Apocalipsis 13:18 - Quiché Bible

¹⁸ Waral cärik taj wi ri no'j; ri cach'obowic, chrajilaj ri rajilabal ri awaj, are rajilabal winak. Ri rajilabal c'ut are wakib sient oxc'al wakib (666).

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Waral rajawaxik kakoj ri etaꞌmabꞌal rech kachꞌobꞌik jas ri kubꞌij: Chuchomaj ri kꞌo retaꞌmabꞌal churiqaꞌ jas kubꞌij ri ajilabꞌal retal ri nimalaj awaj, jeriꞌ rumal ri ajilabꞌal, rajilabꞌal winaq. Ri ajilabꞌal riꞌ are waqibꞌ ciento oxkꞌal waqibꞌ.

K'iche'

¹⁸ Waral k'alaj wi chi rajwaxic ri etamanic. Jachin ri c'o u no'j, chuch'obo ri rajilbalil ri xibibalalaj awaj. Are rajilbalil jun winak. Ri rajilbalil are wakib ciento ruc' oxc'al wakib.

K'iche' (New Orthography)

¹⁸ Waral q'alaj wi chi rajwaxik ri etamanik. Jachin ri k'o u no'j, chuch'ob'o ri rajilb'alil ri xib'ib'alalaj awaj. Are rajilb'alil jun winaq. Ri rajilb'alil are waqib' ciento ruk' oxk'al waqib'.

Apocalipsis 13:18 Referans Kwoze

Apocalipsis 15:2

Xinwil c'ut je ta ne jun cho re cha ri cajuluwic ri yujutal k'ak' ruc'. Ri e ch'äcaninak puwi' ri itzel awaj, puwi' ri u wächbal, xukuje' puwi' ri rajilabal ri u bi', e tac'atoj puwi' ri cho re cha. E cuc'am tak ri e u arp ri Dios.

Apocalipsis 17:9

Waral c'o wi ri chomanic chque ri c'o qui no'j: Ri wukub jolomaj quebuq'uex wächaj wukub juyub, ri cät'uyi' wi ri ixok, xukuje' quebuq'uex wächaj wukub ajawinelab.

Apocalipsis 21:17

Xukuje' xretaj ri u pimal ri tapia ri c'o chrij, are jumuch' (80) bara'. Jacha' ri etabal aj winak ri cätajin cucoj ri tako'n aj caj.

Apocalipsis 1:3

Utz re ri cusiq'uij xukuje' utz que ri cäquitatabej ri u siq'uibalil we tzijol ri' ri c'amom che ri Dios, xukuje' cäquinimaj ri tz'ibatal cho we wuj ri', canakajin chi c'ut ri k'ijol.

Marcos 13:14

Aretak c'u quiwil ri tz'ilalaj jasach pa ri c'olbal ri man takal ta wi che chi cac'oji' chila', (ri jun ri cusiq'uij we tzij ri', chuch'obo'), c'äte ri' ri e c'o pa Judey chebanimaj bic pa tak ri juyub.

Ri Daniel 12:10

Sibalaj e q'ui ri queboc'ow pa tak ri c'axc'olil ri e yo'm qui bixic, quebel c'u na chquipam e ch'ajch'ojirisam e tz'akatinak. Ri itzel tak winak cäquitakej na qui banic tak etzelal, man cäquich'ob ta c'ut ri cäc'ulmatajic, are c'u ri achijab ri ajno'jab cäquich'ob na ronojel.

Ri Osey 14:9

E are' ba' ri ajno'jab xukuje' ri utz quenojinic chequich'ob we tijonic ri': Ri e u be ri Ajawaxel e colom, e are' tak c'ut ri e suc' quequitakej; e are' tak c'ut ri e banal tak etzelal chaquichak'ij quib puwi'.

Salmib 107:43

Jachin ri c'o u no'j, chucojo' retal wa' chuch'obo' c'u ri lok'ok'ebal u c'u'x ri Ajawaxel.

U Camulixic ri Pixab 3:11

(Ri ajawinel Og xuwi chi c'u wa' canajinak can chque ri aj repaitab, ri u ch'at re ch'ich' job bara' u rabic, quieb bara' ruc' jun k'abaj u wäch, ri c'ä cuya' quilitaj camic pa ri tinimit aj amorey re Raba.)”

Romanos 3:5

We ri ketzelal sibalaj cuk'alajisaj na ri u suq'uil ri Dios, ¿jas cäkabij? ¿La cäkabij lo chi ri Dios man suc' taj aretak cäpe royowal pakawi'? (Quinbij wa' pa ka tzij uj ri uj winak.)