Apocalipsis 19:8 - Quiché Bible

⁸ xya' che chi cucoj jun ch'ajch'oj atz'iak re ch'uch'ujalaj lino ri cäjuluwic. Ri ch'uch'ujalaj lino are cubij ri suc'alaj tak chac ri qui banom ri tastalic tak winak aj Dios.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Yaꞌtal kꞌu che ri rixoqil chi karatzꞌyaqibꞌej chꞌajchꞌoj, kachuplinik xuqujeꞌ sibꞌalaj paqal rajil ri lino. Ri chꞌajchꞌoj lino karetwachij ri utz taq chak ke konojel ri kojonelabꞌ.

K'iche'

⁸ Yo'm che chi cucoj ch'ajch'oj atz'iak re coc'alaj lino ri cäjuluwic, —xecha'. Ri coc'alaj lino quel cubij ri jicomalaj qui c'aslemal ri winak ri e rech ri Dios.

K'iche' (New Orthography)

⁸ Yo'm che chi kukoj ch'ajch'oj atz'iaq re kok'alaj lino ri käjuluwik, —xecha'. Ri kok'alaj lino kel kub'ij ri jikomalaj ki k'aslemal ri winaq ri e rech ri Dios.

Apocalipsis 19:8 Referans Kwoze

Ri Isaiy 61:10

¡Sibalaj quinquicot ruc' ri Ajawaxel. Quinnoj che quicotemal ruc' ri nu Dios, u yo'm c'ut ri u to'banic chwe, in u nojisam che ch'äcanic! In junam ruc' jun jiaxel ri cucoj ri u corona, o ruc' jun alibatz ri cuwik rib cuc' tak ri u wikbal.

Apocalipsis 3:18

Rumal wa' quinya' a no'j chalok'o' k'an puak wuc', ri ch'ajch'ojirisam pa k'ak', rech catk'inomaric. Xukuje' chalok'o' sakloloj tak atz'iak wuc', che ratz'iakixic awib, rech man quebel ta u q'uixbal ri ach'analiquil, xukuje' chalok'o' cunabal wuc' che u ya'ic chquipam ri e a bak'wäch, rech catca'yic.

Romanos 13:14

Xane' chicojo' ri Ajawaxel Jesucrist, je ta ne quicoj jun atz'iak ri chacubal re ch'o'j. Michomaj u banic ri itzel rayibal aj winak.

Marcos 9:3

Ri ratz'iak sibalaj xjuluwic, sibalaj sakloloj, jeri' chi man c'o ta jun ch'ajomanel cho ri uwächulew ri je ta qui sakarisaxic wa' cubano.

Ri Matey 22:12

Xubij che: ‘Wachil, ¿jas xabano xatoc ulok waral, man a cojom ta c'u atz'iak ri cacoj pa ri c'ulanem?’ Ri are' man xch'awtaj.

Salmib 132:9

Ri e cojol tak tabal tok'ob la chquicojo' ri utzil chrij ri catz'iak; ri e jic ri e ech la chquiraka' qui chi' rumal ri quicotemal.

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Ri Ezequiel 16:10

xincoj jun awatz'iak ri je'l tak u ca'yebal xukuje' a xajäb re je'licalaj tz'um; xinya' jun a pas re lino xukuje' jun awatz'iak ri sibalaj coc' u quemic;

Hechos 1:10

Naj c'u qui wi' che ri u bic ri Jesus chicaj. Quieb c'u achijab xetac'atob chquiwäch, sakloloj ri catz'iak qui cojom.

Ri Lucax 24:4

Xsach qui c'u'x ri ixokib rumal wa'. Xak c'u c'ätetal xequil quieb achijab xetaq'ui' chquixcut, cärepc'un ri catz'iak.

Romanos 3:22

Ri Dios cuban suc' chque ri winak rumal ri qui cojonic che ri Jesucrist. Xa' junam cuban chque conojel ri quecojon che. Xa' c'u junam qui banic ri winak chuwäch.

Ri Matey 17:2

Xq'uextaj c'u ri u wächbal ri Jesus chquiwäch; xjuluw ri u palaj je jas ri k'ij, ri ratz'iak xebux sakloloj je jas ri sakil.

E C'ambal tak Tzij 31:22

Kas are' quequemow tak catz'iak, are' c'u quebucoj ri ch'uch'ujalaj tak atz'iak che ratz'iak.

Ri Ezequiel 44:17

Aretak queboc chupam ri uchi'ja rech ri ucab uwo ja, rajawaxic caquicoj bic catz'iak re lino. Aretak e c'o pa ri patanijic chuwäch ri ucab uwo ja o chupam ri wachoch, man caquicoj ta bic catz'iak re rismal chij.

Apocalipsis 15:6

Chupam c'ut ri k'ijilabal xebel wi ulok ri wukub tako'nib aj caj ri cuc'am ri wukub banbal c'ax. Qui cojom ch'ajch'oj catz'iak re lino ri cäjuluwic, qui cojom ximibal re k'an puak che ri uwo qui c'u'x.

Apocalipsis 19:14

Ri ajch'ojab ri e c'o pa ri caj e teren chrij. E c'o chquij sak tak quiej. Qui cojom sakloloj tak atz'iak re ch'uch'ujalaj lino ri ch'ajch'oj.

Ri Isaiy 3:23

ri ilbal ib, ri ch'uch'ujalaj tak atz'iak, ri pisbal tak jolomaj xukuje' ri pim tak su't.