Aj Levitib 3:1 - Quiché Bible

¹ “We c'o jachin jun cuc'am chquixo'l ri rawaj jun ati't wacax o jun ama' wacax che u chi'xic jun tabal tok'ob che ri Ajawaxel re utzirisan ib, ri awaj ri cächi'xic ma ta c'o jun u yab.

Aj Levitib 3:1 Referans Kwoze

Ajilanic 6:14

cuchi'j c'u che ri Ajawaxel jun alaj chij re jun u junab ri man c'o ta jun u yab jacha' che tabal tok'ob ri cächajirisaxic, jun ati't chij re jun u junab ri ma ta c'o jun u yab jacha' che tabal tok'ob u mac ri macaj, xukuje' jun ama' chij ri ma ta c'o jun u yab jacha' che tabal tok'ob re utzirisan ib.

Aj Levitib 1:3

We ri awaj ri cuchi'j che tabal tok'ob ri cächajirisaxic cäresaj ulok chquixo'l ri u wacax, rajawaxic are jun ama' wacax ri man c'o ta u yab. Rech cac'amar ri cuyao, rajawaxic cuchi'j chuwäch ri Ajawaxel chuchi' ri oquibal chupam ri Lic'om Rachoch Dios re rikoj ib,

1 Juan 1:3

Cäkaya' c'ut u bixic chiwe ri kilom xukuje' ri ka tom, rech xukuje' ri ix quixjunamataj kuc', jacha' ri uj uj junamatajinak ruc' ri Dios ri Tataxel, xukuje' ruc' ri u C'ojol ri are' ri Jesucrist.

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Ri Amos 5:22

Man quenwaj taj ri je'lalaj tak c'oc'al ri quebichi'j che u ya'ic nu k'ij, mawi tak ri e i sipanic quech tak c'äj; man quebenc'amowaj ta ri k'obinak alaj tak ama'ib tak wacax ri quebiya' che tabal tak tok'ob re utzirisan tak ib.

Colosenses 1:20

rumal c'ut ri Crist are' xraj chi cac'oji' jamaril chuxo'l cuc' conojel ri jastak, ruc' ronojel e aj uwächulew o we aj caj. Xuban c'u ri jamaril rumal ri u quiq'uel ri Crist ri xtix cho ri ripibal.

Ri Malaquiy 1:14

¡C'okotajinak ri cojol c'amibal ri cuchi'j jun awaj ri man c'o ta u yab ri c'o chuxo'l ri u jumulaj cupil c'ut jun chwe ri c'o u yab! In ri' ri Ajawaxel ri nim nu k'ij, in c'u xibibal chquixo'l ri nimak tak tinimit.” Are wa' ri cubij ri Ajawaxel ri c'o ronojel u cuinem.

Ri Malaquiy 1:8

Chi man awas ta c'ut we quechi'x tak awaj chnuwäch moyab ch'oco'yib o yawabib.” ¡Jix ba', chebic'ama' bic chque ri e i k'atal tak tzij! ¡Chiwila' c'ut we quequic'am ri sipanic ruc' ronojel canima'!

Ri Ezequiel 45:15

Are c'u ri cäban chque ri chij, cäc'am jun che jujun cacab sient, ri e c'o chquipam ri utzalaj tak yuk'bal ri e c'o pa Israel. E are' wa' quebajwataj chque sipanic quech c'äj, che ri tabal tok'ob ri cachajirisaxic che tabal tok'ob re utzirisan ib, ri quechi'x che cuyubal tak macaj. In ri Ajawaxel quinya' takanic chi cäbanic.

E C'ambal tak Tzij 7:14

“In nu chi'm ulok tabal tok'ob re utzirisan ib camic c'ut xintz'akatisaj ri xinchi'j u ya'ic.

Nabe Tzijobelil 21:26

chila' c'u xuwoc wi jun c'olbal ri quechi'x wi tabal tak tok'ob che ri Ajawaxel xebuchi'j c'u tabal tak tok'ob ri quechajirisaxic xukuje' tabal tak tok'ob re utzirisan ib. Xunataj c'ut ri Ajawaxel, ri are' xutak ulok k'ak' chicaj puwi' ri tabal tok'ob ri cachajirisaxic che tzelebal u wäch ri u tzij.

K'atal tak Tzij 21:4

Chucab k'ij, ri aj israelib ak'abil xewalijic, xquiban jun porobal, xquiya' tabal tok'ob ri cächajirisaxic xukuje' tabal tok'ob re utzirisan ib chuwäch ri Ajawaxel.

