Apocalipsis 21:22 - Quiché Bible

²² Man xinwil ta c'u ri k'ijilabal chupam. Are c'u ri k'ijilabal re we tinimit ri' are ri Ajawaxel, Dios ri c'o ronojel u cuinem xukuje' ri Alaj Chij.

RI KꞌAKꞌ TESTAMENTO PA TZIJOBꞌAL KꞌICHEꞌ

²² Man xinwil ta pa ri tinimit riꞌ jun Templo rumal cher are ri kwinel laj Ajawxel Dios rachiꞌl ri alaj Chij aꞌre uꞌtemplo ri Dios.

K'iche'

²² Man xinwil tä jun Lok'alaj Rachoch Dios pa ri tinimit ri', rumal chi ri Kajaw Dios ri c'o ronojel u wäch chuk'ab ruc', are ri Are' ri Lok'alaj Rachoch Dios junam ruc' ri Alaj Chij.

K'iche' (New Orthography)

²² Man xinwil tä jun Loq'alaj Rachoch Dios pa ri tinimit ri', rumal chi ri Qajaw Dios ri k'o ronojel u wäch chuq'ab' ruk', are ri Are' ri Loq'alaj Rachoch Dios junam ruk' ri Alaj Chij.

Apocalipsis 21:22 Referans Kwoze

Ri Xuan 4:23

Cäpe na ri k'ij, camic c'ut, aretak ri kas e k'ijilanelab, cäquik'ijilaj na ri Tataxel pa uxlabal xukuje' pa ri kastzij. Ri Tataxel quebutzucuj ri winak ri je quek'ijilan wa' rech cäquik'ijilaj ri are'.

Ucab Tzijobelil 2:6

¿Jachin ta c'u lo ri ticarel che u yaquic jun rachoch Dios che, we ri caj ruc' ronojel ri u nimalil man cacuin ta che u k'iic? ¿In jachinok in che u yaquic jun rachoch Dios che, pune' ta ba' xak xuwi ta che u poroxic c'oc'al che u ya'ic u k'ij?

Nabe Ajawinelab 8:27

¿La kas ta c'u tzij chi ya'talic chi ri Dios cajeki' chuwäch ri uwächulew? Ri caj ruc' ronojel ri u nimalil man cacuin ta che u k'iic, ¡e ta c'u lo we achoch la ri' ri nu yacom che la!

Apocalipsis 1:8

“In ri' ri nabe xukuje' ri q'uisbal,” cächa ri Ajawaxel ri Dios, ri c'olic, ri c'o ulok ojer, ri cäpe c'u na, ri c'o ronojel u cuinem.

Apocalipsis 16:7

Xinta' chi jun aj porobal je xubij wa': “Je', Ajawaxel, Dios ri c'o ronojel cuinem uc' la. Kastzij xukuje' suc' ri k'atoj tzij ri xban la.”

Apocalipsis 5:6

Pa u niq'uiajil ri tem re ajawibal, chquixo'l ri quiejeb awaj, xukuje' chquixo'l ri nimak tak tatayib, xinwil jun Alaj Chij. Chäcalic, je ta ne ri cämisam. C'o wukub ruc'a', c'o wukub u bak'wäch, are wa' ri wukub ruxlabal ri Dios ri e takom bic cho ronojel ri uwächulew.

Colosenses 2:9

Rumal rech chi ruc' ri Crist jekel wi ronojel ri u nojiquil ri Dios chi winakil.

Ri Xuan 4:21

Ri Jesus xubij che: “Ixok, chacojo' ri quinbij, cäpe na ri jok'otaj, aretak mawi pa we juyub ri', mawi pa Jerusalen quik'ijilaj wi na ri Tataxel.

Ri Isaiy 66:1

Ri Ajawaxel cubij: “Ri caj are nu tem re ajawibal are c'u ri ulew are qui tac'alibal ri wakan. ¿Jawije' ta lo ri caban ta wi cuinem che u yaquic jun ja chwe? ¿Jawije' ta lo ri caban ta wi cuinem che u banic jun c'olbal chwe che wuxlanibal?

