Aj Levitib 4:35 - Quiché Bible

³⁵ Cäresaj c'u ronojel ri u xepoyil, jas ri cäban che resaxic ri u xepoyil ri alaj ama' chij ri cächi'xic jacha' che tabal tok'ob re utzirisan ib, cuporoj c'u ri xepo puwi' ri porobal, junam ruc' ri sipanic ri porom che u ya'ic u k'ij ri Ajawaxel. Xa jeri' ri cojol tabal tok'ob curik na ri cuyubal mac u mac rech ri macaj ri xuban ri winak ri', cäsachtaj c'u na ri u mac.”

Aj Levitib 4:35 Referans Kwoze

Aj Levitib 4:26

cuporoj c'u ronojel ri xepo puwi' ri porobal, jacha' ri cäban che ri u xepoyil ri tabal tok'ob re utzirisan ib. Jeri' ri cojol tabal tok'ob curik na ri cuyubal u mac ri c'amal be, cäsachtaj c'u na ri macaj ri banom.

Aj Levitib 4:20

ri u bixic chi je cäban che we alaj ama' wacax ri' junam jas ri cuban che ri alaj ama' wacax ri capil u mac rech ri macaj, jeri' ri cojol tabal tok'ob curik na ri cuyubal qui mac we winak ri', casach taj c'u na ri macaj ri qui banom.

Aj Levitib 14:18

Ri aseit ri to'tajinak pa u k'ab, cubil pa u jolom ri cäjosk'ixic. Jeri' ri cojol tabal tok'ob curik rumal ri Ajawaxel ri cuyubal mac che u josk'ixic ri macaj.

Aj Levitib 6:7

Ri cojol tabal tok'ob curik na ri cuyubal u mac we winak ri' pa u k'ab ri Ajawaxel chque jun chque we jastak ri' ri macuninak wi, cäcuyutaj c'ut ri u mac.”

1 Juan 2:2

Ri Jesucrist xuchi'j rib che tabal tok'ob rech quecuy taj ri e ka mac; man xuwi ta c'ut ri e kech uj xane' xukuje' ri e quech conojel ri e c'o cho ri uwächulew.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.

1 Pedro 2:22

Ri Crist man c'o ta mac xubano, mawi ne xriktaj subunic pa u chi'.

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.

Hebreos 4:14

C'o jun nimalaj qui nimal ri cojol tabal tok'ob kech uj, ri xroc'owisaj ri caj, ri Jesus u C'ojol ri Dios. Rumal ri', chkak'alajisaj ri ka cojonic, co chujtac'alok.

Hebreos 1:3

Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

Colosenses 1:14

ri xujresaj pa u k'ab ri ka c'ulel rumal ri u quiq'uel xukuje' xusach ri ka mac.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Romanos 10:4

Cätz'akat c'ut ri pixab ruc' ri Crist, rumal ri' cuban suc' chque conojel ri c'o qui cojonic.

Romanos 8:1

Camic c'ut, man c'o ta chi jun c'äjisabal qui wäch ri winak ri e c'o pa ri Crist Jesus.

Romanos 4:25

Are ri Jesus ri xjach pa ri cämical rumal rech ri ka mac, xc'astaj c'ut rumal rech ri ka k'alajisaxic chi uj suc' chic chuwäch ri Dios.

Ajilanic 15:25

Ri cojol ri tabal tok'ob cuban ri nimak'ij ri nak'atisabal che u rikic ri sachbal macaj che utzil che ronojel ri tinimit Israel, quinsach c'u na qui mac are c'u jun macaj ri man xquinabej ta xquibano xquijäch c'ut ri qui sipanic chnuwäch xukuje' ri qui tabal tok'ob che u josk'ixic ri macaj.

Aj Levitib 14:53

Cutzokopij c'u bic ri alaj chicop ri e c'o qui xic' ri c'aslic chrij ri tinimit pa ri juyub. Jewa' ri u tz'akatisaxic ri u josk'ixic ri ja.”

Aj Levitib 12:8

We c'u ri u nan ri ac'al man cuban ta ri u rajil che u lok'ic ulok jun alaj ama' chij, cuya' quebuc'am na ulok quieb palomax o quieb tucumux jun che tabal tok'ob ri cächajirisaxic, ri jun chic jacha' che tabal tok'ob che u josk'ixic ri mac; ri cojol tabal tok'ob cutz'onoj ri sachbal u mac ri ixok, cäjosk'itaj c'ut.

Aj Levitib 9:7

Xubij c'u ri Moises che ri Aaron: “Chatkeb ruc' ri porobal, chaya' ri tabal tok'ob re ri cuyubal a mac xukuje' ri awaj re tabal tok'ob ri cächajirisaxic rech quecuyutaj ri a mac xukuje' ri qui mac ri aj israelib. Xukuje' chaya' ri qui sipanic ri aj israelib che cuyubal qui mac, jacha' ri takanic ri xuya' ri Ajawaxel.”

Aj Levitib 5:13

Rech curik ri cojol tabal tok'ob ri cuyubal mac, che apachique mac ri u banom we winak ri' cäcuyutaj c'ut ri u mac. Jacha' c'ut ri caban chque tak ri sipanic que c'äj ri cäto'taj canok, cäcanaj che ri cojol tabal tok'ob.”

Aj Levitib 5:10

Are c'u ri ucab cuya' che tabal tok'ob ri cächajirisaxic je jas ri nak'atisabal; xa jeri' ri cojol tabal tok'ob curik ri sachbal mac che ri mac ri u banom we winak ri', cäcuyutaj c'u ri u mac.

Aj Levitib 5:6

cujach na jun ati't awaj chuwäch ri Ajawaxel ri cresaj ulok chquixo'l ri u chij che tabal tok'ob u mac rech ri macaj ri bantajinak; cuya' cuc'am ulok jun ati't chij jun ati't q'uisic' rumal c'ut we tabal tok'ob ri', ri cojol tabal tok'ob curik ri sachbal u mac we winak ri'.

Ajilanic 15:28

Ri cojol ri tabal tok'ob cuban ri nimak'ij ri nak'atisabal chnuwäch che u rikic ri sachbal mac che u josk'ixic ri macaj ri bantajinak ri man xunabej ta we winak ri', in quinsach c'u na ri u mac.

Aj Levitib 15:15

ri cojol tabal tok'ob cuchi'j jun chque jacha' che tabal tok'ob u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri achi ri c'o we yabil ri' che, chuwäch ri Ajawaxel.

Aj Levitib 19:22

Ruc' we ama' chij ri' ri jacha' che tabal tok'ob che u josk'ixic ri chak'maquil, ri cojol tabal tok'ob cutz'onoj tok'ob che ri Ajawaxel chi cusach u mac we achi ri', casachtaj c'u na ri u mac,