Aj Levitib 26:16 - Quiché Bible

¹⁶ ri in xukuje' quinc'am na ulok we jastak ri piwi': Quinc'am ulok xe'n ib piwi', tukaril, yabil quechaki'jar ri i bak'wäch rumal, cuban na c'ax che ri iwanima'; xak lok' quixticonij na rumal rech chi are ri i c'ulel quetijow na ri quitico.

Aj Levitib 26:16 Referans Kwoze

Ri Job 31:8

chi jule' chic chetijow ri nu ticom qui boko c'u c'ä chuxe' ri xintico.

Nabe Samuel 2:33

Quinya' c'u na jachin jun chque ri e awachalaxic chunakaj ri porobal, rech quecäm che quiäk rayinic xukuje' k'oxomal pa ri qui c'aslibal, conojel chi c'ut ri niq'uiaj awachalaxic xa quecämisax na.

Ri Miquey 6:15

Catticonijic man c'o ta c'u wächinic cayaco; caque'j ri aseitun, man c'u cawechbej taj ri aseit; capitz'itz'ej na ri uva man c'u cawuq'uiaj ta ri u wa'l uva.

Ri Ezequiel 33:10

“At, winak, chabij che ri tinimit Israel: ‘Ri ix quibij: Uj c'o chquixe' tak etzelal xukuje' ri macaj. Rumal ri' uj c'aslic cätajin cujk'ayic. ¿Jas cakabano rech cujc'asi'c?

Ri Jeremiy 5:17

Quequitij na ri e u wäch tak ri e awulew, xukuje' ri a wa, quebequitij c'u ne na ri e a c'ojol xukuje' tak ri e a mia'l. Quebequitij tak na ri e a chij, ri e a wacax, ri e a uva xukuje' tak ri e a higo. Cuc' tak ri e qui ch'ojibal quequisachisaj na qui wäch ri tinimit tak ri e c'o nimak tak tapia chquij ri a cuban wi a c'u'x.”

Salmib 78:33

Rumal ri' ri Dios xuq'uis tzij puwi' ri qui c'aslemal e je ta ne xa jun uxlabic, pa u niq'uiajil jun xibin ib xibibal.

U Camulixic ri Pixab 28:51

Quequitij na ri cal ri a wacax, ri qui wächinic tak ri a tico'n, c'ä catmebayir na; man c'o ta a trico, mawi u wa'l a uva, mawi awaseit cäquiya' canok, mawi ri cal tak ri a wacax, mawi ri cal tak ri a chij, xa wi'jal catcämisan na.

Hebreos 10:31

Xibibal wa' we cäkaj jun pa ri u k'ab ri c'aslic Dios.

Ri Zacariy 14:12

E are' tak c'ut ri nimak tak tinimit ri e qui tijom qui chuk'ab e ch'ojaninak c'ut ruc' ri Jerusalen, ri Ajawaxel co ri u c'äjisaxic qui wäch cuban na: ri e u winak quek'ay na ri qui ti'jal, quebek'ay c'u na tak ri qui bak'wäch chquipam tak ri qui julil xukuje' ri cak' pa qui chi'.

Ri Hajey 1:6

Ri ix, q'ui ri tico'n quibano, xa' c'u jubik' ri wächinic ri quiyaco; quixwa'ic, quixuq'uianic, man c'u quixnoj taj, quixcanaj c'u ruc' chaki'j chi'; quipisisej iwib, man c'u quixoc ta pa mik'inal; are c'u ri cachacun chk'ij, cuya' ri cuch'äco chupam jun c'olbal ri tek'elic.

Ri Jeremiy 20:4

Ri Ajawaxel je cubix wa': ‘Catin jalwächij pa xibriquil chawe chbil awib xukuje' chque conojel ri awachil awib cuc'; chquiwäch ri e a bak'wäch, ri awachil awib cuc' quekaj na chuxe' ri qui ch'ich' re ch'o'j ri qui banom qui c'ulel chawe. Quebenjach na conojel ri winak ri e c'o pa Juda pa u k'ab ri ajawinel re Babilon, ri quixresaj na bic quebuc'am c'u na bic pa Babilon o ch'ich' re ch'o'j cucämisabej quech.

Ri Jeremiy 15:8

C'o na ri qui q'uiyal ri malca'nib ri xebenya' can chquixo'l chuwäch ri sanyeb re ri plo. Kas tiquil k'ij xinbano chi xkaj ri cämical paquiwi' ri nanaxelab ri e c'o tak cal c'ojolab; xak c'ätetal xinbano chi xkaj ri c'axc'ol xukuje' ri xibriquil paquiwi'.

Ri Jeremiy 12:13

Xquitic trico q'uix xuya' ri ulew chque; ronojel ri qui chac ri xquibano man c'o ta xupatanij. Aretak xeyac ri u wächinic ri ulew xa' tzakmajic xquiriko u mac rech ri nicowelalaj woyowal.”

