Apocalipsis 18:3 - Quiché Bible

³ Rumal ri u wa'l u uva conojel ri nimak tak tinimit xek'abar ruc' ri u rayixic ri u macunic. Ri ajawinelab aj uwächulew qui banom macunic ruc'. Ri ajc'ayib re ri uwächulew e k'inomarinak rumal ri u chuk'ab ri u k'inomal.”

RI KꞌAKꞌ TESTAMENTO PA TZIJOBꞌAL KꞌICHEꞌ

³ Rumal cher konojel ri tinimit rech ri uwachulew xkesaj uwach ri kubꞌano xkiqꞌijilaꞌj ri e bꞌanom taq dios je xuqujeꞌ xkibꞌan konojel ri e taqanelabꞌ ri e kꞌo cho ri uwachulew. Konojel ri aꞌjkꞌayibꞌ aꞌjuwachulew xeqꞌinomarik rukꞌ ri pwaq ri xya chike rumal we tinimit riꞌ.

K'iche'

³ Je ri', rumal chi ronojel qui wäch winak cho ruwächulew e k'abarinak rumal ru tijic ri vino re ri nimalaj mac ri cubano. Xukuje' ri nimak tak takanelab re ruwächulew je' ca'nom ruc' ri ixok jas ri cäca'n ri tz'i' ri xak cäquirik quib, man c'o tä qui pixab. Ri ajc'ayib c'ut ri e c'o cho ruwächulew e k'inomarinak rumal chi ri nimalaj tinimit Babilonia sibalaj oc'owinak u wi' ri u rayibal chque ronojel u wäch tak jastak, —xcha'.

K'iche' (New Orthography)

³ Je ri', rumal chi ronojel ki wäch winaq cho ruwächulew e q'ab'arinaq rumal ru tijik ri vino re ri nimalaj mak ri kub'ano. Xuquje' ri nimaq taq taqanelab' re ruwächulew je' ka'nom ruk' ri ixoq jas ri käka'n ri tz'i' ri xaq käkiriq kib', man k'o tä ki pixab'. Ri ajk'ayib' k'ut ri e k'o cho ruwächulew e q'inomarinaq rumal chi ri nimalaj tinimit Babilonia sib'alaj ok'owinaq u wi' ri u rayib'al chke ronojel u wäch taq jastaq, —xcha'.

Apocalipsis 18:3 Referans Kwoze

Apocalipsis 17:2

Ri ajawinelab aj uwächulew xemacun ruc' ri ajmacalaj ixok quech nim ch'utin. Rumal ri u wa'l ri u uva, ri e jekel cho ri uwächulew e k'abarinak rumal ri u macunic ri ixok ri quech nim ch'utin.”

Apocalipsis 14:8

Petinak chi c'u jun ucab tako'n aj caj chrij, ri je cubij wa': “¡Tzakinak, tzakinak ri nimalaj Babilon, ri rumal ri u wa'l ri u uva xebuk'abarisaj conojel ri nimak tak tinimit ruc' ri nimalaj qui rayinic che qui banic macunic ruc'!”

Apocalipsis 18:9

Ri ajawinelab aj uwächulew ri xcuc'aj quib ruc' che qui banic macunic, ri qui mulin wi' k'inomal ruc', ri e are' cäquil na ri u sibal aretak cäc'atic, quebok' na, cäquiq'uis na quib che ok'ej puwi'.

Apocalipsis 18:23

Ri u sakil jun chäj man cäjuluw ta chic awuc'. Man cätataj ta chi awuc' ri u ch'abal ri ach'ajilaxel mawi ri lok'om pataninel. Ri e ajc'ayib ri xebel bic iwuc' nabe canok e are' ri nimak na qui k'ij cho ri uwächulew, xebasub conojel ri nimak tak tinimit cumal tak ri e awitzinic.”

Ri Jeremiy 51:7

Ri Babilon are jun kumubal re k'an puak pa nu k'ab ri cuk'abarisaj ronojel ri uwächulew. Ri nimak tak tinimit cäcuq'uiaj quech we u wa'l uva ri' ri quesach c'u rumal.

Juyuwem 4:5

Ri sibalaj je'l u tzukic quib caquiban nabe, camic quecäm rumal wi'jal xo'l tak ri ja pa ri tinimit. Ri xeq'uiy pa qui niq'uijil tak ri k'inomal, camic e jekel pa tixbal tak mes.

Ri Jeremiy 51:34

Jewa' cubij ri Jerusalen, ri tinimit re Sion: “Ri Nabucodonosor, ri ajawinel re Babilon, xuban xerexak chwe xinubik' c'ut; xinuya' canok jacha' jun lak ri tolonic. Jacha' jun jilijic awaj aj plo xinubik'o; xunojisaj rib ruc' ri sibalaj xkaj na chuwäch ri c'o wuc', are c'u ri xto'tajic xuq'uiak canok. ¡Chutojo' ri Babilon ri tokinic ri xuban chwe! ¡Chequitojo' ri aj caldeyib ri e nu winak ri xebucämisaj!”

Ri Isaiy 47:15

Jewa' ri xquic'ulmaj ri e awitzinelab ri e c'o awuc' ri sibalaj q'ui banoj e a banom cuc' pa ronojel ri a c'aslemal. Chquijujunal xequitakej ri jech'alaj qui be, man c'o ta c'u jachin jun catcolowic.”

Ri Lucax 7:25

¿Jas c'u xixel bic che rilic? ¿La jun winak u cojom ch'uch'ujalaj tak atz'iak? Iweta'm chi ri cäquicoj je'lalaj tak atz'iak, ri c'o qui k'inomal, pa cachoch ri ajawinelab e c'o wi.

Ri Nahum 3:4

Ronojel qui mac quech tak ri qui mac quech ri nim ch'utin ri' ri nojinak che nimal xukuje' u jelisam rib, ajtij re itzinic, ri cumal tak ri e u mac ri quech ri nim ch'utin xukuje' tak ri e ritzinic quebusub tak tinimit xukuje' nimak tak tinimit.

1 Timoteo 5:11

Mebato' c'u ri malca'nib ri c'ä e alitomab na. Aretak c'u ri kas e qui rayibal quebutas chrij ri Crist, cäcaj quec'uli'c.

Apocalipsis 18:7

jacha' ri nimal ri xc'amowic, sibalaj xoc'ow u wi' ri u k'inomal, xa junam chibana' ba c'ax che, chiya' pa bis, rumal rech chi cubij pa ranima': ‘In t'uyul che chuchu' ajawinel, man in malca'n taj, man quinwil ta na bis.’

Apocalipsis 18:19

Xquiya' ulew pa qui jolom, xquirak qui chi', xebok'ic, sibalaj xebisonic, je caquibij wa': “¡Tok'ob u wäch, tok'ob u wäch ri nimalaj tinimit! Conojel ri c'o nimak tak qui jucub pa ri plo e k'inomarinak rumal ri q'uialaj u k'inomal. ¡Xa c'u pa jun jok'otaj xsach u wäch ronojel!