Aj Levitib 8:15 - Quiché Bible

¹⁵ Ri Moises xutok' u kul ri alaj ama' wacax, xuc'am ri quic' cuc' ri e u wi' tak u k'ab xubil chquij ri ruc'a' ri porobal, che u josk'ixic ri porobal; ri quic' ri xto'tajic xujamij pa rakan ri porobal, jewa' xuban che u tastajic ri porobal, che qui rikic ri cuyubal tak mac chila'.

Aj Levitib 8:15 Referans Kwoze

Aj Levitib 4:7

Cubil xukuje' jubik' quic' chque tak ri e ruc'a' ri porobal ri caporox wi ri c'oc'alaj k'ol ri c'o chuwäch ri Ajawaxel, chupam ri Lic'om Rachoch Dios re rikoj ib, ronojel c'u ri quic' ri cäto'tajic cujamij pa rakan ri porobal re tabal tok'ob ri cächajirisaxic ri c'o chuchi' ri oquibal chuwäch ri Lic'om Rachoch Dios re rikoj ib.

Hebreos 2:17

Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

Efesios 2:16

Jeri' ri Crist xutanaba' ri ch'o'j ri c'o chquixo'l ri quieb tinimit rumal ri u cämical cho ri ripibal, xuya' jamaril chquixo'l ruc' ri Dios. Xuban chque ri quieb chi xa' e jun cuerp chic.

Romanos 5:10

We c'u aretak c'ä ka c'ulel ulok ri Dios, xujrutzirisaj ruc' rumal ri u cämical ri u C'ojol, e ta c'u lo ri camic, ri uj utzirisam chic, cujcolotaj na rumal ri u c'aslemal.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Ri Ezequiel 45:20

Xukuje' c'u cäban pa ri uwuk rajilabal ri ic' che u to'ic apachin ta ne ri man xunabejtaj xkaj pa jun macaj o man xuch'ob taj. Je caban wa' che u josk'ixic ri Wachoch.

Ucab Tzijobelil 29:24

Xtakex c'u qui pilic cumal ri e cojol tabal tok'ob, xquijamij c'ut ri qui quiq'uel puwi' ri porobal jacha' jun sipanic che u rikic ri cuyubal tak qui mac ri Israel, u yo'm c'u takanic ri ajawinel chi ri tabal tok'ob ri cachajirisaxic cächi'x puwi' ronojel ri aj Israel.

Aj Levitib 16:20

Aretak ri Aaron u q'uisom chic u josk'ixic ri k'ijilabal, ri Lic'om Rachoch Dios re rikoj ib xukuje' ri porobal, cutak u c'amic ri ama' q'uisic' ri c'ä c'aslic.

Aj Levitib 6:30

Man ya'tal ta c'u u tijic jun awaj ri chi'm u mac ri macaj ri c'amom bic ri u quiq'uel chupam ri Lic'om Rachoch Dios re rikoj ib, che u rikic ri sachbal macaj chupam ri k'ijilabal. We tabal tok'ob ri' rajawaxic u poroxic chupam ri k'ak'.”

Aj Levitib 4:30

Ri cojol tabal tok'ob cuc'am ruc' ri u wi' u k'ab jubik' quic' cubil c'u chquij ri e ruc'a' ri porobal tabal tok'ob ri cächajirisaxic, ronojel c'u ri quic' ri cäto'tajic cujamij na pa rakan ri porobal.

Aj Levitib 3:8

Cuya' ri u k'ab puwi' ri u jolom, cutok' c'u ri u kul chuwäch ri Lic'om Rachoch Dios re rikoj ib. E are' tak c'ut ri e cojol tabal tok'ob caquichicoj na ri u quiq'uel ri awaj puwi' xukuje' pa tak u xcut ri porobal.

Aj Levitib 3:2

Ri cäjachow ri sipanic quebuya' ri u k'ab puwi' ri u jolom ri awaj, cutok' c'u ri u kul chuchi' ri oquibal chupam ri Lic'om Rachoch Dios re rikoj ib. Ri e cojol tabal tok'ob, e are' quechicon ri quic' puwi' xukuje' pa tak u xcut ri porobal.

Aj Levitib 1:11

Rajawaxic cutok' u kul chuwäch ri Ajawaxel pa u xcut ri porobal ri cäca'y pa u mox elebal k'ij; are c'u ri e cojol tabal tok'ob ri e u c'ojol ri Aaron cäquichicoj ri u quiq'uel puwi' xukuje' pa tak uxcut ri porobal.

Aj Levitib 1:5

Cutok' c'u u kul ri ama' wacax chuwäch ri Ajawaxel; are c'u ri e cojol tabal tok'ob ri e u c'ojol ri Aaron, cäquichi'j ri quic', cäquichicoj puwi' xukuje' pa tak u xcut ri porobal ri c'o chuchi' ri Lic'om Rachoch Dios re rikoj ib.

Aj Levitib 4:25

Ri cojol tabal tok'ob cuc'am na ruc' ri u wi u k'ab jubik' u quiq'uel ri awaj ri pilom u mac rech ri macaj, cubil na chquij ri e ruc'a' ri porobal ri cäporox wi ri tabal tok'ob ri cächajirisaxic, aretak cäbantaj wa' ri quic' ri cäto'taj canok cujamij pa rakan ri porobal,

Ajilanic 8:12

Chwi' chi c'ut ri aj levitib quebe quiya' na ri qui k'ab puwi' ri qui jolom ri c'ojolab tak wacax, jun c'ut chque ri c'ojol tak wacax cachi'x na jacha' che tabal tok'ob u mac ri macaj, ri jun chic jacha' che tabal tok'ob ri cächajirisaxic che qui josk'ixic ri aj levitib.