Aj Levitib 26:30 - Quiché Bible

³⁰ In quebenc'äjij tak ri e i k'ijilabal ri e quech winak ri e k'ijilal tak diosib, quinban na cacab chque ri e i porobal quech c'oc' tak k'ol; quebenmulij na ri e i cuerp ri man c'o ta qui c'aslemal paquiwi' ri qui cuerp ri e i diosib ri man c'o ta qui c'aslemal, quinc'ut c'u na ri woyowal chiwäch.

Aj Levitib 26:30 Referans Kwoze

Ucab Ajawinelab 23:20

Xebucämisaj c'u ne na paquiwi' ri porobal conojel ri quecojow tabal tok'ob paquiwi' ri k'ijilabal ri quek'ijilax wi ri diosib, xebuporoj c'u ri qui bakil ri cäminakib paquiwi'. Xtzelej c'ut ri ajawinel pa Jerusalen.

Ri Isaiy 27:9

Cucuy c'u na ri u mac ri Jacob quebuchup na ri sachinak wi we je cubana' wa': we quebuc'äjij conojel tak ri e u porobal ri quebuk'ijilaj wi tak ri diosib jacha' ri cäban che u c'äjixic ri rabajil chun, mecanaj chi c'u tastalicalaj tak cuta'm, mawi e porobal c'oc' tak k'ol che u ya'ic qui k'ij ri diosib.

Ri Ezequiel 6:13

Aretak chequil we winak ri e qui cäminakib chquixo'l tak ri qui diosib ri e qui banom chquij tak ri e porobal, paquiwi' tak ri juyub ri naj e elinak chicaj, paquiwi' tak ri juyub, chuxe' ronojel che' ri cätojtotic, chuxe' ronojel räx che' ri k'eku'm u xak, xukuje' pa tak ri c'olbal ri xequichi'j wi je'lalaj tak c'oc'al chquiwäch tak ri qui diosib, c'äte c'u ri' caquich'ob na chi in ri' ri Ajawaxel.

Ri Jeremiy 14:19

Ajawaxel ¿La kas xa' jumul xutum la ri Juda? ¿La lal k'itajinak che ri tinimit Sion? ¿Jasche xujsoc la ri man c'o ta wi ka to'tajic? Keyem pok'otajic, man c'o ta c'u jun utzil opaninak ta kuc'. Keyem rutzil ka wäch, xuwi c'u xibim ib c'olic.

Salmib 89:38

Xutum c'u ne la, xukuje' etzelam la u wäch ri ajawinel ri xcha' la; ¡lal oyowarinak ruc'!

Ucab Tzijobelil 31:1

Aretak xq'uis u tza'm ronojel wa', conojel ri aj Israelib ri e c'o chila' xebe chquipam tak ri tinimit ri e c'o pa Juda. Xequic'äjij ri tastalicalaj tak abaj, xebe qui paxij tak ri e u wächbal tak ri Asera xebequit'akij tak ri k'ijilabal ri quek'ijilax wi tak ri diosib, c'ä xquiq'uis na qui c'äjixic conojel tak we jastak ri' pa ronojel ri Juda, pa Benjamin, xukuje' c'u ne pa Eprain xukuje' Manases. Conojel c'ut ri aj israelib xetzelej pa tak ri e qui tinimit, chquijujunal pa tak ri e culew.

Ucab Tzijobelil 23:17

Conojel c'ut xebextax chupam ri rachoch Baal, xquiyojij c'ut, xequic'äjij c'ut tak ri u porobal xukuje' tak ri e diosib. Are' c'ut ri Matan, ri u cojol tabal tok'ob ri Baal, xquik'at ri u kul chquiwäch tak ri porobal.

Ucab Ajawinelab 23:16

Aretak xtzelej ulok ri Josiy xtake c'u u wäch chque tak ri mukbal ri e c'o kas puwi' we juyub ri', xtakanic chi chebesax ulok ri bak ri e c'o chquipam, xebuporoj c'ut puwi' ri porobal, je quitz'ilobexic wa' xubano. Jewa' xban che u tz'akatisaxic ri u tzij ri Ajawaxel ri xuya' u bixic ri k'axal tzij.

Ucab Ajawinelab 23:8

Xutak c'u qui siq'uixic conojel ri e cojol tabal tok'ob ri e c'o pa tak ri tinimit pa Juda, xebuc'äjij c'ut conojel tak ri e k'ijilabal ri quek'ijilax wi diosib, kas pa Jeb c'ä pa Beerseb, ri qui porom wi c'oc' tak k'ol we e cojol tabal tok'ob ri', xebut'akij tak ri porobal ri quech tak ri itzel tak uxlabal ri e c'o chuchi' ri roquibal ri Josue, ri k'atal tzij puwi' ri nimalaj tinimit, ri e c'o chuchi' ri oquibal pa ri tinimit, pa ri mox k'ab.

