Apocalipsis 16:14 - Quiché Bible

¹⁴ E are wa' e cuxlabal itzel tak uxlabal. Xequiban etal, xebe cuc' ri ajawinelab re ronojel ri uwächulew, xequimulij che u banic ri ch'o'j re ri nimalaj u k'ij ri Dios ri c'o ronojel u cuinem.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Jeriꞌ kebꞌantajik rumal e ruxlabꞌal ri itzel are waꞌ ri kakibꞌan kꞌutbꞌal xuqujeꞌ mayijabꞌal taq jastaq kebꞌe kꞌu chikimulixik konojel ri e taqanelabꞌ rech ronojel ri uwachulew jeriꞌ kakibꞌan chꞌoꞌj pa ri qꞌij are kaqꞌat tzij pa kiwiꞌ rumal ri nimalaj kwinelalaj Dios.

K'iche'

¹⁴ E are itzel tak espíritus wa' ri cäca'n cajmabal tak etal, quebel c'u bi che qui mulixic conojel tak ri nimak tak takanelab re ruwächulew che ri nimalaj ch'oj re ri nimalaj u k'ij ri ka Dios ri c'o ronojel u wäch chuk'ab ruc'.

K'iche' (New Orthography)

¹⁴ E are itzel taq espíritus wa' ri käka'n kajmab'al taq etal, keb'el k'u b'i che ki mulixik konojel taq ri nimaq taq taqanelab' re ruwächulew che ri nimalaj ch'oj re ri nimalaj u q'ij ri qa Dios ri k'o ronojel u wäch chuq'ab' ruk'.

Apocalipsis 16:14 Referans Kwoze

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

1 Timoteo 4:1

K'alaj cubij ri Uxlabaxel chi pa ri q'uisbal tak k'ij, e c'o jujun cäquitas na quib chrij ri cojonic, quequitatabej na ri uxlabal ri e subunelab, xukuje' ri qui tijonic ri itzel tak uxlabal.

Apocalipsis 20:8

Quel c'u na ulok che qui subic ri nimak tak tinimit ri e c'o cho ronojel ri uwächulew ri Gog xukuje' ri Magog, quebumulij na che ri ch'o'j. Ri qui q'uiyal ri rajch'ojab, je jas ri sanyeb ri c'o chuchi' ri plo.

1 Juan 5:19

Keta'm chi ri uj, uj rech ri Dios. Ronojel c'u ri uwächulew c'o pa u k'ab ri itzel.

Santiago 3:15

Man are ta no'j wa' ri cuya' ri Dios, xane' aj uwächulew, xak qui chomanic ri winak, xukuje' aj itzel.

Apocalipsis 16:16

Xequimulij c'u ri ajawinelab pa ri c'olbal Armajedon, are' ri u bi' pa ri ch'abal hebrey.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

2 Tesalonicenses 2:9

Ri achi re etzelal ri', rumal ri u chac ri Satanas cäpe na. Cäpe ruc' nimalaj chuk'ab, cuban tak etal xukuje' mayibal ri man e kastzij taj.

Marcos 13:22

Quewalij na winak ri cäquijaluj quib chi e crist, cäquijaluj quib chi e k'axal tak tzij. Quequiban na etal xukuje' mayibal che qui subic we quecuin chque xukuje' ne ri e cha'talic.

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Apocalipsis 3:10

Animam ri nu takomal chi chatux coch'onel, rumal ri' catinto' na pa ri jok'otaj re ri c'axalaj c'ambejenic ri cäpe na puwi' ronojel ri uwächulew che qui c'ambejexic conojel ri e jekel cho ri uwächulew.

Romanos 1:8

Nabe quinmaltioxin che ri nu Dios rumal ri Jesucrist chiwij iwonojel, chi ri i cojonic tzijom pa ronojel ri uwächulew.

Apocalipsis 16:7

Xinta' chi jun aj porobal je xubij wa': “Je', Ajawaxel, Dios ri c'o ronojel cuinem uc' la. Kastzij xukuje' suc' ri k'atoj tzij ri xban la.”

Apocalipsis 13:3

Xinwil jun chque ri u jolom je ta ne ri socom chic che cämical. Xcunataj c'u ri u socotajic aj cämical. Xquimay conojel ri e c'o cho ri uwächulew, xquiterenej ri awaj.

Apocalipsis 6:17

xopan c'ut ri nimalaj k'ij cäpe ri c'äjisabal wächaj. ¿Jachin ta lo ri cäcuinic cätaq'ui' ta chuwäch?”

Ri Ezequiel 14:9

We c'u jun k'axal tzij cuya' jun subunelalaj tzijol, xa' in ri Ajawaxel xinsub we u cawäch k'axal nu tzij ri'; ri in quinwalijisaj ri nu k'ab che u c'äjisaxic u wäch quinwesaj na pa ri nu tinimit Israel.

Ri Lucax 2:1

Xc'ulmataj pa tak ri k'ij ri' chi ri nimalaj k'atal tzij August Sesar xuya' takanic chi conojel ri winak cäquitz'ibaj ri qui bi'.

Nabe Ajawinelab 22:6

Ri ajawinel re Israel xebumulij tak ri e k'axal tzij, cäraj ne e c'o quiejeb sient (400) xuc'ot c'u qui chi': “¿La ya'talic quinbe che u banic ch'o'j ruc' ri Ramot re Galaad o jayi'?” We winak ri' xquitzelej u bixic che: “Chech'ojin la ruc', cujach c'u na ri Ajawaxel pa k'ab la.”

Ri Matey 24:14

We utzalaj tak tzij ri' re ri rajawibal ri Dios cätzijox na pa ronojel ri uwächulew. Jeri' cäk'alajisax ri utzalaj tak tzij chquiwäch conojel nimak tak tinimit ri c'o cho ronojel ri uwächulew. C'äte ri', cäpe ri q'uisbal.

Ri Josue 11:5

Conojel wa' xquiban junamil, xquimulij c'u quib chuchi' ri ja' ri c'o pa Merom, che u banic ch'o'j cuc' ri aj israelib.