Aj Levitib 3:3 - Quiché Bible

³ Ri cäjachow ri awaj che u chi'xic jun tabal tok'ob re utzirisan ib, rajawaxic cuya' chuwäch ri Ajawaxel, jacha' jun tabal tok'ob ri porom, ri xepo ri quech'ukuw ri ti'j chupam ri awaj,

Aj Levitib 3:3 Referans Kwoze

Elem 29:13

Chque ri ixco'l, ri seseb, ri quieb u quinak' chawesaj ronojel ri xepo ri c'o chque, chaporoj puwi' ri porobal;

Ri Matey 15:8

‘We winak ri' xak chi qui chi' cäquinimarisaj nu k'ij. Are c'u ri canima' naj c'o wi chwe.

Elem 29:22

Chac'ama' chi c'ut ri xepo ri c'o che ri u je' ri ama' chij xukuje' ri c'o che ri ixco'l xukuje' ri c'o che ri seseb, chebac'ama' c'u xukuje' ri quieb u quinak' xukuje' ri xepo ri e ch'ukuwinak, xukuje' ri xepo ri c'o che ri ra' re riquiak'ab, jun c'u ama' chij wa' ri quetasow ri e cojol tabal tok'ob.

Romanos 6:6

Keta'm c'ut chi ri ka banic nabe xripitaj ruc' ri Crist, rech ri u cuinem ri aj macalaj ojer ka c'aslemal casachtaj u wäch, ma ta c'u cakatakej chic u patanixic ri macaj.

Romanos 5:5

Aretak cu'l ka c'u'x chrij ri Dios, man quel ta ka q'uixbal, rumal rech chi ri kanima' nojisam che ri lok'ok'ebal u c'u'x ri Dios rumal ri Ruxlabal ri Dios ri yo'm chke.

Ri Matey 13:16

Are c'u ri ix, utz que ri i bak'wäch, rumal rech chi queca'yic. Utz que ri i xiquin, rumal rech chi quetanic.

Ri Ezequiel 36:26

quincoj na jun c'ac' anima' chiwe xukuje' jun c'ac' uxlabal. Quinwesaj na chiwe ri cowilaj iwanima' jacha' ri abaj quincoj na jun ch'uch'ujalaj iwanima'.

Ri Isaiy 6:10

Chatacarisaj ri u chomabal we tinimit ri' chach'uku' ri e qui xiquin, chatz'apij ri e qui bak'wäch, rech man quecuin ta queca'yic, mawi quech'obonic, rech man quetzelej ta wuc' quecunataj ta c'u ne.”

E C'ambal tak Tzij 23:26

Chaya' ri awanima' chwe, nu c'ojol, kas chebawila' c'ut cuc' utzalaj tak a bak'wäch ri quinbano;

Salmib 119:70

Ri e are' e tz'apital ri quetamanic, are c'u ri in quinquicot ruc' ri tijonic la.

U Camulixic ri Pixab 30:6

Cucoj na ri retal ri c'ulwächinic pa tak ri iwanima', xukuje' pa tak ri canima' ri e iwija'lil, rech quilok'ok'ej na ruc' ronojel iwanima', xukuje' ruc' ronojel i c'aslibal, rech cäc'oji' i c'aslemal.

Aj Levitib 3:16

Ri cojol tabal tok'ob cuporoj ronojel wa' puwi' ri porobal, jacha' sipanic re wa ja' canicowisaxic, ri cäc'oc'at ruxlab. Ronojel ri xepo cäya' che ri Ajawaxel.

Aj Levitib 1:8

ri queya' wi ri ch'akatak u ti'jal ri awaj ri xeperejex che ri awaj xukuje' ri jolomaj xukuje' ri qui xepoyil ri ixco'l.

Aj Levitib 1:12

Caperejextax c'ut ri awaj, are' c'u ri cojol tabal tok'ob quebuya' ri jutak peraj puwi' ri si' ri cänicow puwi' ri porobal cärachilaj ri jolomaj xukuje' ri qui xepoyil ri ixco'l.

Aj Levitib 3:2

Ri cäjachow ri sipanic quebuya' ri u k'ab puwi' ri u jolom ri awaj, cutok' c'u ri u kul chuchi' ri oquibal chupam ri Lic'om Rachoch Dios re rikoj ib. Ri e cojol tabal tok'ob, e are' quechicon ri quic' puwi' xukuje' pa tak u xcut ri porobal.

Aj Levitib 3:4

ri quieb u quinak', ri xepo ri e c'o chquij, ri xepo ri e c'o paquiwi' ri uwo rachak, xukuje' ri xepo ri c'o chrij ri seseb, ri junam cäresaj cuc' ri quieb u quinak'.

Nabe Samuel 2:15

C'ä majok c'u ne chporox ri xepo puwi' ri porobal, copan ri pataninel rech ri cojol tabal tok'ob cubij che ri cuchi'j ri tabal tok'ob: “Chaya' bic ti'j chwe rech quinsa' che ri cojol tabal tok'ob; man cuc'am ta c'ut ri tzacom ti'j chawe, xane' räx.”

Aj Levitib 4:10

je cäban che jas ri resaxic ri quesax che ri wacax re ri tabal tok'ob re utzirisan ib, ri cojol tabal tok'ob cunicowisaj na puwi' ri porobal quech ri tabal tok'ob ri quechajirisaxic.

Aj Levitib 7:5

Ronojel wa' cuporoj ri cojol tabal tok'ob puwi' ri porobal, jacha' sipanic che u ya'ic u k'ij ri Ajawaxel. Jun tabal tok'ob wa' u mac ri chak'maquil.

Aj Levitib 7:30

Cuc' ri kas e u k'ab cuc'am ulok chuwäch ri Ajawaxel ri sipanic ri cäporoxic: ri xepo ri c'o che ri uwo c'uxaj; ri kas uwo c'uxaj che u banic chuwäch ri Ajawaxel jas ri nak'atal u banic che u jachic.

Aj Levitib 9:10

Xuporoj c'u ri xepo rachilam quieb quinak', xukuje' ri u xepoyil ri u seseb ri awaj ri xpil u mac rech ri macaj, jacha' ri takanic ri u yo'm ri Ajawaxel che ri Moises.

Aj Levitib 16:25

Ri u xepoyil ri tabal tok'ob re josk'ibal macaj, cuporoj puwi' ri porobal;

Ri Ezequiel 44:15

“Ri e cojol tabal tok'ob ri e aj levitib ri e rija'lil ulok ri Sadoc, ri xquitakej patanijic pa ri wachoch aretak ri aj israelib xquitas tak quib chque tak ri nu be, je, cuya' quekeb chnuwäch che nu patanixic. Ri e are' quecuinic quekeb chnuwäch che u chi'xic ri xepo xukuje' ri qui quiq'uel ri tabal tak tok'ob. In, ri Ajawaxel, quinyo'w we takanic ri'.