Aj Levitib 2:16 - Quiché Bible

¹⁶ Ri cojol tabal tok'ob cunicowisaj na jubik' k'ichom trico xukuje' jubik' aseit, carachilaj ronojel ri c'oc'alaj k'ol, cux c'u na jun sipanic re natanic porom che u ya'ic u k'ij ri Ajawaxel.”

Aj Levitib 2:16 Referans Kwoze

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

Ri Isaiy 61:1

Ri Ruxlabal ri Ajawaxel c'o panuwi', in u tasom c'ut ri Ajawaxel in u takom che u ya'ic utzalaj tak tzijol chque ri mebayib, che qui to'ic ri qui rikom c'ax, che u ya'ic tzijol che u bixic chque ri e ximaxoj cuc' tikom ch'ich' chi e torotajinak chic, che quitoric ri e c'o pa che';

Salmib 141:2

Ri nu ch'awem uc' la je chuxok jacha' ri c'oc'alaj k'ol chwäch la, e yactal c'ut ri e nu k'ab, jacha' sipanic rech benak k'ij.

Aj Levitib 2:12

Cuya' quic'am ulok ri ch'am ri juyubal räx cab che ri Ajawaxel jacha' che sipanic che ri nabe tak wächinic, man c'u quebichi'j ta puwi' ri porobal jacha' che c'oc'al ri cac'oc'atic.

Aj Levitib 2:9

Chila' ri cojol tabal tok'ob cuc'am na jubik' che ri sipanic cunicowisaj puwi' ri porobal jacha' sipanic ri canicowisaxic re natanic, re c'oc'al ri cäkaj chuwäch ri Ajawaxel.

Aj Levitib 2:14

We caya' jun sipanic che ri Ajawaxel quech c'äj quech ri nabe tak u wächinic ri awulew, rajawaxic e u jolom tak trico ri e chaki'j chic q'uilim puwi' ri k'ak' ri xukuje' e c'ac' u jolom tak trico k'ichom ri awesam che ri nabe tak u wächinic ri awulew.

Aj Levitib 2:15

Rajawaxic caya' aseit xukuje' ri c'oc'alaj k'ol puwi' ri a sipanic, sipanic c'u wa' re c'äj.

Aj Levitib 1:9

Ri cäjachow ri tabal tok'ob ri cächajirisaxic, rajawaxic quebuch'aj ri ixco'l, xukuje' ri e ra' ri awaj ruc' ja'; ronojel c'ut cuporoj ri cojol tabal tok'ob puwi' ri porobal jacha' sipanic ri caporoxic ri cäc'oc'atic, ri cäkaj chuwäch ri Ajawaxel.