Aj Levitib 26:6 - Quiché Bible

⁶ Quinya' na utzil cho ri uwächulew, quixwar c'u na pa utzil, man c'o ta jas quixxibin na, xukuje' quebenwesaj na ri itzel tak awaj pa tak ri iwulew, man c'o ta c'u ch'o'j cäpe na puwi' ri i tinimit.

Aj Levitib 26:6 Referans Kwoze

Ri Isaiy 35:9

Chila' man c'o ta coj e c'olic mawi quekeb ri juyubal tak awaj chila'. Pa ri be ri' quepe wi na ri quetorotaj ulok,

Ri Soponiy 3:13

Ri queto'taj can che ri tinimit Israel man caquiban ta chi c'ut ri man suq'uilal taj, mawi quequibij chic banoj tak tzij, mawi quequinojisaj ta chic ri qui chi' chque tak jech'balil. Cuya' qui tzuktzubej iwib xukuje' quixuxlanic man c'o ta chi jun xe'n ib.”

Salmib 147:14

Ri are' cuc'am ulok ri jamaril chupam ri awulew, xukuje' catutzuk ruc' ri trico ri sibalaj utz na.

Ri Jeremiy 30:10

“In, ri Ajawaxel, quinjiquiba' u bixic: man caxe'j ta awib u tinimit ri Jacob pataninel wech; man caxe'j ta awib, Israel, ri at xukuje' ri e awalc'ual quixintor na pa u k'ab we najalaj ulew ri' ri ix c'o wi. Catejujayir na pa jamaril, man c'o ta elebal ch'u'j, man c'o ta jachin catxibinic.

Ri Hajey 2:9

We ucab wachoch ri' c'o na ri u je'lical chuwäch ri nabe. Quinban c'u na chi cac'oji' jamaril chupam we c'olbal ri'. In, ri Ajawaxel ri c'o ronojel u cuinem, quinjiquiba' u bixic.”

Ri Osey 2:18

Pa ri k'ij ri' quinban na che u tok'obisaxic u wäch ri Israel jun c'ulwächinic cuc' tak ri juyubal tak awaj, cuc' tak ri chicop ri e c'o qui xic' xukuje' cuc' tak ri cumätz; quinc'äjij na xukuje' quinwesaj na che we ulew ri' ri q'uiakbal ch'ab, ri ch'ich' re ch'o'j xukuje' ri ch'o'j, rech cuxlan ri nu tinimit pa jamaril.

Ri Ezequiel 34:25

Quenbana' jun c'ulwächinic cuc', quinjiquiba' ri roc'owisaxic jun c'aslemal cumal pa utzil. Quinban na chi casach qui wäch ri juyubal tak awaj pa ri ulew rech quejeki' ri nu chij pa utzil pa apachique juyub xukuje' quewar pa tak ri c'ache'laj.

Salmib 29:11

Ri Ajawaxel cuya' u chuk'ab ri u tinimit; ri Ajawaxel cutewichi'j ri u tinimit ruc' jamaril.

Ri Ezequiel 14:15

We c'u queben tak bic juyubal tak awaj pa jun ulew, che qui cämisaxic ri winak ri e c'o chi', caquiban ta c'u che chi cux jun chaki'j uwo sak ri ma ta c'o jun cuchajij ta anima' coc'ow chi' rumal xe'n ib chquixo'l ri juyubal tak awaj,

Ri Job 11:19

Man c'o ta catxibinic aretak catuxlanic. E q'uia winak quepe na che u tz'onoxic tok'ob chawe.

Elem 23:29

Man quebenwesaj ta bic chawäch pa jun junab rech man cäjuyubar ta ri ulew, mawi quepok' ri juyubal tak awaj ri cäquiban ta c'ax chawe.

Ri Xuan 14:27

Ri jamaril quinya' can chiwe. Ri nu jamaril quinya' chiwe. Man je ta c'u u ya'ic quinya' chiwe jacha' ri u ya'ic ri caquiya' ri e aj uwächulew. Mäk'oxow ri iwanima', mawi muxe'j rib.

Ri Zacariy 9:10

Ri are' cusachisaj na qui wäch tak ri e u carwaj ri Eprain, ri e u quiej tak ri Jerusalen xukuje' tak ri q'uiakbal ch'ab re ch'o'j. Cuya' na u bixic jamaril chque ri nimak tak tinimit cajawin c'u na chuchi' ri jun plo c'a chuchi' ri jun plo chic, cachaptaj ruc' ri Euprats queq'uis na c'ä che ri u q'uisbal jutz' rech ri uwächulew.

Ri Miquey 4:4

Conojel c'ut quejeki' na man c'o ta chi jachin quexibinic, chquijujunal quecuin na que uxlan chuxe' ri u mujal ri u uva xukuje' chuxe' ri u che'al ri u higo. ¡Kas u tzij wa ri Ajawaxel ri c'o ronojel u cuinem!

Ri Ezequiel 14:17

We ta c'u quinc'am ulok ri ch'o'j puwi' we ulew ri' quinya' ta c'u ri takanic chquecämisax ri achijab xukuje' ri awaj,

Ri Ezequiel 5:17

Je, quinban na chi cäpe piwi', wi'jal, yabil xukuje' cämical; xukuje' juyubal tak awaj ri quequiq'uis na qui tijic tak ri e i walc'ual; quinban c'u na chiwe chi quixecäm pa ri ch'o'j. In, ri Ajawaxel, nu bim.”

Salmib 85:8

Quintatabej na ri cuya' u bixic ri Ajawaxel; cutzijoj c'u na jamaril che ri u tinimit, chque ri e jic ruc', rech man quequibana' ta chic ch'ujilal.

