Aj Levitib 19:7 - Quiché Bible

⁷ We cätij ri sipanic churox k'ij, cux na muluwibal c'uxaj, ri Dios man cuc'amowaj ta na;

Aj Levitib 19:7 Referans Kwoze

Ri Jeremiy 16:18

Nabe quinban na chque chi quequicamulij qui tojic tak ri quetzelal xukuje' tak ri qui mac, rumal rech chi xquitz'iloj ri wulew cuc' tak ri xawebalalaj cäminak tak e qui diosib, pa ronojel c'ut ri ulew ri xinya' chque jacha' che quechal xequiban jastak ri itzel quebenwilo.”

Ri Isaiy 66:3

E c'o c'u jujun ri cäquipil jun ama' wacax, xukuje' cäquicämisaj c'u jun achi; cäquitok' u kul jun chij, xukuje' cäquik'ajisaj rij u wi' jun tz'i'; quequichi'j c'äj xukuje' ri u quiq'uel jun ak cäquiporoj c'oc' k'ol cäquik'ijilaj c'u jun dios. Chque ri xequicha' qui banic we itzel tak nak'atisabal ri', cäkaj ri qui banic ronojel wa' chquiwäch.

Ri Isaiy 65:4

ri cät'uyi xo'l tak ri mukubal, queroc'owisaj tak ri ak'ab chquixo'l tak ri mukubal ri cutij ti'j ak quebunojisaj c'u tak ri e u t'uy chque tz'ilalaj tak calto.

Ri Isaiy 1:13

Mic'am chi ulok sipanic chnuwäch ri man c'o ta qui patan, man quinch'ij ta ri qui sibal. Ri ix quisiq'uij ri tinimit che u ya'ic u k'ij ri c'ac' ic' xukuje' ri k'ij re uxlanem, ri in man quincoch' ta ri qui nimak'ij ri winak quequiban c'u etzelal.

Aj Levitib 22:25

Mawi mebic'am we awaj tak ri' pa qui k'ab ri man e i winakil taj, che u chi'xic jacha' ta ne che k'obibal che ri i Dios, e awaj wa' ri c'o qui yab, man quec'amar ta wa' chque.”

Aj Levitib 22:23

Jacha' che sipanic ri xak pa ech wi cuya' cächi'j jun ama' wacax o jun ama' chij pune' cutucak cakan, we c'u che u tz'akatisaxic jun chi'nic man cäc'amar ta na.

Aj Levitib 19:6

Ri awaj ri qui c'am ulok che tabal tok'ob rajawaxic chi kas pa ri k'ij catijic, xukuje' cuya' cätij chucab k'ij, are c'u ri cäto'taj can che ri urox k'ij rajawaxic caporoxic.

Aj Levitib 19:8

ri cätijowic cäkaj ri etzelal puwi' quesax c'u na pa ri u tinimit u mac rech chi xrawasij ri tastal che ri Ajawaxel.