Apocalipsis 20:8 - Quiché Bible

⁸ Quel c'u na ulok che qui subic ri nimak tak tinimit ri e c'o cho ronojel ri uwächulew ri Gog xukuje' ri Magog, quebumulij na che ri ch'o'j. Ri qui q'uiyal ri rajch'ojab, je jas ri sanyeb ri c'o chuchi' ri plo.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Kel kꞌu na bꞌik chikimenkꞌetixik konojel ri tinimit ri e kꞌo pa ri kajibꞌ takꞌalibꞌal rech ri uwachulew, kuꞌmenkꞌetij na ri tinimit Gog rachiꞌl ri Magog, kuꞌmulij na che ri chꞌoꞌj, ri kikꞌiyal kajunumataj rukꞌ ri sanyobꞌ ri kꞌo chuchiꞌ ri plo.

K'iche'

⁸ Quel c'u na bi che qui subic ri winak cho ronojel ruwächulew. E are c'u wa' ri Gog, xukuje' ri Magog. Queumulij na ri qui soldados che ri ch'oj, ri sibalaj e q'uia je' jas ri senyäb ri c'o chi' ri mar ri man cäcowin tä jun che cajilaxic.

K'iche' (New Orthography)

⁸ Kel k'u na b'i che ki sub'ik ri winaq cho ronojel ruwächulew. E are k'u wa' ri Gog, xuquje' ri Magog. Keumulij na ri ki soldados che ri ch'oj, ri sib'alaj e k'ia je' jas ri senyäb' ri k'o chi' ri mar ri man käkowin tä jun che kajilaxik.

Apocalipsis 20:8 Referans Kwoze

Apocalipsis 16:14

E are wa' e cuxlabal itzel tak uxlabal. Xequiban etal, xebe cuc' ri ajawinelab re ronojel ri uwächulew, xequimulij che u banic ri ch'o'j re ri nimalaj u k'ij ri Dios ri c'o ronojel u cuinem.

Ri Ezequiel 38:1

Ri Ajawaxel xinuch'abej, xubij c'u chwe:

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.

Apocalipsis 20:3

Xuq'uiak bic pa ri jul re ri k'ekumalaj c'olbal, xutz'apij, xucoj c'u t'ikbal che ri tz'apibal u wi': Je xuban wa' che ri itzel rech man quebusub ta chic ri nimak tak tinimit, c'ä quetz'akat na jun mil junab. E oc'owinak chi c'ut ri jun mil junab, rajawaxic chi cäquir na quieb oxib k'ij.

Hebreos 11:12

Rumal ri', che ri jun, ri xa' jubik' cäraj man cäcämic, xeq'uiy wi ulok e q'ui winak, ri man cuya' taj cajilaxic, je jas ri ch'imil re ri caj, je jas ri sanyeb chuchi' ri plo.

Ri Jeremiy 33:22

Xukuje' cuc' ri e rija'lil ri David ri pataninel wech, xukuje' cuc' tak ri e nu pataninelab ri e rija'lil ri Levi, quinban na chque chi man quebajilataj taj e jacha' ri ch'imil re ri caj xukuje' ri qui wäch tak ri sanyeb re ri plo, ri man c'o ta jun cäcuinic querajilaj.”

Ri Isaiy 10:22

Pune' ri a tinimit, Israel, sibalaj e q'ui jacha' ri sanyeb ri e c'o chuchi' ri plo, xak e quieb oxib quetzelej na ulok. Ri c'ax ri cäpe na paquiwi', chomatal chic, cäban c'u na ri tz'akatalaj k'atan tzij.

Nabe Samuel 13:5

Xukuje' c'u ri aj pilisteyib, xquimulij quib che u banic ch'o'j cuc' ri aj israelib. E c'o c'u juwinak lajuj mil (30,000) qui carwaj re ch'o'j, wakib mil (6,000) cajch'ojab ri e quiejeninak chquij quiej xukuje' q'uialaj cajch'ojab e jacha' ri u sanyebil ri plo. Xebe c'u chusuq'uil ri Micmas chila' c'u xequijekeba' wi ri qui kajebal, pa ri u wiquiak'ab ri Bet-aben.

K'atal tak Tzij 7:12

Ri aj madianib, ri aj amalesib, xukuje' ri winak aj elebal k'ij, qui jabum quib pa ri beya' e jacha' jun sutz'alaj sac', sibalaj man quebajilataj ta ri qui camey ri e cuc'am, e jacha' ri sanyeb ri e c'o chuchi' ri plo.

Nabe Ajawinelab 4:20

Ri Juda, xukuje' ri Israel man quebajilataj taj ri qui winakil, e jacha' ri sanyeb ri c'o chuchi' ri plo. Sibalaj c'o ri catijic xukuje' ri cuq'uiaxic, c'o nimalaj quicotemal.

Ri Ezequiel 7:2

“In, ri Ajawaxel, quinbij che ri tinimit Israel: Opanem cuban ri q'uisbalil, opanem cuban ri u q'uisbalil ronojel ri uwächulew.

Ri Ezequiel 38:2

“At, winak, choj a wäch cämic che ri ulew Magog, chatch'aw pa ri nu bi' che u c'äjisaxic u wäch ri Gog, c'amal be nim u k'ij puwi' ri Mesec xukuje' ri tubal.

Ri Ezequiel 39:1

“Are c'u ri at, winak, chaya' u bixic pa ri nu bi' ri cuc'ulmaj na ri Gog, chabij c'u che: ‘Are wa' cubij ri Ajawaxel: Gog, c'amal be nim u k'ij re Mesec xukuje' Tubal, in quink'alajisaj wib chi nu banom nu c'ulel chawe.

Ri Ezequiel 39:6

Quintak na k'ak' puwi' ri Magog xukuje' paquiwi' tak ri winak ri e jekel pa utzil pa tak ri ulew ri e c'o puwi' tak ri plo. C'äte ri' caquich'ob na chi in ri' ri Ajawaxel.

Apocalipsis 7:1

Aretak xebantaj we jastak ri', xebenwil quiejeb tako'nib aj caj ri e tac'atoj paquiwi' ri quiejeb u tza'm ri uwächulew. Qui chapom ri quiejeb quiakik', rech man cäjich'ich' ta ri quiakik' cho ri uwächulew, mawi cho ri plo, mawi puwi' apachique che'.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Ucab Tzijobelil 18:21

ri uxlabal xutzelej u bixic chi queruxlabaj banoj tak tzij pa ri canima' conojel ri e k'axal u tzij ri ajawinel. Xubij c'ut ri Ajawaxel che chi, kas cäticar na che u subic, jät c'u che u banic.