Aj Levitib 19:17 - Quiché Bible

¹⁷ Mac'u ri retzelaxic u wäch ri awachalal chupam ri awanima'. Chak'ila' ri awajil a tz'akat aretak rajawaxic u k'ilic. Mach'uk u wi' ri mac ri cubano.

Aj Levitib 19:17 Referans Kwoze

1 Juan 2:9

Apachin ri cubij chi c'o pa ri sakil, we c'u ne cäretzelaj u wäch ri rachalal, c'ä c'o ri' pa ri k'eku'm.

Ri Lucax 17:3

Chichajij iwib. We ri awachalal camacunic, chapixbej. We cuq'uex c'u ri u c'u'x, chasacha' u mac.

1 Juan 2:11

Apachin c'u ri cäretzelaj u wäch ri rachalal, are ri' c'o pa ri k'eku'm, pa ri k'eku'm cäbin wi, man reta'm taj jawije' ri cäbe wi. Are c'u ri k'eku'm banowinak che chi man cäca'y taj.

Gálatas 6:1

Wachalalib, we c'o jun quiriko chi c'o pa jun mac, ix ri utz ri i c'aslemal aj Uxlabaxel, chito' ri je u banom wa' ruc' u ch'uch'ujil iwanima' rech cätzelej pa suq'uil. Chawila' awib, mattakchi'x ne at che mac xukuje'.

Efesios 5:11

Miban iwe ri jastak ri man c'o ta quechbex chque; ri cäquiban ri winak ri e c'o pa ri k'eku'm, xane' chebiya' chi sak.

Romanos 1:32

Queta'm chi c'ut ri u takanic ri Dios, chi conojel ri quebanow we jastak ri', takal chque chi quecämic. Pune' queta'm, cäquiban ri jastak ri'. Man xuwi ta cäquibano, xane' xukuje' utz cäquilo aretak niq'uiaj winak chic cäquibano.

E C'ambal tak Tzij 9:8

We cäpixbej ri man cäraj ta ri no'j, cach'äc c'u na ri royowarem; chapixbej ri c'o u no'j, cach'äc c'u na ri u ya'ic a k'ij rumal.

Ri Tit 2:15

Chatzijoj we jastak ri'. Chebapixbej ri winak, chak'alajisaj chquiwäch jas ri man utz taj ri cäquibano. Chabana' wa' ruc' ronojel takanic, c'o c'u jun metzelan a wäch.

Ri Tit 1:13

Ri xubij ri achi ri' are' ri kas tzij. Rumal wa' rajawaxic chi co quebe a pixbej, chebak'ila' rech kas tzij quecojonic, jicom ri canima'.

2 Timoteo 4:2

chak'alajisaj ri u tzij ri Dios aretak cuya' cätzijoxic xukuje' aretak man cuya' taj. Chatyajonak, chatk'ilonok xukuje' chaya' chuk'ab, chattijon ba' ruc' ronojel coch'onic.

1 Timoteo 5:22

Aretak caya' ri a k'ab puwi' jun ri coc che c'amal qui be ri cojonelab, maban wa' xak ruc' aninakil. Maban awe ri mac ri cuban jun chic. Chabana' ronojel rech ch'ajch'oj ri a c'aslemal.

1 Timoteo 5:20

Ri man cäquiya' ta can ri mac, chak'alajisaj ri qui mac chquiwäch conojel, rech xukuje' ri niq'uiaj chic cäquixe'j quib.

1 Corintios 5:2

Ri ix c'ut i nimarisam iwib. Ri are ta ne quixbisonic, iwesam ta c'u ne chixo'l ri xbanow we etzelal ri' chixo'l.

Salmib 141:5

Are jun tok'ob chwe chi ri winak tz'akatisanel pa ronojel cuc'äjisaj nu wäch, jun je'lalaj c'oc'al c'ut ri quink'ilowic. We jastak ri' man quebenpakchi'j taj; pune' quinquit'oco, quitakej na u banic ch'awem ruc' Dios.

Chapletajic 27:41

Kas chi' c'ut ri Esau xretzelaj u wäch ri Jacob, rumal ri tewichibal ri xya' che rumal ri u tat, xubij: “Xak pa quieb oxib k'ij, cäcäm ri nu tat, aretak c'u cäminak chic, quincämisaj ri Jacob ri nu chak'.”

Ucab Samuel 13:22

Ri Absalon, man c'o ta jas xuch'a' che ri Amnon xak ta pa re wi, caretzelaj c'u u wäch rumal rech chi xuban il che ri Tamar ri rana'b.

Ri Nehemiy 13:17

Xebenyaj c'ut ri c'ämal tak be aj Juda, je xinbij wa' chque: “¿Jas ri etzelal ri cätajin qui bano, chi qui wetzelaj ri k'ij re uxlanem?