Aj Levitib 20:24 - Quiché Bible

²⁴ Quinchi'j chiwe: Chi ix quixechben na ri culew we winak ri'; quinjach na pa i k'ab rech cäcanaj che iwechbal, ulew wa' ri cabelel wi leche xukuje' juyubal räx cab jacha' ri ja'. In ri' ri Ajawaxel ri i Dios, ri in banowinak chiwe chi man ix junam ta cuc' ri niq'uiaj chic tinimit.

Aj Levitib 20:24 Referans Kwoze

U Camulixic ri Pixab 14:2

Ix c'u jun tinimit ri ix tastajinak che u ternexic ri Ajawaxel ri i Dios, are' ix chowinak chquixo'l conojel tak ri tinimit cho ri uwächulew rech ix ri tinimit ri quixux rech.”

U Camulixic ri Pixab 7:6

Rumal rech chi ri ix ix jun tinimit ri ix tastalic che u patanixic ri Ajawaxel; ri i Dios ix u cha'om chquixo'l conojel tak ri tinimit cho ri uwächulew, rech quixux jun tinimit ri nim u k'ij chuwäch.”

Elem 6:8

Quixinc'am na bic pa ri ulew ri xinbij chi quinya' che ri Abraham, ri Isaac xukuje' ri Jacob, quinya' c'u na chiwe che iwechbal. In ri' ri Ajawaxel.”

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Aj Levitib 20:26

Ri ix rajawaxic quixux tastalic chwe, in c'ut ri Ajawaxel, in tastalic, man quinban ta etzelal, in c'ut nu banom chiwe chi man ix ta junam cuc' ri niq'uiaj chic tinimit rech quixux wech.

Elem 33:16

We c'u ri lal, man cujachilaj ta la bic, ¿jas ta c'u ri cäban che retamaxic chi ri tinimit la xukuje' ri in uj lok' chwäch la? Xuwi c'u we lal c'o kuc', ri tinimit la xukuje' ri in, cujk'alajinic chi man uj ta junam cuc' conojel ri niq'uiaj tinimit chic ri e c'o cho ri uwächulew.”

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

Nabe Ajawinelab 8:53

Rumal rech chi lal Ajawaxel, xtas la jacha' echbal la chquixo'l conojel tak ri tinimit cho ri uwächulew, je jas ri xbij la rumal ri pataninel ech la ri Moises, aretak xebesaj la ulok ri e ka mam pa Ejipt.”

Ajilanic 23:9

Kas paquiwi' we nimalaj tak abaj ri' quincuinic quinwilo, kas paquiwi' we u tza'm tak juyub ri' quinwil wi: are jun tinimit ri man u yujum ta rib, ri man cäjunamataj ta cuc' ri jule' tak tinimit chic.

Elem 33:3

Jix pa ri ulew jawije' ri cabelel wi leche xukuje' juyubal räx cab jacha' ri ja'. Man quinbe ta c'u chixo'l, mäc'ulmataj ne chi quinsach i wäch pa ri be, ri ix c'ut ix winak ri sibalaj ix tac.”

Elem 13:5

chupam c'u we ic' ri' rajawaxic coc'owisax ri nimak'ij re ri Oc'owem, aretak ix u cojom chic ri Ajawaxel pa ri ulew ri cabelel wi ri leche xukuje' juyubal räx cab jacha' ri ja', are wa' ri culew ri aj cananeyib, ri aj hititib, ri aj amoreyib, ri aj hebeyib, ri aj jebuseyib, ri xuchi'j chque ri e i mam chi cuya' chiwe.

2 Corintios 6:17

Rumal ri' xukuje' cubij ri Ajawaxel: “Chixel chquixo'l, chitasa' iwib chquij, minak jun jasach tz'il. Ri in c'ut quixinc'am na,

Ri Xuan 15:19

“We ta ix aj uwächulew, ri winak aj uwächulew queraj ta ri' ri e rech. Man ix ta c'u aj uwächulew, xane' ix nu cha'om chquixo'l ri aj uwächulew. Rumal ri' ri winak re ri uwächulew cäquetzelaj i wäch.

Elem 33:1

Ri Ajawaxel xubij che ri Moises: “Jät, chatel bic waral, chebac'ama' bic ri winak ri xebawesaj ulok pa Ejipt. Jix pa ri ulew ri xinbij chi quinya' che ri Abraham, ri Isaac, ri Jacob, xukuje' chque ri qui' tak qui mam.

Aj Levitib 14:34

“Aretak ix c'o chic pa ri ulew Canaan ri quinjach na pa i k'ab, quintak c'u bic jun yabil re chuwilaj ch'a'c puwi' jun chque ri ja ri c'o pa ri iwulew,