Salmib 4:8

In quink'oyi' pa jamaril chanim c'ut cäc'amtaj nu waram, lal c'ut Ajawaxel, caban la chwe chi quinjeki' pa cu'bisan c'uxaj.

Nabe Tzijobelil 22:9

Cac'oji' c'u na jun a c'ojol ri cux na jun jamarilalaj achi; quinban c'u na chi conojel ri e u c'ulel pa conojel tak c'olbal caquiya' can pa jamaril. Rumal ri' Salomon cubinaj na. Pa ri u k'ijol quinya' na jamaril xukuje' uxlanem che ri Israel.

Ucab Ajawinelab 2:24

Ri Elisey xuya' u wäch chque, xebuca'yej xebuc'okoj c'ut pa ri u bi' ri Ajawaxel. Kas chanim c'ut xebel ulok quieb os chquij chupam ri c'ache'laj xequimuch cawinak quieb chque.

Romanos 5:1

Aretak k'alajisam chic chi uj suc' rumal ri ka cojonic, c'o jamaril chkaxo'l ruc' ri Dios, rumal ri Kajaw Jesucrist.

Hechos 12:6

Pa ri u chak'abil ri k'ij ri xresaj ta ulok ri Herod, ri Lu' cätajin cäwar chquixo'l quieb ajch'ojab, ximom che quieb tikom ch'ich', e c'o chi c'u niq'uiaj chajinelab chuchi' ri che' che u chajixic ri che'.

Ri Ezequiel 14:21

In, ri Ajawaxel, quinbij: Nim c'u na ri c'ax ri capetic aretak chebentak ulok ri quiejeb xibibalalaj tak c'äjisabal wächaj puwi' ri Jerusalen: ri ch'o'j, ri wi'jal, ri juyubal tak awaj xukuje' tak ri yabilal, quebencämisaj c'ut ri achijab xukuje' tak ri awaj.

Ri Jeremiy 31:26

Je cätajin quinwichic'aj wa' aretak xinc'astajic xebenjak c'ut ri nu bak'wäch. Ri nu wichic' sibalaj xkaj chnuwäch.

Ri Isaiy 45:7

In quinyo'w ri sakil xukuje' ri k'eku'm, in quinyo'w ri utzalaj c'aslemal xukuje' ri u q'ueyowal. In, ri Ajawaxel ri quinbanow conojel we jastak ri'.”

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Salmib 3:5

quink'oyic, quinwar c'ut, quinc'astaj chi c'ut, rumal rech chi ri Ajawaxel cuya' ri u to'banic chwe.

E C'ambal tak Tzij 6:22

cäquic'am na a be aretak at benak pa binem, catquichajij na aretak cätajin catwaric, quetzijon na awuc' aretak catc'astajic.

E C'ambal tak Tzij 3:24

Aretak catuxlanic man c'o ta jas caxe'j ta wi awib; aretak catk'oyic catwar na pa utzil.

Ri Job 5:23

Ri abaj man quequiya' ta na latz' chquipam tak ri awulew, e are' tak c'ut ri juyubal tak awaj quebux na awachil.

Aj Levitib 26:22

Xukuje' quebentak na ulok juyubal tak awaj chiwij ri quequic'am na bic ri iwalc'ual, xukuje' cäquiq'uis tzij paquiwi' ri e iwawaj, quinchaplej c'u u sachic i wäch, ri e i be xak quetz'inow chi canok.

Aj Levitib 26:7

Quebiwokotaj ri e i c'ulel, quekaj c'u na pa u chi' ch'ich' re ch'o'j chiwäch;

Aj Levitib 26:25

Quinc'am na ulok cämical piwi', che u c'äjisaxic i wäch u mac rech chi man i tz'akatisam taj ri nu c'ulwächinic; we c'u quitzucuj u to'ic iwib pa tak ri i tinimit, ri in quintak na ulok yabil chixo'l, quixkaj c'u na pa u k'ab ri c'ulel.

Aj Levitib 25:18

Chixoc ba che qui banic ri e nu pixab xukuje' chebinimaj ri nu takomal, chebibana' ri cäquibij, we je quiban wa' man c'o ta c'u jachin quixslaben cho ri ulew;

Aj Levitib 25:19

ri ulew cuya' na ri u wächinic, quixwa' c'ut c'ä quixnoj na, man c'o ta jachin quixesan chuwäch.

Ucab Tzijobelil 20:30

Je c'u ri' ri rajawinic ri Josapat xtaken pa jamaril, are c'u ri Ajawaxel Dios xyo'w ri jamaril che cuc' ri winak pa tak ri ulew ri e c'o che u c'ulja.

Salmib 144:14

Ri e ka wacax ri e c'o chi qui tu' mawi jumul quetzakanic. Man e c'o ta rakoj tak chi'j re cojol tak xib.

Ri Isaiy 35:8

Cäc'oji' na jun be, ri cabinax na “ri be ri tastalic”. Ri man e ch'ajch'oj taj man cuya' ta caquibinibej; ri man c'o ta qui no'j man cuya' ta cäquibinibej.

Ri Ezequiel 34:27

Ri wächinel tak che' ri e c'o pa ri juyub caquiya' na qui wäch, ri ulew cuya' na ri u wächinic, quejeki' c'u na pa utzil pa ri kas culew. Aretak chinwesaj ri nu tinimit pa qui k'ab ri e qui banom jacha' lok'om pataninelab chque, c'äte ri' caquich'ob na chi in ri' ri Ajawaxel.

Ri Osey 2:20

In quinban na chawe chi catux wixokil quinux c'u na jic awuc', are c'u ri at cawetamaj chi na chi in ri' ri Ajawaxel.