Aj Levitib 27:28 - Quiché Bible

²⁸ We c'o jachin jun cutas che ri Ajawaxel jubik' chque ri jastak rech che jun sipanic we e winak, we e awaj, we e ulew ri rechbem chque ri rachalaxic; che ri tasom man cuya' taj c'o ta cac'ayix che mawi cäc'am ta chi jumul; ronojel ri tasom are jun jasach ri sibalaj tastalic ri jachom che ri Ajawaxel.

Aj Levitib 27:28 Referans Kwoze

Elem 22:20

Ri quebuya' tabal tak tok'ob chquiwäch jule' diosib chic ri xuwi ya'tal qui ya'ic chuwäch ri Ajawaxel, cäcämisaxic.

Aj Levitib 27:21

Aretak ri ulew cätorotaj pa ri junab re ri tzokopitajem, kas cacanaj can che ri Ajawaxel, cäk'ax pa u k'ab ri cojol tabal tok'ob.

U Camulixic ri Pixab 25:19

Rumal ri' aretak ri Ajawaxel ri i Dios ix resam chic pa qui k'ab conojel ri e i c'ulel ri qui sutim rij ri ulew ri cuya' chiwe che iwechbal, rajawaxic quisach u wäch ri Amalec cho ri uwächulew. ¡Mäsach wa' pa i jolom!”

Nabe Samuel 15:18

Je c'u ri', we are' ri Ajawaxel xattakow bic xuya' bic takanic chawe chi casachisaj qui wäch ri ajmaquib tak aj amalesib, xukuje' che qui banic c'ax chque c'ä caq'uis na tzij paquiwi'.

Ri Josue 7:1

Jun c'ut chque ri ramak' ri Juda, Acan u bi' u c'ojol ri Carmi, ri' u mam ri Zabdi u xiquin u mam ri Zar, xebuc'am quieb oxib jastak chque ri e tasom che u sachisaxic qui wäch, rumal c'u rech wa' conojel ri aj israelib xebux ajchak'maquib chuwäch ri Ajawaxel chi xc'am ri u yo'm wi takanic ri Ajawaxel chi casachisax u wäch. Rumal c'u rech wa' ri Ajawaxel xnicow ri royowal paquiwi' ri aj israelib.

Ri Josue 6:26

Jun chi'nic ri kas cäban na xcha' c'ut ri Josue: “C'okotajinak chuwäch ri Ajawaxel ri cutijtobej u walijisaxic ri tinimit Jerico. Checoj ri u tac'alibal puwi' ri u c'ojol ri nabeal, puwi' chi c'ut ri q'uisbal u c'ojol quecoj tak ri e u tz'apibal ri oquibal.”

Ajilanic 18:14

Ronojel sipanic ri quequitas ri aj israelib chwe, quecanaj chawe.

Gálatas 3:13

Are ri Crist xujcoloben chuxe' ri u c'okonic ri pixab, xux c'u c'okotajinak che ka q'uexwäch. Tz'ibatal c'ut: “C'okotajinak ronojel ri cätzayabax cho jun che'.”

Gálatas 3:10

Conojel ri qui jiquibam qui c'u'x chrij ri pixab, e c'o chuxe' c'okonic. Tz'ibatal c'ut: “C'okotajinak ronojel jachin ri man cäjeki' ta pa conojel ri jastak ri e tz'ibatal pa ri wuj re ri pixab, che qui banic.”

1 Corintios 16:22

We c'o jun ri man culok'ok'ej ta ri Ajawaxel Jesucrist, chäkaj ba' chuxe' c'okonic. ¡Chpet ba' la, Ajawaxel!

Romanos 9:3

Quinwaj ta c'u ne chi kas in quinc'oji' ta chuxe' c'okonic, najtajisam ta che ri Crist, we ta ruc' wa' quebento' ta ri e wachalal, ri kas e nu winakil.

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Nabe Samuel 15:3

Rumal ri', jät chabana' c'ax chque; chasachisaj qui wäch junam cuc' conojel ri jastak quech, matok'obisaj qui wäch. Chebacämisaj achijab xukuje' ixokib, ac'alab pune' c'äte xil qui wäch, ama'ib tak wacax, chij tak, cameyib tak xukuje' ati'tab tak bur.’ ”

K'atal tak Tzij 21:18

Man cuya' ta c'ut quekaya' ta ri e ka mia'l uj rech quec'uli' ta cuc', konojel c'ut ri uj aj israelib quebaban ri chi'nic ri kas cäban na chi man quekaya' ta ri ka mia'l chi quec'uli' ta cuc' ri aj Benjamin, chuxe' c'okonic.

K'atal tak Tzij 21:5

Xquitala' c'u chquixo'l xquibij: “¿Jachin tak ri man xec'oji' ta chkaxo'l pa ri mulin ib pa Mizpa?” Xquiban ri chi'nic ri kas cäban na chi quequicämisaj jachin tak ri man quec'oji' ta pa ri mulin ib.

Ri Josue 7:25

Ri Josue xubij che: “¿Jasche xac'am ulok we u q'ueyowal ri' pakawi'? Camic, are' ri Ajawaxel chubana' chi chkaj ri u q'ueyowal pawi' ri xac'am ulok pakawi'.” Xuwi xbitaj wa', conojel ri aj israelib xquicämisaj ri Acan che abaj xukuje' ri e c'o ruc', xequiporoj c'ut.

Aj Levitib 27:27

We are jun awaj ri tz'il, cuya' cätoric jacha' ri rajil ri k'atom, cäya' c'u na jun ro'il puwi' ri rajil; we c'u man cätoric cuya' cäc'ayixic jas ri rajil ri k'atom.

Aj Levitib 27:29

Xukuje' mawi c'o jun winak ri c'okom cuya' quesax chuxe' ri c'okonic man c'o ta u to'tajic kas cäcämisax na.

U Camulixic ri Pixab 7:26

Rumal c'u ri', mic'am bic jun jasach ri itzel cho iwachoch, rech xukuje' ri ix man cäsach ta i wäch. Wa' k'atom chrij chi cäsachisax u wäch, rajawaxic quich'obo chi jun jasach wa' ri itzel.”

Ri Ezequiel 44:29

Cuya' quequitij ri e u wächinic tak ri ulew ri quelquichi'j ri aj israelib chwe, xukuje' tak ri awaj quech tabal tak tok'ob ri queya'ic u mac rech ri macaj xukuje' ri queya'ic u mac rech ri chak'maquil. Junam xukuje' ronojel ri caquitas ri aj israelib chwe cäcanaj chque.

Ri Ezequiel 48:14

Are' jun ulew wa' ri sibalaj nim na u k'ij pa ri ulew. Man c'o ta jun ch'akap che ri chuya'taj chi c'ayixic o caq'uexic o cak'axex ta pa u k'ab jachin jun winak chic, tastal c'u che ri Ajawaxel.

Aj Levitib 21:22

Cuya' cutij rech we wa ri' xukuje' ri jastak ri e tastalic xukuje' ri sibalaj e tastalic.

Ucab Tzijobelil 31:14

Ri chajil u chi' ri oquibal ri c'o pa ri elebal k'ij, are' ri Core aj levi, u c'ojol ri Imna, are' chajininak tak ri sipanic ri caquic'am ulok ri winak pa quech wi che ri Dios xukuje' ri u jachic ri cuchuj ri quec'am ulok che ri Ajawaxel ri e tasom che ri Dios.