Aj Levitib 25:48 - Quiché Bible

⁴⁸ ya'tal che chi cälok' ri u tzokopitajic pune' u c'ayim chi rib. Cuya' cälok' rumal jun chque ri rachalal.

Aj Levitib 25:48 Referans Kwoze

Ri Nehemiy 5:5

“Ri e ka winakil tak xukuje' ri uj kachalal tak kib; ri e ka c'ojol man c'o ta jas caquijalbej ta quib coc' tak ri quech. Are c'u ri uj quekajach na tak ri e ka c'ojol xukuje' tak ri e ka mia'l pa ri patanijic. Kas c'u ne tzij, jujun chque ri e ka mia'l lok'om pataninelab chic, man c'o ta c'u jas ta cujcuin ta che u banic che quitoric, rumal rech chi ri e kulew xukuje' tak ri uva ri e ka ticom e c'o chic pa qui k'ab jule' tak winak chic.”

Ri Nehemiy 5:8

xinbij c'u chque: “Ri uj, ka banom ronojel ri uj cuininak che u banic, e ka torom tak ri e ka winakil aj judeyib ri e c'ayim chque tak ri winak ri man aj judeyib taj. ¿La are' chi c'u ri ix quebic'ayij chi bic jumul rech ri uj quebekator ta chi na?” We winak ri' man xech'aw taj, man caquich'ob ta c'ut jas ta ri caquitzelej ta u bixic.

Aj Levitib 25:35

We ri awachalal cämebayiric, cuto' c'u rib awuc', chaya' rokxanibal; jacha' ri caban che jun ri man awinakil taj ri xa cärokxanila' rib, cäjeki' na awuc'.

Aj Levitib 25:25

We cämebayir ri awachalal, cuc'ayij ta c'u jubik' ri rechbal, ri ratz o ri u chak' cuya' cutor ri u c'ayim.

Aj Levitib 25:47

We ri man awinakil taj ri jekel chupam ri awulew cux k'inom, are c'u ri awachalal ri c'o che u c'ulja cämebayiric, cuc'ayij ta c'u rib che ri man awinakil taj o che jun ta chic man awinakil taj;

Aj Levitib 25:49

Xukuje' cuya' cätor rumal jun rican o ri u c'ojol ri rican, o rumal jun apachique rachalaxic, ri kas c'o cux che, o we cacuinic cuya' cutor rib u tuquiel.

Ucab Ajawinelab 4:1

C'o jun ixok, ri xrixokelaj can jun chque ri k'axal tzij, xetzujun chuwäch ri Elisey, xubij che: “Ri wachajil cäminak, ri lal eta'm la chi nim xril wi ri Ajawaxel. Opaninak c'ut ri ya'l jalomal are c'u cäraj quebuc'am bic ri quieb wal che u lok'om pataninel.”