Ri Isaiy 10:4

We man quixmach'irisaxic quixyut c'u na bic, quixcäm na junam cuc' ri xa' quecämisaxic. ¿Jachin che quitz'onoj wi na chi quixuto'? ¿Jawi je quebiya' wi can tak ri e i k'inomal? Man c'u oc'owinak taj ri royowal ri Ajawaxel, Ri are c'ä u takem na u cojic xib.

Ri Isaiy 7:2

Pa we k'ij ri' xeyok we tzijol ri' che ri Acaz xukuje' chque ri e ralaxic: “Ri e aj Siriy qui junamam qui wäch cuc' ri aj Eprain.” Ri ajawinel xukuje' ri winak xquichaplej birbitem jacha' ri cäquiban ri che' pa ri c'ache'laj aretak cäjich'ich' ri quiakik'.

Salmib 109:6

Cojo' la jun banal etzelal che u k'atal tzij, kas are' c'u ri cojol u tzij chc'okowok;

Salmib 73:19

¡Xa' pa jok'otaj cäsach qui wäch! ¡Ri xe'n ib caq'uisow na tzij paquiwi'!

Ri Job 20:25

Ri ch'ab cujutquej na ri cuerp, ri u wi' ri ch'ab coc'ow chupam ri seseb. Cänoj na che xibin ib;

Ri Job 18:11

Xak xe'j rib pa apachique c'olbal; xe'j rib chi terenetal ri e u xo'l tak rakan.

K'atal tak Tzij 6:11

Xpe c'u ri aj cajalaj u tako'n ri Ajawaxel, xt'uyi' chuxe' ri räx che' ri c'o pa Opra, ri c'o pu k'ab ri Joas ri are' rachalaxic ri Abiezer. Are c'u ri Jedeon ri u c'ojol ri Joas cätajin cujosk'ij trico chc'uyal pa ri c'olbal jawije' cäpitz' wi ri uva che resaxic ri u wa'l, rech man cäquil ta ri aj madianib.

U Camulixic ri Pixab 32:25

Quek'ok'ex na tak ri e qui c'ojol xo'l tak ri ja, are quebajawin na ri xibinelab pa tak ri cachoch; quecäm na ri alabom xukuje' ri alitomab, ri ri'jab xukuje' ri c'a quetu'nic.

Elem 15:26

Xubij chque: “In ri' ri Ajawaxel ri i Dios, we kas quitatabej ri quinbij chiwe, we quiban ri suq'uil chnuwäch, quinimaj ri nu takomal, quebitz'akatisaj tak ri nu pixab, mawi jun chque ri yabil ri xintak paquiwi' ri aj ejiptib quintak ta piwi' ix, in c'ut ri Ajawaxel, ri quixincunaj.”

Nabe Ajawinelab 8:37

Aretak pa ri ulew c'o wi'jal, o yabil ri man cunabal ta cäraj, o quechaki'jar tak ri tico'n rumal ri k'ak', o quepe yabil re ch'ajach, sac' o xjut; aretak ri c'ulel cusutij quij tak ri ka tinimit, quech'ojin c'u cuc', o cäpe apachique u c'axc'olil o yabilal,

E C'ambal tak Tzij 3:33

Ri Ajawaxel cuc'okoj ri rachoch ri itzel winak, cutewichi'j c'ut ri u jekelibal ri winak ri cuban suq'uilal.

Ri Isaiy 62:8

Kas kastzij chokinak c'u ri Ajawaxel xuyac ri cuinelalaj u k'ab riquiak'ab: “Mawi chi jumul quinya' be chque ri e a c'ulel cäquitij ri a trico, mawi ri winak ri man e awinakil taj cäquitij ri e u wa'l a uva ri a cosom awib che u banic;

Ri Jeremiy 15:3

In, ri Ajawaxel, quinjiquiba' u bixic: quebentak ulok quiejeb jalan tak c'äjisabal wächaj: quecämisax na pa ri ch'o'j, quejurux na cumal tak ri tz'i', quet'ubix na cumal tak ri c'uch quet'okopix na cumal tak ri juyubal tak awaj.

Ri Ezequiel 24:23

Man cuya' taj quich'anaba' bic ri i jolom mawi quebit'anaba' ri iwakan. Man quixjuyuw taj mawi quixok'ic. Quixtuktub na qui mac tak ri e iwetzelal, quixjuyuwilab tak chiwäch.

Ri Malaquiy 2:3

“Quenwesaj ri takanic pa i k'ab quenq'uiaka' ri qui mes ri awaj chi palaj ri quebic'am ulok che tabal tak tok'ob. ¡Junam c'ut xukuje' ruc' ri qui mes ri awaj, xukuje' ri ix quixmes na bic!

Ri Amos 5:11

Quixak'alej c'ut ri meba', quitok'ej c'u tojbal che ri u trico, man quixcuin taj quixjeki' chquipam tak ri ja re abaj ri e i yacom, mawi qui wuq'uiaj tak na iwe ri u wa'l uva ri quebel chque ri ticbal tak uva ri e i ticom.