Aj Levitib 25:39 - Quiché Bible

³⁹ We cämebayir ri awachalal ri c'o awuc', cuc'ayij ta c'u rib chawe, maban che chi cäpatanijic jacha' jun lok'om pataninel.

Aj Levitib 25:39 Referans Kwoze

Elem 21:2

We calok' jun lok'om pataninel a wäch aj hebrey, wakib junab cäpatanij na, pa ri uwuk junab cätzokopitaj bic, man c'o ta cutoj can che ri u tzokopixic bic.

Nabe Ajawinelab 9:22

Man c'o ta c'u jun aj israel ri xucoj ta che lok'om pataninel, xane' ajch'ojab, e quinimal tak ajch'ojab, takanelab, quinimal jujun sient (100) ajch'ojab xukuje' takanelab paquiwi' tak ri carwaj re ch'o'j xukuje' e qui nimal tak ajquiejab.

Ri Nehemiy 5:5

“Ri e ka winakil tak xukuje' ri uj kachalal tak kib; ri e ka c'ojol man c'o ta jas caquijalbej ta quib coc' tak ri quech. Are c'u ri uj quekajach na tak ri e ka c'ojol xukuje' tak ri e ka mia'l pa ri patanijic. Kas c'u ne tzij, jujun chque ri e ka mia'l lok'om pataninelab chic, man c'o ta c'u jas ta cujcuin ta che u banic che quitoric, rumal rech chi ri e kulew xukuje' tak ri uva ri e ka ticom e c'o chic pa qui k'ab jule' tak winak chic.”

Ucab Ajawinelab 4:1

C'o jun ixok, ri xrixokelaj can jun chque ri k'axal tzij, xetzujun chuwäch ri Elisey, xubij che: “Ri wachajil cäminak, ri lal eta'm la chi nim xril wi ri Ajawaxel. Opaninak c'ut ri ya'l jalomal are c'u cäraj quebuc'am bic ri quieb wal che u lok'om pataninel.”

Aj Levitib 25:46

Cuya' quebiya' can che quechbal ri e i c'ojol aretak quixcämic; jacha' jun echbal re chbe k'ij sak; are c'u tak ri e iwachalal aj israelib, mixtakan paquiwi' ruc' c'anal.

Ri Jeremiy 34:14

chi chuwukutak junab chequitzokopij apachique aj hebrey ri u c'ayim rib cuc' ri e u patanim chic wakib junab. E are' tak c'ut ri e i mam man xquiya' ta qui xiquin chwe mawi xeniman ta chwe.

Ri Jeremiy 30:8

In, ri Ajawaxel ri c'o ronojel u cuinem, quinjiquiba' u bixic: Quinto'tajisaj na ri nu tinimit chuxe' ri eka'bal re ri lok'om pa tanibal, man cux ta chi c'u na lok'om pataninel cuc' ri man e u winakil taj.

Ri Jeremiy 27:7

Conojel ri nimak tak tinimit quec'oji' na chuxe' ri u takanic ri are', ri u c'ojol, ri ri' u mam, c'ä copan c'u na ri k'ij aretak ri u nimak tak tinimit cac'oji' na chquixe' ri qui takanic nimak tak tinimit xukuje' tak ajawinelab ri e c'o tak qui cuinem.

Ri Jeremiy 25:14

Nimak tak tinimit xukuje' tak ajawinelab ri c'o sibalaj qui cuinem quech'äcan na paquiwi' xukuje'. Je rajil ri qui q'uexelal ri qui banoj wa' ri takalic ri quinya' na chque.’ ”

Elem 22:3

We c'u ne sak chic aretak xcämisaxic, ri u cämical cächomaxic chi are jun cämisanic. Are c'u ri queläk'ic cutoj na ri rajil ri reläk'am we man c'o ta cuma' wi ri cutojbej rech, cäc'ayix ri are' che u tojic ri rajil ri reläk'am.

Elem 1:14

Sibalaj c'u xban c'ax che ri qui c'aslemal cuc' c'axalaj tak chac. Xetak che u banic xok'ol che u banic xan, xukuje' che qui banic ronojel u wäch chac pa ri juyub. Pa conojel c'u ri chac ri cäquibano cäcoj c'anal paquiwi',

Ri Matey 18:25

Rumal c'u rech chi man c'o ta cutojbej rech, xtakan ri rajaw che qui c'ayixic rachil ri rixokil xukuje' ri e ralc'ual. Xukuje' xtakan che qui c'ayixic conojel ri jastak ri c'o ruc', cutojbej c'u re ri u c'as.

Ucab Tzijobelil 28:10

I chomam c'ut qui cojic ri winak aj Juda xukuje' ri aj Jerusalen che i pataninelab lok'om, chi achijab chi ixokib. ¿La are ta c'u pa i c'u'x ix chi man ix macuninak ta chuwäch ri Ajawaxel ri i Dios?

Ri Jeremiy 34:8

Ri Ajawaxel xutzijobej ri Jeremiy, aretak ri ajawinel Sedequiy u banom chic jun c'ulwächinic cuc' ri winak ri e c'o pa Jerusalen rech quequitzokopila' ri e qui lok'om tak pataninelab.

Ri Jeremiy 34:9

Ri c'ulwächinic je cubij wa' chi ri e c'o lok'om tak qui pataninel achijab o ixokib chequitzokopila', rech ma ta c'o jun c'o ta che lok'om pataninel jun u winakil aj judey.