

Ri que cojow ri re we uwächulew ri', chquibana' jacha' ri ma ta quecojowic; rumal rech chi xak cäsach u wäch we uwächulew ri' ri quilitajic.

Ri Osey 13:14

¿La quebentor ta c'ut rech ma ta chekaj pa u k'ab ri mukubal? ¿La quebento'tajisaj ta c'u lo rech ma ta quekaj pa u k'ab ri cämical? ¿Jawije' c'o wi, cämical, ri a cuinem che u sachisaxic wächaj? ¿Jawije' tak e c'o wi, mukubal ri e a lawaloyil? ¡Man quel ta chi na nu c'u'x chque we winak ri'!

Salmib 144:4

Ri winak xa je jacha' jun uxlabic; ri u c'aslemal jacha' jun nanoch' ri coc'owic.

2 Corintios 6:17

Rumal ri' xukuje' cubij ri Ajawaxel: “Chixel chquixo'l, chitasa' iwib chquij, minak jun jasach tz'il. Ri in c'ut quixinc'am na,

Ri Jeremiy 31:12

Quepe na quebixon na rumal quicotemal pa ri u chicajil ri Sion, quekaj na ri utzalaj tak jastak chquiwäch ri quebuban na ri Ajawaxel: ri trico, ri u wa'l uva xukuje' ri aseit, ri chij tak xukuje' tak ri wacax. Quebux na jacha' jun ticbal ri sibalaj utz u ja'xic banom, man c'u caquitzak ta chi na ri qui chuk'ab.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

Hebreos 12:27

Ri tzij ri', “Jumul chi na”, cubij chi quebesax na ri jastak ri queslabesaxic, are ri e bantajinak, rech quec'oji' na ri jastak ri man queslab taj.

Apocalipsis 20:13

Ri plo xebujach ri cäminakib ri e c'o chupam. Ri cämical xukuje' ri qui c'olbal ri cäminakib xequijach ri cäminakib ri e c'o chquipam. Xk'at c'u tzij paquiwi' chquijujunal, jas ri qui banom.