Apocalipsis 11:8 - Quiché Bible

⁸ Ri qui cuerp queya' na can pa ri nim be pa ri nimalaj tinimit, jawije' xrip wi ri Cajaw cho ri ripibal. Pa c'ambal no'j, cäbix Sodom xukuje' ri Ejipt che u bi' ri tinimit ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Ri kityoꞌjal ri kebꞌ qꞌalajisal taq tzij keliꞌiꞌ na pa ri nimalaj tinimit ri bꞌiꞌtal che pa ri uxlabꞌal Sodoma rachiꞌl Egipto, chilaꞌ jawjeꞌ xrip wi ri Ajawxel.

K'iche'

⁸ Ri qui cuerpo cäliyi na can pa tak ri be xol tak ri ja rech ri nimalaj tinimit ri xrip wi ri Kajaw Jesús, xcämisaxic. Cäbix Sodoma xukuje' Egipto che tak we tinimit ri' rumal ri quetzalal ri winak.

K'iche' (New Orthography)

⁸ Ri ki cuerpo käliyi na kan pa taq ri b'e xol taq ri ja rech ri nimalaj tinimit ri xrip wi ri Qajaw Jesús, xkämisaxik. Käb'ix Sodoma xuquje' Egipto che taq we tinimit ri' rumal ri quetzalal ri winaq.

Apocalipsis 11:8 Referans Kwoze

Ri Jeremiy 23:14

In e wilom ri e k'axal tzij pa Jerusalen quequiban xibibalalaj tak jastak: quekaj pa mac ruc' jun winak chic xukuje' t'orinic, je tak caquiban wa' che quiya'ic tak chajin anima' chque ri banal tak etzelal rech man caquitanaba' ta u banic ri quetzelal. Ri e are' xukuje' tak ri winak ri e jekel chupam ri tinimit xak e junam tak qui banic wa' chwe jacha' ri Sodom xukuje' ri Gomor.

Apocalipsis 18:10

E tac'atoj c'u apan chi naj, rumal rech chi cäquixe'j quib chuwäch ri c'ax ri xuriko, cäquibij: “¡C'ax awe, c'ax awe, nimalaj tinimit, Babilon, ri tinimit ri c'o u chuk'ab! Xa' c'u pa jun jok'otaj xpe ri k'atan tzij pawi'.”

Apocalipsis 18:21

Jun cowilaj tako'n aj caj xuwalijisaj jun abaj jas jun nimalaj ca', xuq'uiak bic pa ri plo, xubij: “Je u q'uiakic wa' ri nimalaj tinimit Babilon cäbanic ruc' chuk'ab, mawi jumul cäriktaj chic.

Hebreos 13:12

Rumal ri', xukuje' ri Jesus xurik c'ax chrij ri tinimit, che u banic tastalic tak winak rumal ri u quiq'uel.

Apocalipsis 18:18

Aretak xquil ri u sibal ri tinimit ri cäc'atic, xquirak qui chi', xquibij: “¿La c'o ta chi lo jun tinimit ri junam ruc' we nimalaj tinimit ri'?”

Apocalipsis 11:9

Winak tak que conojel tinimit, amak' tak, ch'abal tak, nimak tak tinimit, caquil na ri qui cuerp oxib k'ij ruc' niq'uiaj, man c'u cajwax taj chi quemuk ri qui cuerp.

Ri Juds 1:7

Je jas ri Sodom xukuje' Gomor xukuje' ri tinimit ri e sutininak quij, xquiban que jas ri xquiban ri e tako'nib aj caj ri man xeniman taj. Xquiban macunic cuc' ixokib achijab, xukuje' xec'am bic cumal itzel tak rayinic ri man ya'tal ta u banic. Xecoj che c'ambal no'j chi c'o c'äjisabal qui wäch pa ri junalic k'ak'.

2 Pedro 2:6

Xukuje' xuk'at tzij paquiwi' ri tinimit Sodom xukuje' Gomor, xusach qui wäch, xuban chaj chque, xebuya' che c'utbal chquiwäch ri winak ri man cäcaj taj queniman che ri Dios.

Ri Matey 10:15

Kastzij quinbij chiwe, chi ri c'äjisabal qui wäch ri winak re ri tinimit ri' nim na chuwäch ri re ri Sodom xukuje' ri Gomor pa ri k'ij re ri k'atoj tzij.”

Ri Amos 4:11

“Xinsachisaj i wäch rumal jun c'ulmatajic jacha' ri xintak puwi' ri Sodom xukuje' ri Gomor; je ta ne ri quepe jun rachak k'ak' ri esam chupam ri k'ak', ¡e are tak c'ut ri ix man xixtzelej ta wuc'!” Ri Ajawaxel cujiquiba' u bixic.

Ri Ezequiel 23:27

Je quinban wa' chawe rech catanaba' ri u tzokopixic awib xukuje' ri chac quech nim ch'utin ri cabano ri xatakej ulok u banic pa Ejipt, man cawil ta chi c'u qui wäch ri aj Ejipt mawi quenataj chic chawe.

Ri Ezequiel 23:19

Xa' c'u sibalaj xuban re ri cäquiban ri quech ri nim ch'utin chi na, xnataj c'ut ri rac'alal che, aretak xux jacha ri cäquiban ri quech ri nim ch'utin pa Ejipt.

Ri Ezequiel 23:8

Kas aretak xc'oji' pa Ejipt xux jun ixok re nim ch'utin, mawi c'u jubik' u tanabam u banic. Kas aretak c'ä ac'al, e q'ui xek'oyi' ruc' xquesaj c'ut ri u k'apojil, xquiban c'u che chi xux jun ixok re nim ch'utin.

