Apocalipsis 13:2 - Quiché Bible

² Ri awaj ri xinwilo, are junam ruc' jun balam, ri rakan je jas ri rakan ri os, ri u pa u chi' je jas ri u pa u chi' ri coj. Ri dragon xuya' ri u cuinem, xuya' ri u tem re ajawibal, xukuje' nimalaj takanic che.

RI KꞌAKꞌ TESTAMENTO PA TZIJOBꞌAL KꞌICHEꞌ

² We nimalaj awaj riꞌ jer kabꞌantaj jun nimalaj bꞌalam, ri raqan jer kꞌo raqan jun oso, ri uchiꞌ jer kꞌo uchiꞌ jun koj. Ri xibꞌibꞌalaj kumatz ri kꞌo raqan xuya ri ukwinem xuqujeꞌ ri rajawarem che we nimalaj awaj riꞌ.

K'iche'

² Ri xibibalalaj awaj ri' ri xinwilo je' cäpe jun balam, ri rakan c'ut e junam ruc' ri rakan jun oso, ri u chi' junam ruc' ri u chi' jun coj. Ri nimalaj itzel cumätz xuya ru chuk'ab che xukuje' ri je'lalaj u t'uyulibal. Xukuje' xuya ri nimalaj u takanic pu k'ab.

K'iche' (New Orthography)

² Ri xib'ib'alalaj awaj ri' ri xinwilo je' käpe jun b'alam, ri raqan k'ut e junam ruk' ri raqan jun oso, ri u chi' junam ruk' ri u chi' jun koj. Ri nimalaj itzel kumätz xuya ru chuq'ab' che xuquje' ri je'lalaj u t'uyulib'al. Xuquje' xuya ri nimalaj u taqanik pu q'ab'.

Apocalipsis 13:2 Referans Kwoze

Apocalipsis 20:2

Xuchap ri awaj dragon, ri ojer cumätz, are' ri itzel ri Satanas. Jun mil junab c'ut xuximo.

Apocalipsis 17:12

Ri lajuj uc'a' ri e awilom are quebubij ri lajuj ajawinelab, ri c'ä maja' cäquic'am cajawibal. Cäquic'am c'u na takanic re ajawinel xa' jun jok'otaj, cachil c'ut ri itzel awaj.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

1 Pedro 5:8

Chichomaj jas ri quibano, chixc'asc'atok. Ri i c'ulel, ri itzel, cusutij iwij je jas jun coj curak u chi' cutzucuj jachin cubik'o.

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Apocalipsis 13:4

Xquik'ijilaj ri dragon rumal rech chi xuya' ri takanic che ri awaj. Xukuje' xquik'ijilaj ri awaj, xquibij: “¿Jachin ta lo junam ruc' ri xibibal awaj? ¿Jachin ta lo cäcuinic cäch'ojin ruc'?”

Apocalipsis 12:15

Ri cumätz xresaj ulok ja' pa u chi' je jas jun nima', xuq'uiak bic chrij ri ixok, rech cäc'am bic rumal ri nima'.

Apocalipsis 12:13

Are c'u ri awaj dragon, aretak xrilo chi xq'uiak bic cho ri uwächulew, xrokataj ri ixok ri xralc'ualaj ral ala.

Apocalipsis 16:10

Ri uro' tako'n aj caj xuk'ij ri u lak puwi' ri u tem ri itzel awaj re ajawibal. Xk'ekumar c'u ri rajawibal. Ri winak xquicach'uj ri cak' rumal rech ri k'oxowem.

Ri Amos 5:19

Xak junam ruc' ri aretak canimaj jun chuwäch jun coj cupuq'uij c'u rib ruc' jun os, o jacha' aretak jun coc chupam ri rachoch, cutok'ej c'u rib che ri tapia, cacatz c'u rumal jun cumätz.

Ri Jeremiy 13:23

¿La cäcuin jun k'ek cuq'uex ri u tz'umal? ¿La cäcuin jun balam curesaj ri e u tz'iquitz'ak ri e c'o chrij? Mawi c'u ne ri ix xukuje', ri ix nak'atal che ri etzelal, man quixcuintaj qui ban ri utz.

