Aj Levitib 3:2 - Quiché Bible

² Ri cäjachow ri sipanic quebuya' ri u k'ab puwi' ri u jolom ri awaj, cutok' c'u ri u kul chuchi' ri oquibal chupam ri Lic'om Rachoch Dios re rikoj ib. Ri e cojol tabal tok'ob, e are' quechicon ri quic' puwi' xukuje' pa tak u xcut ri porobal.

Aj Levitib 3:2 Referans Kwoze

Elem 29:10

Chac'ama' c'u bic ri alaj ama' wacax chuwäch ri Lic'om Rachoch Dios re rikoj ib, rech ri Aaron xukuje' ri e u c'ojol cäquiya' ri qui k'ab puwi' ri u jolom ri awaj,

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Hechos 3:26

Ri Dios, aretak xuc'astajisaj ri u C'ojol, chech alak xutak wi nabe, je xubano rech catewichitaj alak, rech chijujunal alak cäya' can alak ri etzelal.”

Hechos 3:15

Xcämisaj alak ri jun ri xbanow ri c'aslemal. Xc'astajisax c'u wa' rumal ri Dios chquixo'l ri cäminakib. Ri uj c'ut xkilo chi kastzij xc'astajic.

Ri Zacariy 12:10

Quebennojisaj na ri e rija'lil ri David che uxlabal re banoj tok'ob xukuje' che u banic ch'awem ruc' Dios xukuje' ri e aj Jerusalen. Caquil c'u na ri xquijulupij, caquibisoj c'u na cacok'ej c'u na u wäch jacha' ri rok'exic u wäch ri xa' jun chi c'ojolaxel aretak cacämic o ri nabeal c'ojolaxel.

Ri Isaiy 53:6

Konojel uj xujsachic uj jacha' chij, chkajujunal xkatakej ri kas ka be pa kech wi, are c'u ri Ajawaxel xuya' ronojel ri ketzelal chrij.

Aj Levitib 8:22

Ri Moises xubano chi cac'am chi ulok ri jun chi ama' chij ri rech ri nak'atisabal che ri tasanic, ri Aaron e rachil ri e u c'ojol xquiya' ri qui k'ab puwi' ri u jolom ri ama' chij.

Aj Levitib 1:11

Rajawaxic cutok' u kul chuwäch ri Ajawaxel pa u xcut ri porobal ri cäca'y pa u mox elebal k'ij; are c'u ri e cojol tabal tok'ob ri e u c'ojol ri Aaron cäquichicoj ri u quiq'uel puwi' xukuje' pa tak uxcut ri porobal.

Elem 29:11

chatok'o ri u kul chila' chuwäch ri Ajawaxel, chuwäch ri Lic'om Rachoch Dios re rikoj ib.

Elem 29:16

Chatok'o ri u kul, chachicoj ri u quiq'uel puwi' xukuje' pa tak u xcut ri porobal;

Aj Levitib 3:3

Ri cäjachow ri awaj che u chi'xic jun tabal tok'ob re utzirisan ib, rajawaxic cuya' chuwäch ri Ajawaxel, jacha' jun tabal tok'ob ri porom, ri xepo ri quech'ukuw ri ti'j chupam ri awaj,

Aj Levitib 3:8

Cuya' ri u k'ab puwi' ri u jolom, cutok' c'u ri u kul chuwäch ri Lic'om Rachoch Dios re rikoj ib. E are' tak c'ut ri e cojol tabal tok'ob caquichicoj na ri u quiq'uel ri awaj puwi' xukuje' pa tak u xcut ri porobal.

Ajilanic 18:17

Man caya' ta c'u c'olbal chi quetor ri nabe tak cal ri ati'tab tak wacax, ri e chij tak o q'uisic' tak. Wa' e tastal chwe in, rajawaxic c'ut quebapil na; ri u quiq'uel cajamij na puwi' ri porobal, ri u xepoyil caporoj na jacha' che sipanic ri cac'oc'at ruxlab chwe.

Elem 29:15

Chac'ama' jun chque ri quieb ama'ib tak chij, are c'u ri Aaron xukuje' ri e u c'ojol chquiya' ri qui k'ab puwi' ri u jolom.

Elem 29:19

Chac'ama' chi c'u ri jun ama' chij chic, are' c'u ri Aaron xukuje' ri e u c'ojol, chequiya' ri qui k'ab puwi' ri u jolom.

Aj Levitib 17:3

Apachique aj israel ri cupil jun ama' wacax, o jun alaj ama' chij, o jun ati't q'uisic' chupam o chrij ri kajebal,

Aj Levitib 17:4

we man cuc'am ta c'u ulok chuchi' ri oquibal chupam ri Lic'om Rachoch Dios re rikoj ib che u chi'xic jacha' che sipanic che ri Ajawaxel chuwäch ri cäk'ijilax wi, cux na ajchak'mac che u jamixic ri quic', rumal ri' quesax na ri u bi' chquixo'l ri e u winakil.