Apocalipsis 15:3

Xquibixoj ri u bix ri Moises, pataninel rech ri Dios, xukuje' ri u bix ri Alaj Chij, je xquibij wa': “E nimak xukuje' sibalaj e mayibal tak ri e chac la, Ajawaxel, Dios ri c'o ronojel u cuinem e suc' xukuje' kas e be tak ri e be la, Ajawinel quech tak ri nimak tak tinimit.

Apocalipsis 11:17

Xquibij: “Cäkamaltioxij che la, Ajawaxel, Dios ri c'o ronojel cuinem uc' la, ri c'o la, ri c'o la ulok ojer, xukuje' cäpe na la, rumal rech chi c'amom la ri nimalaj chuk'ab la lal c'u ajawininak.

Apocalipsis 4:8

Ri quiejeb awaj ri' e c'o wakitak qui xic' chquijujunal, e nojinak che bak'wächaj chquij xukuje' chquipam. Chi pa k'ij chi chak'ab man quebuxlan ta che u bixic: “U tasom rib, u tasom rib, u tasom rib ri Ajawaxel man cuban ta etzelal, ri Dios ri c'o ronojel u cuinem, ri c'o ulok ojer, ri c'olic, cäpe c'u na.”

Colosenses 1:19

Xraj c'ut ri Dios chi cajeki' ronojel ri are' pa ri Crist,

Ri Xuan 10:30

Ri in ruc' ri Tataxel xa uj jun.”

Ucab Tzijobelil 6:18

¿La kas ta c'ulo tzij chi ri Dios cäcuinic cäjeki' cuc' ri achijab puwi' ri uwächulew? We ri caj, pa ronojel ri u nimalil man cäcuin ta che k'i'ic la, ¿la are ta c'u lo cäcuin we achoch la ri' che k'iic la ri nu yacom?

Apocalipsis 19:15

Pa ri u chi' quel wi jun t'ist'icalaj ch'ich' re ch'o'j, che qui soquic ri nimak tak tinimit. Ri are' cätakan paquiwi' ruc' jun bara' re räx ch'ich'. Cutac'alej ri pitz'bal uva re ri u wa'l uva re ri royowal ri Dios aretak cuc'äjisaj qui wäch tak ri tinimit rumal ri Dios ri c'o ronojel cuinem ruc'.

Apocalipsis 16:14

E are wa' e cuxlabal itzel tak uxlabal. Xequiban etal, xebe cuc' ri ajawinelab re ronojel ri uwächulew, xequimulij che u banic ri ch'o'j re ri nimalaj u k'ij ri Dios ri c'o ronojel u cuinem.

Ri Matey 24:2

Ri Jesus xubij chque: “¿La quiwil ronojel wa'? Kastzij quinbij chiwe, chi waral man cäcanaj ta can jun abaj puwi' jun chic, ri ma ta cäwulix na.”

Apocalipsis 7:15

Rumal ri' e c'o chuwäch ri u tem ri Dios re ajawibal, ri e are' quepatanij chi pa k'ij chi chak'ab pa ri rachoch. Ri t'uyul puwi' ri tem c'o cuc', quebuchajij.

Apocalipsis 7:17

Are' c'ut ri Alaj Chij ri c'o pa u niq'uiajil ri tem re ajawibal quebuyuk'uj na, cuc'am na qui be pa tak qui q'uiyibal ja' re c'aslemal. Ri Dios cusu' na ri u wa'l qui wäch.”

Apocalipsis 14:4

E are wa' ri man xquitz'iloj ta quib cuc' ixokib, mawi xec'uli'c. Are wa' ri queterenem ri Alaj Chij apawije' ta ne ri cäbe wi. Ri xelok' chquixo'l ri winak che ri Dios xukuje' che ri Alaj Chij, je ta ne ri e nabe tak u wächinic ri tico'n.

Ri Xuan 13:32

We c'u ri Rija'l Winak cuc'ut ri u juluwem ri Dios, xukuje' ri Dios cuc'ut na ri u juluwem ri are'; cuban c'u na chanim.