Aj Levitib 7:31 - Quiché Bible

³¹ Ri xepo cäporox rumal ri cojol tabal tok'ob puwi' ri porobal, are c'u ri uwo c'uxaj cäcanaj che ri Aaron xukuje' chque ri e rija'lil.

Aj Levitib 7:31 Referans Kwoze

Aj Levitib 7:34

chque c'ut ri qui tabal tok'ob re utzirisan ib ri aj israelib, ri caquiban chwe nu c'amom ri uwo c'uxaj jacha' sipanic ri nim u k'ij xukuje' ri ra' ri awaj ri tasom, e nu yo'm c'u che ri cojol tabal tok'ob ri Aaron, xukuje' chque ri e rija'lil are wa' ri cäya' chque amak'el ri quesax chque ri qui sipanic ri aj israelib.

Aj Levitib 3:16

Ri cojol tabal tok'ob cuporoj ronojel wa' puwi' ri porobal, jacha' sipanic re wa ja' canicowisaxic, ri cäc'oc'at ruxlab. Ronojel ri xepo cäya' che ri Ajawaxel.

Aj Levitib 3:11

Ri cojol tabal tok'ob cunicowisaj ronojel wa' puwi' ri porobal, jacha' che sipanic re wa ja' che u ya'ic u k'ij ri Ajawaxel.

Aj Levitib 3:5

Ri e cojol tabal tok'ob caquiban na chi canicow ronojel wa' puwi' ri porobal, junam ruc' ri awaj ri queporox puwi' ri si' ri cätajin canicowic, jacha' sipanic ri nicowisam ri c'oc' ruxlab che ri Ajawaxel.

Ajilanic 18:18

At cuya' catcanaj ruc' ri ti'j, junam xukuje' ri uwo u c'u'x ri awaj, ri are sipanic ri nim u banic, xukuje' ruc' ri uwo rachak aj iquiak'ab.

Aj Levitib 8:29

Xuc'am c'u ri Moises ri uwo c'uxaj, xuban c'u ri' ri nak'atal u banic chuwäch ri Ajawaxel; we u tz'akatil we ama' chij ri' are wa' ri xya'taj che ri Moises, jacha' ri takanic ri xuya' ri Ajawaxel che.

Aj Levitib 6:26

Ri cojol tabal tok'ob ri cachi'n ri tabal tok'ob u mac ri macaj cuya' cutij re che, rajawaxic c'ut cutij pa jun c'olbal ri tastalic, chuwäch ri uwo ja rech ri Lic'om Rachoch Dios re rikoj ib.

Aj Levitib 6:16

Are c'u ri u tz'akatil ri sipanic cutij na ri Aaron e rachil ri e u c'ojol; man ruc' ta ch'am pa ri c'olbal ri tastalic chuwäch ri uwo ja rech ri Lic'om Rachoch Dios re rikoj ib.

Aj Levitib 5:13

Rech curik ri cojol tabal tok'ob ri cuyubal mac, che apachique mac ri u banom we winak ri' cäcuyutaj c'ut ri u mac. Jacha' c'ut ri caban chque tak ri sipanic que c'äj ri cäto'taj canok, cäcanaj che ri cojol tabal tok'ob.”

1 Corintios 9:13

¿La ma ta iweta'm chi ri quechacun pa ri tastalicalaj tak jastak re ri rachoch Dios, cäquitij que ri jastak re ri rachoch Dios? ¿La ma ta iweta'm chi ri quepatanin chuwäch ri porobal, cäquitij que ri ti'j re ri awaj ri cäya' puwi' ri porobal?

Elem 29:26

Che ri u tasic ri Aaron, chac'ama' xukuje' ri uwo u c'u'x ri ama' chij chibana' c'ut ri banoj re ri roc'owisaxic chuwäch ri Ajawaxel. Chawe c'u at ya'tal wi wa'.

Ajilanic 18:11

Quebenya' c'u chawe xukuje' chque tak ri a c'ojol ri a mia'l ri c'ä e c'o pa ri awachoch, ri sipanic tak ri nimak qui k'ij ri quequic'am ulok ri aj israelib chwe. Jun pixab wa' ri cäjeki' canok amak'el. Apachique winak re ri aj u pa wachoch ri u ch'ajch'ojirisam rib, cuya' quebutijo.

U Camulixic ri Pixab 18:3

Ri ya'tal chque ri cojol tabal tok'ob chi cäquic'am can chque ri wacax o ri chij ri quelquiya' ri winak che tabal tok'ob, are wa': ri e uwo rachak, ri qui cacate', ri ti'j chquipam.