Ri Ezequiel 23:3

Kas pa ri calc'alal xebux quech ri nim ch'utin; pa Ejipt xak jäwe chque xyabayax ri uwo tak qui c'u'x, xquitzak c'ut ri qui k'apojil.

Ri Isaiy 3:9

Chisakil quemacunic, man cäquic'u' ta ri cäquibano e junam ruc' ri Sodom, cäquiya' u bixic chque conojel ri winak. Tok'ob qui wäch, e are' quesuc'uman ri c'äjisabal qui wäch.

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Elem 3:7

xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Chapletajic 19:24

ri Ajawaxel xujabij k'ak' xukuje' asupre jacha' ri jäb puwi' ri Sodom, xukuje' ri Gomor,

Chapletajic 13:13

jawije' ri e c'o wi ri winak ri sibalaj e banal tak etzelal chuwäch ri Ajawaxel.

Apocalipsis 18:2

Xurak u chi' ruc' cowilaj ch'abal, xubij: “Xtzakic, xtzak ri nimalaj Babilon. Xban che chi itzel tak uxlabal e jekel chila'. Xban che chi are c'olbal re ronojel tz'ilalaj uxlabal, re ronojel tz'ilalaj chicop ri c'o u xic ri quetzelax u wäch.

Apocalipsis 16:19

Xuban oxib ch'akatak ri nimalaj tinimit. Xetzak ri qui tinimit tak ri amak'. Ri nimalaj Babilon xnataj che ri Dios. Xuya' c'u re ri kumubal u wa'l uva, are ri c'äjisabal u wäch ri xtak ulok rumal ri Dios pa ri royowal.

Apocalipsis 14:8

Petinak chi c'u jun ucab tako'n aj caj chrij, ri je cubij wa': “¡Tzakinak, tzakinak ri nimalaj Babilon, ri rumal ri u wa'l ri u uva xebuk'abarisaj conojel ri nimak tak tinimit ruc' ri nimalaj qui rayinic che qui banic macunic ruc'!”

Apocalipsis 11:13

Pa ri jok'otaj ri' xuban jun nimalaj cabrakan. Xwulij jun u lajujil ri tinimit, xecämisax wukub mil (7000) winak rumal ri cabrakan. Ri jule' chic xquixe'j quib, xquiya' juluwem che ri Dios aj chicaj.

Hebreos 6:6

xquijech'obisaj c'u quib, man cäban ta chi cuinic chque quetzelex ruc' ri Dios, rumal rech chi cäquirip chi jumul pa que wi ri u C'ojol ri Dios, cäquesaj u q'uixbal.

Hechos 9:4

Xtzak c'u ri Sawl pa ulew, xuta' jun ch'abal ri xubij che: “Sawl, Sawl, ¿jasche cäban c'ax chwe?”

Ri Jeremiy 26:23

ri xequic'ama' ulok ri Uriy pa Ejipt xquijach pa u k'ab ri ajawinel Joasim, ri xtakanic chi cämisaxok chiq'uiaka' c'u ri u cuerp chupam ri jul ri quebalix wi conojel ri cäminakib.

Apocalipsis 18:24

Chupam ri tinimit ri' xriktaj wi ri qui quiq'uel ri k'axal tak tzij, xukuje' ri tastalic tak winak aj Dios, ri e cämisam cho ri uwächulew.

Apocalipsis 17:5

C'o jun bi'aj tz'ibatal cho ri u metz'al ri u palaj, jun awatalic wa': “Ri nimalaj Babilon, qui nan ri quemacun cuc' ri e nimak ch'utik, xukuje' qui nan conojel ri itzelalaj tak jastak ri e tz'il ri e c'o cho ri uwächulew.”

Apocalipsis 17:1

Xpe jun chque ri wukub tako'nib aj caj ri e cuc'am ri wukub lak, xtzijon wuc', xubij chwe: “Tasaj. Quinc'ut na chawäch ri u c'okotajic ri ajmacalaj ixok quech nim ch'utin, ri t'uyul paquiwi' q'uialaj ja'.

Ri Ezequiel 37:11

Xubij c'ut ri Ajawaxel chwe: “Ri u tinimit ri Israel xak e junam cuc' tak we bak' ri'. Xak xuwi chi c'u caquibij: ‘Ri e ka bakil e chaki'jarinak; man c'o ta chi jun eyebal c'uxaj chke, uj sachinak.’

Ri Ezequiel 16:46

Pa ri u wiquiak'ab ri elebal k'ij c'o wi ri awatz, ri tinimit Samar, e rachil ri alaj tak u tinimit; pa ri u mox ri elebal k'ij, c'o wi ri a chak', ri tinimit re Sodom, e rachil ri alaj tak u tinimit.

Ri Ezequiel 16:49

Are wa' ri u mac ri a chak' Sodom: xquina' quib chi nimak qui k'ij rumal rech chi c'o sibalaj caquitzukbej quib xukuje' chi c'o ronojel u wäch k'inomal cuc', mawi c'u jumul xquiban ta jun tok'ob che ri meba' mawi che ri c'o u rajawaxic.

Apocalipsis 14:20

Xepitz' c'u ri uva chrij ri tinimit. Xel c'u bic quic' pa ri pitz'bal uva ri xak'an c'ä pa ri jiq'uibal u pa qui chi' ri quiej, xetakal c'ä pa oxc'al quieb (62) legua.

Apocalipsis 17:18

Ri ixok ri awilom, are cubij ri nimalaj tinimit ri cätakan paquiwi' ri ajawinelab re ri uwächulew.”