Aj Levitib 23:2 - Quiché Bible

² “Chabij chque ri aj israelib, ri quinbij chawe: E are tak k'ijol wa' ri nimak qui k'ij ri quebiya' che ri Ajawaxel, ri quebicoj na tastalicalaj tak mulin ib che qui bi'.

Aj Levitib 23:2 Referans Kwoze

Aj Levitib 23:37

Are tak nimak'ij wa' ri quiwoc'owisaj chuwäch ri Ajawaxel, ri quiban tastalicalaj tak mulin ib che u chi'xic sipanic ri cänicowisax chuwäch ri Ajawaxel, tabal tok'ob ri cächajirisaxic, sipanic, quech tak c'äj, tabal tak tok'ob xukuje' tak sipanic re ri u wa'l uva, pa ri k'ij ri ya'tal qui cojic,

Aj Levitib 23:4

E are' tak rajilabal k'ij wa' ri nimak qui k'ij che coc'owisaxic ri tastalicalaj tak mulin ib che u ya'ic u k'ij ri Ajawaxel, e are c'u tak k'ij wa' ri rajawaxic qui mulij iwib:

Ri Joel 2:15

¡Chiwok'esaj ri trompet pa ri juyub Sion! Chisiq'uij ri tinimit chixtakenok chi man catij ta wa;

Ri Osey 2:11

Quinq'uis na tzij puwi' ri u jajatem, ri e u nimak'ij tak xukuje' ri c'ac' tak ic', xukuje' tak ri e u k'ij re uxlanem xukuje' conojel tak ri e u nimak'ijanic.

Salmib 81:3

Chiwok'esaj trompet aretak cäpe ri c'ac' ic', xukuje' aretak cänoj ri ic', are c'u u k'ijol ri nimalaj ka nimak'ij.

Ajilanic 29:39

E are tak tabal tok'ob wa' ri rajawaxic quebiban che ri Ajawaxel pa tak ri k'ij ri e ch'icom, e c'o c'u wi na ri' tak ri qui sipanic che u tz'akatisaxic jun chi'nic o jacha' ne jun sipanic pa ech wi, we e tz'onobal tok'ob ri quechajirisaxic o sipanic que c'äj rachil u wa'l uva, o tabal tok'ob re utzirisan ib.”

Ajilanic 10:10

Chebiwok'isaj ri trompet pa tak ri k'ij re quicotemal, jacha' pa tak ri k'ij re nimak'ij o re c'ac' ic', aretak quebichi'j tabal tak tok'ob ri quechajirisaxic xukuje' tabal tak tok'ob re utzirisan ib. Jeri' ri in quixnataj na chwe. In ri' ri Ajawaxel ri i Dios.”

Ri Xuan 5:1

Aretak bantajinak we jastak ri', petinak jun qui nimak'ij ri aj judeyib. Xpaki' c'u ri Jesus pa Jerusalen.

Ri Nahum 1:15

¡Chiwila'! ¡Petinak chic paquiwi' tak ri juyub ri ya'l takquil ri ruc'am ulok tzijol re jamaril! Chebawoc'owisaj tak ri e a nimak'ij Juda; chebatz'akatisaj tak ri chi'nic ri e a banom. Mawi ta chi c'u jumul catkaj ta chi na pa qui k'ab ri e banal tak etzelal; sachinak qui wäch chnimalaj conojel.

Ri Joel 1:14

Chisiq'uij ri tinimit co c'u chiraka' i chi' che u bixic chi chyok ib pa numic; chebimulij chupam ri rachoch ri Ajawaxel ri nimak tak tatayib xukuje' conojel ri winak ri e c'o pa ri ulew, chisiq'uij ri Ajawaxel.

Juyuwem 1:4

¡Sibalaj e bisobal tak ri be ri quebe pa Sion! ¡Man c'o ta jachin ta jun ri cäpe ta pa tak ri nimak'ij! Ri e oquibal tak pa ri tinimit e tolonic, ri e cojol tabal tok'ob quebok'ic, ri c'ojolab quech'ibatajic ri Jerusalen c'o pa tak c'ayil.

