Aj Levitib 19:26 - Quiché Bible

²⁶ Mitij jun ti'j ri c'o quic' che. Mitijoj iwib che ch'obonic. Miban subunic che u k'alajisaxic ri c'ä maja' cäc'ulmatajic.

Aj Levitib 19:26 Referans Kwoze

Ucab Ajawinelab 17:17

Xquibano chi xeporox tak ri e qui c'ojol xukuje' tak ri e qui mia'l pa ri k'ak' che tabal tak tok'ob, xequiban tak ch'obonic xukuje' k'ijinic, xquijach quib che u banic ri etzelal chuwäch ri Ajawaxel, je c'u xquiban wa' che u yaquic ri royowal.

Ucab Tzijobelil 33:6

Xebuporoj c'u ne tak ri e u c'ojol che tabal tok'ob pa ri beya' re Ben-hinom, xuchacuj rech ri qui ch'abexic tak ri itzel tak uxlabal ri u banic ch'obonic xukuje' ri subunic, xujekeba' ri aj itzel uxlabal xukuje' ri itzinic. Sibalaj e itzel tak ri e u banoj chuwäch ri Ajawaxel, ri xuq'uis retzelaxic rib chuwäch.

Ucab Ajawinelab 21:6

Xak c'u u wi' chic xebuporoj ri u c'ojol che tabal tak tok'ob, xebusiq'uij tak ri uxlabal xebuban c'u ch'obonic, xujekeba' ri u ya'ic qui k'ij tak ri uxlabal xukuje' ri itzinic. Ri e u banoj ri xebubano man utz ta xeril ri Ajawaxel, xuq'uis c'u retzelaxic rib chuwäch.

U Camulixic ri Pixab 12:23

Mawi c'u jubik' mitij ri quic', are c'u c'aslemal ri quic'; mitij ba ri c'aslemal junam ruc' ri ti'j,

Aj Levitib 7:26

Apawije' ta ne ri ix jekel wi, c'o jubik' qui quiq'uel ri chicop ri c'o u xic' mitijo, mawi qui quiq'uel tak awaj.

Aj Levitib 3:17

Pixab wa' ri kas xa jumul cäjeki'c canok quebel cuc' ri tataxelab cäk'ax cuc' ri alc'ualaxelab, apawije' ta ne ri ix jekel wi: c'o jubik' xepo mitijo mawi quic'.”

Ri Jeremiy 10:2

Ri Ajawaxel cubij: “Mitakej qui banic ri caquiban ri jule' nimak tak tinimit chic mawi mixe'j tak iwib chque tak ri etal cho ri caj, jacha' ri caquiban we nimak tak tinimit ri'.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Daniel 2:10

Ri ajno'jab xquitzelej u bixic: “Man c'o ta jun cho ri uwächulew ri cäcuin ta che u bixic ri cutz'onoj, ri Ajawinel. Xukuje' mawi jumul c'o ta jun ajawinel pune' ta ne sibalaj nim u k'ij xukuje' nim ta u chuk'ab c'olinak, u tz'onon ta jun c'axalaj jasach che jun ajk'ij, mawi che jun ch'obonel, mawi che jun ajno'j.

Nabe Samuel 15:23

Sibalaj cämacun ri man cäniman ta che jacha' ri cuban ch'obonic; cäjunamataj ruc' ri quebuk'ijilaj tak diosib, are je u banic wa' ri man cäniman ta che. Rumal c'u rech chi e apakchi'm ri e u takanic are c'u ri are at u pakchi'm jacha' ajawinel.”

Elem 8:7

Xukuje' c'u ne ri ajk'ijab junam xquiban rumal ri qui nawinic che qui banic tak itzinic, xequic'am ulok xtutz' puwi' ri rulewal ri Ejipt.

Elem 7:11

Xtakan c'u ri ajawinel che qui siq'uixic ri e u ch'obonelab xukuje' ri rajk'ijab, xquiban c'u que ri mayibal ruc' ri qui tzibal:

Hechos 15:20

Cubana' chi ka tz'ibaj bic chque chi chquitasa' quib maquinak apachique jasach awasim cumal ri diosib, chi man cäquiban ta macunic cuc' achijab ixokib, mequitij qui ti'jal awaj ri e jitz'itajinak, o ri e jik'inak, mawi quic'.

Chapletajic 9:4

C'o c'u jun jasach ri man cuya' taj quitijo: ri ti'j rachil ri u quiq'uel, chupam c'ut ri quic' c'o wi ri c'aslemal.

Chapletajic 44:5

ri cuq'uian wi ri wajaw, ri xukuje' cäch'obon wi? Sibalaj man utz taj ri xibano.’ ”

Aj Levitib 19:25

Aretak cätz'akat job junab cuya' chic quitij ri qui wäch. Xa jeri' ri che' sibalaj quewächin na. In ri' ri Ajawaxel.

U Camulixic ri Pixab 12:16

Mitij c'u ri u quiq'uel, xa chijamij pa ulew jacha' ja'.

U Camulixic ri Pixab 15:23

Mitij ri u quiq'uel, xa chi jamij puwi' ri ulew jacha' ja'.”

Nabe Samuel 14:32

xquiq'uiak c'u quib puwi' ri quesan chque ri c'ulel, xequic'am c'u chij, ati'tab tak wacax xukuje' alaj tak ama'ib tak wacax, xequitok'ola qui kul cho ri ulew xquitij ronojel ri ti'j ruc' quic'.

Nabe Samuel 14:33

E c'o c'u jujun xequibij che ri Saul: “Ri winak cätajin quemacun chuwäch ri Ajawaxel, cätajin c'u cäquitij ti'j rachil ri u quiq'uel.” Xubij c'u ri Saul: “Ri ix man kas ta ix jic. Chiwolkotij ulok jun nimalaj abaj c'ä waral.