Aj Levitib 26:1 - Quiché Bible

¹ “Mebiban tak i diosib mawi tak wächbal; mebiwalajisaj tastalicalaj tak abaj ri quetzoq'uic; mebimej tak iwib chquiwäch, in c'u ri' ri Ajawaxel ri i Dios.

Aj Levitib 26:1 Referans Kwoze

Aj Levitib 19:4

Mat cojon chque tak ri diosib, xukuje' mebiban i diosib re ch'ich' ri e suc'umam pa k'ak'. In ri' ri Ajawaxel ri i Dios.

U Camulixic ri Pixab 27:15

‘C'okotajinak ri winak ri cuban jun u dios o jun wächbal re ch'ich' ri jarisam pa k'ak' ri cäban rumal jun k'olol dios, cuya' c'u pa jun c'olbal ri c'utalic, xawebal wa' che ri Ajawaxel.’ Conojel ri tinimit cäquibij na: ‘Je chelok.’

Ajilanic 33:52

chebiwesaj bic conojel ri winak ri e c'o chupam ri ulew, chebipaxij conojel tak ri wächbal ri e c'o cuc' re abaj re porom ch'ich', chebikasaj conojel tak ri e qui k'ijilabal ri e c'o paquiwi' tak ri juyub.

Elem 23:24

Matakej u banic awech ri caquiban we tinimit ri'. Matxuqui chquiwäch tak ri e qui diosib, mawi mebak'ijilaj; xane' chasacha' qui wäch ri qui diosib xukuje' tak ri tastalic tak abaj.

Elem 20:23

Mebiban diosib re sak puak o re k'an puak rech quebik'ijilaj jacha' ri quiban chwe in.

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

Hechos 17:29

Uj rija'l ri Dios, mäkachomaj ba' chi ri Dios xa' ta junam ruc' k'an puak, o sak puak, o abaj. Mäkachomaj chi ri Dios xa jun wächbal ri xena'w ri winak che u banic ruc' ri u chomanic ri qui jolom.

Elem 34:17

Mawi jumul mebiban ix i diosib re tzacom ch'ich'.”

Ri Isaiy 2:20

Pa ri k'ijol ri' ri winak quebuq'uiaka' na ri e u diosib chquiwäch tak ri ch'o xukuje' chquiwäch tak ri sotz', ri diosib ri e re k'an puak xukuje' e re sak puak, are' xebanowic che rech quebuk'ijilaj.

Salmib 97:7

Quemach'irisax canok ri quequik'ijilaj tak diosib, ri caquina' quib chi nimak qui banic cumal. ¡Conojel ri diosib caquipachba' quib chuwäch!

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Aj Levitib 25:55

E pataninel tak wech c'ut ri aj israelib, e pataninel tak wech ri xebenwesaj ulok pa Ejipt. In ri' ri Ajawaxel ri qui Dios.”

U Camulixic ri Pixab 5:6

‘In ri Ajawaxel ri a Dios ri xatesan ulok pa Ejipt, ri at uxinak wi lok'om pataninel.

Salmib 78:58

Xquiyac royowal cumal tak ri qui porobal ri quequik'ijilaj wi tak diosib; xequik'ijilaj tak ri diosib, xquiyac ri rachixomanic.

Aj Levitib 7:33

Ri ra' ri awaj re ri riquiak'ab, rech ri cojol tabal tok'ob ri cächi'n ri u xepoyil xukuje' ri u quiq'uel ri awaj re ri tabal tok'ob re utzirisan ib,

K'atal tak Tzij 18:30

Ri aj danib chila' xquiya' wi ri dios ri je'l u banic, che u k'ijilaxic, are c'u ri qui cojol tabal tok'ob are ri Jonatan, (ri u tat ri Jonatan are ri Jerson, ri u tat ri Jerson are' ri Moises). Chwi chi c'u wa' ri e rija'lil ri Jonatan e are' chic xebux qui cojol tabal tok'ob ri aj danib, c'ä xec'am na bic pa jun ulew chic.

Ucab Ajawinelab 17:8

xquitakej c'u qui banic quech ri e qui banoj ri nimak tak tinimit ri xerokix bic chquiwäch rumal ri Ajawaxel, xukuje' ri etzelal ri xequijekeba' tak ri ajawinelab re Israel.

Ucab Ajawinelab 17:10

Xukuje' xequitac'aba' tastalic tak abaj xukuje' ri e qui wächbal tak ri Asera paquiwi' tak ri juyub xukuje' tak ri che' ri e k'eku'm qui xak,

Ucab Ajawinelab 17:16

Xequitzak can conojel tak ri e u takomal ri Ajawaxel ri qui Dios, xequiban quieb alaj ama'ib tak wacax re k'an ch'ich' ruc' k'ak' xukuje' jun u wächbal ri Asera, che c'u u tz'akat xequik'ijilaj conojel ri ch'imil ri e c'o cho ri caj xukuje' ri Baal.