Ri Isaiy 33:20

Chiwila' ri Sion, ri cäkoc'owisaj wi tak ri ka nimak'ij; chaca'yej apan ri Jerusalen, tinimit ri man c'o ta jachin ta cäslabisanic cux na jacha' jun kajebal ri co jekelic, ri man quebokbob ta tak ri e u ch'ic, mawi quet'okopin ri colob ri taninem rech.

Ucab Tzijobelil 30:5

xquiya' c'u qui tzij chi chyok u bixic pa ronojel Israel, kas pa Beerseb c'ä pa Dan, xesiq'uixic rech quepe pa Jerusalen che roc'owisaxic ri nimak'ij re ri Roc'owem ri Ajawaxel, ri u Dios ri Israel. U mac rech chi ri nabe man e q'ui taj ri winak e xebopan che roc'owisaxic ri nimak'ij, jacha' ri tz'ibatalic ri cäban che roc'owisaxic ri nimak'ij.

Ucab Ajawinelab 10:20

rumal ri' xuya' takanic chi cäban jun nimalaj nimak'ij che ri Baal, je c'u xbanic.

Aj Levitib 23:44

Jewa' xuban ri Moises che qui tzijobexic ri aj israelib chrij ri coc'owisaxic ri nimak tak nimak'ij chuwäch ri Ajawaxel.”

Aj Levitib 23:21

Quiban jun tastalicalaj mulin ib che roc'owisaxic we k'ij ri', man c'o ta jun chac re patanijic quibano. Jun pixab wa' ri caquitz'akatisaj ri tataxelab xukuje' ri c'ojolaxelab apawije' ta ne ri quixjeki' wi.

Elem 32:5

Aretak ri Aaron xril wa', xuwoc jun porobal chuwäch ri alaj ama' wacax, xuchap u rakic u chi', xubij: “Chwek cäkaban jun nimak'ij che u ya'ic u k'ij ri Ajawaxel.”

Colosenses 2:1

Quinwaj c'ut chi quiwetamaj chi sibalaj cätajin quintij nu k'ij che i to'ic, xukuje' ri e aj laodiseyib xukuje' che quito'ic conojel ri man in quilom taj chiwinakil.

Colosenses 2:16

C'o ba jun mäk'atow tzij piwi' chquij ri jastak ri quitijo o ri quiwuq'uiaj, o chquij jastak re nimak'ij, o re ri c'ac' ic', o quech tak k'ij re uxlanem.

Aj Levitib 23:1

Ri Ajawaxel xutzijobej ri Moises, xubij che:

Nabe Tzijobelil 23:31

xukuje' aretak quechi'x tak ri tabal tok'ob ri quechajirisax chuwäch ri Ajawaxel pa tak ri k'ij re uxlanem, pa tak ri nimak'ij re ri c'ac' ic' xukuje' pa tak ri nimak'ij ri nimak tak na qui banic, amak'el quepatanij chuwäch ri Ajawaxel je jas ri cajilabal ri c'utum che qui banic wa'.

Ri Ezequiel 44:24

Aretak e c'o ch'o'j rajawaxic e are' quebux k'atal tak tzij, quek'atan c'u na tzij je jas ri cubij ri nu pixab. Quequitz'akatisaj na conojel tak ri nu pixab xukuje' tak ri nu tijonic chque conojel tak ri nu nimak'ij, nim c'u chequila' wi tak ri nu k'ij re uxlanem.

Ucab Tzijobelil 2:3

Ri Salomon xutak c'u na u bixic che ri Hiram, ajawinel re Tir: “Je' bana' la chwe jas ri xban la che ri David, ri nu tat, ri xebetak la ulok tak che' re chacalte' che, rech cuyac jun rachoch ri cac'oji' wi.

Ri Esdras 3:5

je jacha' ri tabal tok'ob ri quechajirisaxic ri queya' ronojel k'ij xukuje' ri queya' pa ri c'ac' ic', ri queya' pa tak ri u nimak'ij ri Ajawaxel ri e tastalic, xukuje' ri quequichi'j jachin tak pa que wi che ri Ajawaxel.