Aj Levitib 23:8 - Quiché Bible

⁸ Pa ri wukub k'ij rajawaxic quebiporoj sipanic che ri Ajawaxel, pa ri uwuk k'ij quiwoc'owisaj jun tastalicalaj mulin ib. Man c'o ta jun u wäch chac qui bano.”

Aj Levitib 23:8 Referans Kwoze

Elem 12:16

Ri nabe k'ij jacha' xukuje' ri uwuk rajawaxic quebicoj che jun tastalic mulin ib. Pa tak ri k'ij ri' man c'o ta chac cabanic, we man xuwi ri u suc'umaxic ri wa ri cutij ri winak.

Aj Levitib 23:7

Pa ri nabe k'ij quiwoc'owisaj jun tastalicalaj mulin ib. Miban jun chac re patanijic.

Aj Levitib 23:9

Ri Ajawaxel xutzijobej ri Moises, xubij c'u che:

U Camulixic ri Pixab 16:8

Wakib k'ij c'ut quitij ri caxlanwa ri man caya' ta ch'am ruc', pa ri uwuk k'ij quiban jun mulin ib ri nim u banic che u ya'ic u k'ij ri Ajawaxel ri i Dios; pa ri k'ij ri' man c'o ta jun u wäch chac quibano.

Ri Ezequiel 45:23

chquijujunal c'ut ri wukub k'ij ri cäbeytaj ri nimak'ij quebuchacaba' na wukub alaj tak ama'ib wacax xukuje' wukub chij conojel ma ta c'o jun qui yab, che tabal tok'ob ri cächajirisax che ri Ajawaxel. Cuchi'j chi c'u na k'ij chk'ij jun q'uisic' jacha' che tabal tok'ob ri cäya'ic rumal rech ri macaj.

Elem 13:6

Wukub k'ij quitij caxlanwa ri man caya' ta ch'am ruc', pa ri uwuk k'ij quiban na nimak'ij che u ya'ic u k'ij ri Ajawaxel.

Ajilanic 28:18

Chupam ri nabe k'ij re ri wukub k'ij cäban jun nimak'ij tastalicalaj mulin ib. Chupam ri k'ij ri' ri ix man c'o ta jun u wäch jun chac qui bano.

Ajilanic 28:25

Chupam ri uwuk k'ij xukuje' quiban tastalicalaj mulin ib. Chupam ri k'ij ri' man c'o ta jun u wäch jun chac quibano.”

Ajilanic 28:26

“Chupam ri nimak'ij quech ri nabe tak wächinic, aretak quechi'x tak che ri Ajawaxel ri c'äj tak re jun c'ac' wächinic, ri u bixic, pa ri nimak'ij quech ri wukutak tak k'ij, quiban xukuje' jun tastalicalaj mulin ib. Chupam ri k'ij ri' man c'o ta jun u wäch jun chac qui bano.