Apocalipsis 2:17 - Quiché Bible

¹⁷ Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri jaswa' pa tijic ri c'u'talic. Xukuje' quinya' na jun alaj sak abaj che, ri tz'ibatal wi jun c'ac' bi'aj ri man c'o ta jun etamaninak, xuwi ri cäc'amowic.’ ”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Ri kꞌo uxikin chutatabꞌexik, chutatabꞌej ri kubꞌij ri Uxlabꞌixel chike ri komontyox. Ri kachꞌeken puꞌwiꞌ we jastaq riꞌ, kayaꞌtaj na che ri maná ri awatalik, xuqujeꞌ jun laj nitzꞌ saq abꞌaj jawjeꞌ ri tzꞌibꞌatal wi jun kꞌakꞌ bꞌiꞌaj ri xwi ri winaq ri kakꞌamawaꞌnik ketaꞌmanik jas ri tzꞌibꞌatal choch.

K'iche'

¹⁷ Apachin ri u jiquibam ranima' chutatabexic ri nu tzij, chutatabej ri cubij ri Lok'alaj Espíritu chque tak ri kachalal cojonelab: Jachin ri cäch'acan puwi' ri itzel quinya na re ri maná ri c'u'talic, xukuje' quinya na che ri are' jun alaj sak abaj ri tz'ibtal wi jun c'ac' bi'aj, ri man c'o tä jun etamaninak, xane xak xuwi ri cäc'amowic,” —cächa ri'.

K'iche' (New Orthography)

¹⁷ Apachin ri u jikib'am ranima' chutatab'exik ri nu tzij, chutatab'ej ri kub'ij ri Loq'alaj Espíritu chke taq ri qachalal kojonelab': Jachin ri käch'akan puwi' ri itzel kinya na re ri maná ri k'u'talik, xuquje' kinya na che ri are' jun alaj saq ab'aj ri tz'ib'tal wi jun k'ak' b'i'aj, ri man k'o tä jun etamaninaq, xane xaq xuwi ri käk'amowik,” —kächa ri'.

Apocalipsis 2:17 Referans Kwoze

Ri Isaiy 62:2

Ri nimak tak tinimit cäquil na ri a colotajic, conojel tak ri ajawinelab cäquil na ri a juluwem. Cäcoj c'u na jun c'ac' a bi' ri kas are' c'u ri Ajawaxel cayo'w na chawe.

Ri Isaiy 65:15

Ri e cha'tal wumal quequicoj na ri e i bi' che c'okonic xukuje' che u rayixic cämical paquiwi' niq'uiaj chic, are c'u ri e pataninelab tak wech quinq'uex na ri qui bi'.

Apocalipsis 2:11

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, man curik ta c'ax rumal ri ucab cämical.’ ”

Apocalipsis 2:7

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri che' re ri c'aslemal pa tijic, ri c'o pa ri je'licalaj c'olbal ri c'o wi ri Dios pa ri caj.’ ”

Apocalipsis 14:3

Xquibixoj c'u jun c'ac' bix chuwäch ri tem re ajawibal, chquiwäch ri quiejeb awaj, xukuje' chquiwäch ri nimak tak tatayib. Man c'o ta c'u jun cäcuinic cäretamaj ri bix, xuwi ri jun sient cawinak quiejeb mil (144,000), ri xelok' chquixo'l ri e aj uwächulew.

Apocalipsis 3:22

Apachin ri c'o u xiquin, chutatabej ri cubij ri Uxlabaxel chque ri comon cojonelab.’ ”

Apocalipsis 3:6

Apachin ri c'o u xiquin, chutatabej ri cubij ri Uxlabaxel chque ri comon cojonelab.’ ”

Colosenses 3:3

Ix cäminak chi c'ut, are' c'u ri i c'aslemal c'u'tal ruc' ri Crist pa ri Dios.

1 Corintios 2:14

Ri winak ri man c'o ta ri Uxlabaxel pa ri canima' man cäquic'am ta ri jastak ri rech ri Ruxlabal ri Dios, xa c'u conil chque ri e are'. Man quecuin ta che qui ch'obic, rumal rech chi aj Uxlabal qui ch'obic.

Ri Matey 13:11

Ri Jesus xubij chque: “Chiwe ix yo'm wi u ch'obic ri jastak re ri rajawibal ri Dios, ri man etamatal taj nabe canok. Man yo'm ta c'u chque ri e are.

Ri Isaiy 65:13

Rumal ri' cubij ri Ajawaxel: “Ri e pataninelab tak wech c'o na cäquitijo, are c'u ri ix quina' na wi'jal ri e are c'o na cäcuq'uiaj, are c'u ri ix quina' na chakij chi' ri e are quequicot na, are c'ut ri ix quixcanaj pa q'uixbal;

E C'ambal tak Tzij 3:32

ri Ajawaxel cäretzelaj c'u qui wäch ri e banal tak etzelal, cäpe c'u che jekelem cuc' ri e suc'.

Salmib 36:8

Kas quenoj rumal ri wa ri telechi'm pa ri achoch la; ri lal cäya' la jun je'licalaj nima' che cuq'uia',

Salmib 25:14

Ri Ajawaxel ranima' rib cuc' jachintak ri nim caquil wi, cuya' c'u retamaxic ri u c'ulwächinic chque.

Ri Xuan 4:32

Ri are' xubij chque: “C'o jun nu wa ri quintijo, ri man iweta'm ta ix.”

Ri Isaiy 56:4

Cubij c'u ri Ajawaxel: “We ri achijab ri esam ri qui cowil nim cäquil wi ri nu k'ij re uxlanem, we cäquiban ri nu rayibal, quejeki' c'u chupam ri nu pixab,

E C'ambal tak Tzij 14:10

Ri anima'aj quebuch'ob ri kas e u c'ayilal, man cujach ta qui wäch ri man reta'm ta u wäch man cunim ta na rib chupam ri u quicotemal.

Elem 16:33

Xubij c'u ri Moises che ri Aaron: “Chac'ama' jun t'uy, chaya' jun gomer (quieb litro) jaswa' chupam. Chaya' chuwäch ri Ajawaxel, rech cäc'ol can chque ri e u wi' tak i mam ri quepe na.”

Ri Isaiy 56:5

in, c'o jun jasach quinya' na chque ri nim na u k'ij chuwäch ri e qui c'ojol, xukuje' ri e qui mia'l quinya' na chque chi cäcanaj ri qui bi' chbe k'ij sak chupam ri wachoch, cätz'ibataj can chupam ri nu tapia quinya' na jun qui bi' junalic ri mawi jubik' cäsach u wäch.

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”