Ri Jeremiy 5:6

Rumal c'u ri' quebel ulok coj pa ri c'ache'laj quecämisax c'u na cumal, ri utiw ri e c'o chupam ri chaki'j uwo sak quemuchuw na, ri balam quebequimajij na chquinakaj tak ri qui tinimit quech'akatix c'u na cumal aretak quebel ulok; rumal rech chi sibalaj e q'ui ri macaj ri e qui banom, xukuje' chi sibalaj man e nimanelab taj.

Ri Isaiy 5:29

Ri qui wunem je jas ri u wunem jun coj, ri cäjininic aretak cuchap ri u ti', cuc'am c'u bic man c'o ta jun cäcuinic cumaj ta che.

E C'ambal tak Tzij 28:15

Cajunamataj ruc' jun coj ri cawunic o jun os ri bik'onel ri banal etzelal ri cajawin puwi' jun meba'laj tinimit.

E C'ambal tak Tzij 17:12

Are cätakan na ri u rikic ib ruc' jun c'analaj ati't os che u q'uexwäch ri u rikic ib ruc' jun man c'o ta u no'j ri cucoj u chuk'ab che u rikic jun jasach.

Salmib 22:21

chinto' la pa qui chi' we coj ri'; ¡chinto' la chuwäch ri cuc'a' we ama'ib tak wacax ri'!

Ucab Ajawinelab 2:24

Ri Elisey xuya' u wäch chque, xebuca'yej xebuc'okoj c'ut pa ri u bi' ri Ajawaxel. Kas chanim c'ut xebel ulok quieb os chquij chupam ri c'ache'laj xequimuch cawinak quieb chque.

Ri Habacuc 1:8

Ri e qui quiej c'o na ri qui xiq'uinem chquiwäch tak ri leopard, c'o na ri qui ch'ujilal chquiwäch tak ri utiw ri e c'o pa ri chaki'j uwo sak. Ri e cajquiejab pa tak mulaj quepetic, naj c'u e c'o wi caquiq'uiak ulok quib che u banic ch'o'j, jacha' ri cuban ri cot cuq'uiak rib che u chapic ri u ti'.

Ri Amos 3:12

Je wa' cubij ri Ajawaxel: “Je' jacha' ri cuban ri aj yuk' cutokij pa u chi' ri coj quieb akanaj o ri u tza'm jun xiquinaj, jewa' ri qui to'tajic ri aj israelib ri e jekel pa Samar, we winak tak ri' ri quequik'eba' tak quib pa tak ri k'inomalaj tak t'uyulibal re Damasc.”

Ri Osey 11:10

Ri e are' caquiterenej na ri Ajawaxel, ri are' cawun na jacha' jun coj. Cäwunic, e are' tak c'ut ri e rech quebirbitic quebel na ulok pa ri u kajebal k'ij.

2 Timoteo 4:17

Are c'u ri Ajawaxel xc'oji' wuc', xuya' nu chuk'ab, rech xincuin che u tzijoxic ri tzij re colobal ib, jeri' chi xquita' conojel ri winak. Xinesax c'u pa u chi' ri coj.

Apocalipsis 2:13

Weta'm ri at jekel chila' jawije' ri c'o wi ri u tem ri Satanas re ajawibal. Pune' at c'o chila', man a tzokopim ta c'u ne ri nu bi', man awesam ta awib che ri a cojonic chwe. Xukuje' ne pa tak ri u k'ij ri Antips ri jicalaj nu k'alajisanel, ri xcämisax chixo'l, jawije' ri jekel wi ri Satanas.

Apocalipsis 13:12

Ri xibibal awaj xucoj ronojel ri u takanic ri nabe xibibal awaj chuwäch are'. Xubano chi ri uwächulew, xukuje' conojel ri e jekel cho ri uwächulew, xquik'ijilaj ri nabe xibibal awaj, ri xcunataj ri u socotajic aj cämical.