K'atal tak Tzij 20:26

Conojel c'u ri e banal ch'o'j aj israelib xukuje' conojel ri winak xebe chi jumul pa Betel che u banic ok'ej chuwäch ri Ajawaxel, ronojel ri jun k'ij man xewa' taj, xebequichi'j tabal tak tok'ob ri quechajirisaxic xukuje' tabal tak tok'ob re utzirisan ib chuwäch ri Ajawaxel.

Ajilanic 7:17

chuq'uisbalil c'ut, che ri tabal tok'ob re utzirisan ib, quieb ama'ib tak wacax, job ama'ib tak chij, job ama'ib tak q'uisic' job alaj ama'ib tak chij re jujun qui junab. Are wa' ri u sipanic ri Naason (ri u tat ri Naason are' ri Aminadab).

Aj Levitib 17:5

Xya' we takanic ri' rech ri aj israelib quequichi'j na che ri Ajawaxel ri awaj ri quequipil pa apachique c'olbal, quequic'ama' ulok che ri cojol tabal tok'ob chuchi' ri Lic'om Rachoch Dios re rikoj ib, rech quebuchi'j che qui q'uexwäch jacha' che tabal tok'ob che utzirisan ib.

Elem 29:28

Rech c'ut ri Aaron wa' xukuje' ri e u c'ojol. Jun pixab wa' re chbe k'ij sak chque ri aj israelib: we sipanic ri' are jun cuchuj ri cäquiya' ri aj israelib jacha' tabal tok'ob re utzirisan ib ruc' ri Ajawaxel.

Elem 24:5

Xebusiq'uij jujun alabom chquixo'l ri aj israelib, xebutak che qui pilic jujun wacax che qui poroxic che tabal tok'ob ri quechajirisaxic xukuje' che tabal tak tok'ob quech utzirisan ib.

Elem 20:24

Chibana' jun porobal re ulew chwe, chebichi'j c'ut chwe puwi', ri e iwawaj quech ri e i tzobaj xukuje' tak wacax jacha' che tabal tok'ob ri cächajirisaxic xukuje' tabal tak tok'ob re utzirisan tak ib. Quinpe' c'u na quixintewichi'j c'u na chquipam ri jujun tak c'olbal ri quinwaj wi chi cänatax ri nu bi'.

Aj Levitib 3:6

We c'o jachin jun cuchi'j che ri Ajawaxel jun awaj ri cäresaj chuxo'l ri u tzobaj jacha' tabal tok'ob re utzirisan ib, rajawaxic cuchi'j jun ama' o jun ati't ri man c'o ta jun u yab.

Aj Levitib 9:18

Ri Aaron xukuje' xutok' u kul ri ama' wacax, xukuje' ri chij ri xquichi'j ri aj israelib che tabal tok'ob re utzirisan ib, ri e u c'ojol xquic'am bic ri quic' che, xujamij c'u ri Aaron puwi' xukuje' pa tak uxcut ri porobal;

Ajilanic 15:8

We ri tabal tok'ob are jun c'ojol ama' wacax, che u chi'xic jacha' che tabal tok'ob ri cächajirisaxic o jacha' che tabal tok'ob re utzirisan ib, o che u tz'akatisaxic jun chi'nic,

U Camulixic ri Pixab 12:27

chila' c'ut, puwi' ri porobal ri rech ri Ajawaxel ri i Dios, quichi'j wi na ri tabal tak tok'ob ri quechajirisaxic. Ri qui quiq'uel ri awaj ri quebichi'j quijamij na puwi' ri porobal ri rech ri Ajawaxel ri i Dios, are c'u ri ti'j cuya' quitijo.

Ri Ezequiel 43:27

Wukub k'ij qui takej u banic wa', pa ri uwajxak k'ij quitakej qui chi'xic tak ri tabal tok'ob ri cachajirisaxic xukuje' tak ri tabal tak tok'ob re utzirisan ib. Quixinc'am c'u na ruc' quicotemal. In, ri Ajawaxel, quinya' ri nu tzij.”

Aj Levitib 1:10

We ri awaj ri cuchi'j che tabal tok'ob ri cächajirisaxic, caresaj chquixo'l ri e u chij o u q'uisic; rajawaxic are jun ama' ri man c'o ta u yab.

Aj Levitib 9:4

xukuje' jun ama' wacax, xukuje' jun ama' chij ri quepil chuwäch ri Ajawaxel che tabal tok'ob re utzirisan ib, xukuje' chquic'ama' ulok jun sipanic re c'äj ri yok'om aseit ruc'; culuc'utu' c'u na rib ri Ajawaxel chiwäch camic.”