Nabe Ajawinelab 13:2

Rumal c'ut ri u takanic ri Ajawaxel co xurak u chi' che u c'ulelaxic ri porobal, je xubij wa': “Porobal, porobal: Ri Ajawaxel u bim: ‘Pa ri cajawinic ri e rija'lil ri David calax na jun ac'al, ri cäcoj na Josiy che u bi', ri quebuporoj na pawi' ri e cojol tabal tok'ob paquiwi' ri k'ijilabal ri quek'ijilax wi diosib ri quequiporoj c'oc' tak k'ol pawi'; pawi' c'ut queporox wi na qui bakil winak.’ ”

Aj Levitib 26:15

we c'u quebijech'obisaj ri nu takanic, man nim ta quiwil wi ri nu pixab, mawi quitz'akatisaj qui banic ri cäquibij ri e nu takomal, man quebitz'akatisaj taj ri nu c'ulwächinic we je quiban wa',

Aj Levitib 26:11

Quinjekeba' na ri nu c'olbal chixo'l, mawi jubik' quinwetzelaj ta i wäch;

Aj Levitib 20:23

Miban iwe ri cäquiban tak ri winak ri quebenwesaj na bic chiwäch; ri e are xequiban conojel we itzel tak jastak ri', rumal ri' man xinch'ij ta qui coch'ic.

Chapletajic 19:13

Cäkasach c'u u wäch we c'olbal ri'. Sibalaj q'ui chi c'u ri tzujunic banom chuwäch ri Ajawaxel chquij ri winak re we tinimit ri', rumal ri' xujutak ulok che u sachic u wäch.”

U Camulixic ri Pixab 32:19

Xyactaj c'u royowal ri Dios aretak xril wa', xretzelaj c'u qui wäch ri e qui c'ojol xukuje' tak ri e qui mia'l;

Nabe Ajawinelab 13:32

cätz'akat c'u na ri' ri xuya' u bixic rumal ri u takanic ri Ajawaxel ri cuc'ulmaj na ri porobal ri c'o pa Betel xukuje' ri qui c'okoxic tak ri k'ijilabal ri quek'ijilax wi diosib ri c'o chquipam tak ri tinimit re Samar.”

Salmib 106:40

Xk'ak'ar c'u ri Ajawaxel chrij ri u tinimit, xebuxutuj c'ut ri e rech;

Ri Ezequiel 43:7

Cubij c'u ulok chwe: “Are' c'olbal wa' rech ri nu tem re ajawinel, ri c'olbal ri quebenya' wi na ri wakan; waral quinjeki' wi na chquixo'l ri aj israelib amak'el. Mawi ri e are' mawi ri e cajawinelab caquiya' ta china' ri tastalicalaj nu bi' pa yok'ical: man quebe quiyaca' ta chi na tz'ak che u nataxic ri cajawinelab aretak e cäminak chic,

Ri Amos 6:8

Ri Ajawaxel xuban ri chi'nic ri kas cäban na, xcha' chbil rib; ri Ajawaxel, ri Dios ri c'o ronojel u cuinem, cujiquiba' u bixic: “Quinxutuj ri nimarisabal rib ri u tinimit ri Jacob; quinwetzelaj qui wäch tak ri e nimak tak rachoch; quinjach na ri tinimit pa u k'ab ri c'ulel, rachil ronojel ri c'o chupam.”

Ri Amos 7:9

Ri e u k'ijilabal ri Isaac quesachisax na qui wäch, xukuje' ri cak'ijilan wi tak ri Israel queyojyobitaj canok. ¡Quinwalijisaj na ri ch'ich' re ch'o'j che qui cämisaxic tak ri e ralaxic ri Jeroboam!”

Ri Jeremiy 16:18

Nabe quinban na chque chi quequicamulij qui tojic tak ri quetzelal xukuje' tak ri qui mac, rumal rech chi xquitz'iloj ri wulew cuc' tak ri xawebalalaj cäminak tak e qui diosib, pa ronojel c'ut ri ulew ri xinya' chque jacha' che quechal xequiban jastak ri itzel quebenwilo.”

Ri Ezequiel 16:39

Catinjach c'u can pa qui k'ab, rech caquiq'uis tzij paquiwi' tak ri e c'olbal ri xac'ayila' wi awib pa qui k'ab, xukuje' ri xebak'ijilaj wi ri diosib. Quequit'okopila' na tak ri e awatz'iak chawij xukuje' tak ri je'lalaj tak wikbal tak awib, kas c'u c'axalaj a ch'anabaxic caquiban canok.

Ri Osey 10:2

Ri Israel quieb u banom ri ranima', are c'u ri camic coc na che u tojic ri u mac. Ri Ajawaxel quebusachisaj na qui wäch tak ri qui porobal quebut'akij tak na ri cabaj ri e tastalic.