Aj Levitib 19:13 - Quiché Bible

¹³ Macoj ri tokinic che ri awajil a tz'akat, mawi c'o mawelk'aj che. Mäcanaj na jun ak'ab awuc' ri tojbal re ri awajchac.

Aj Levitib 19:13 Referans Kwoze

Santiago 5:4

Chiwilampe', ri puak, ri man tz'akat taj ri i yo'm chque ri ajchaquib ri xeyicow qui wäch ri e iwulew. We puak ri' cätajin quixuc'okoj; are' c'u ri Ajawaxel ri c'o ronojel u cuinem u tom ri qui tzujunic we ajchaquib ri'.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Jeremiy 22:13

“¡Tok'ob a wäch, chi are xacoj ri etzelal xukuje' ri man suq'uilal taj che u yaquic ri awachoch xukuje' ri tac'atak tak awachoch aj ajawinel ri quebacoj wi ri winak pa tak chac man c'u c'o ta tojbal quech cayao!

E C'ambal tak Tzij 20:10

Pajbal tak xukuje' etabal tak k'ipom, e quieb jastak wa' ri quetzelax qui wäch rumal ri Ajawaxel.

Marcos 10:19

E aweta'm ri takomal:” “Matcämisanic. Matkaj pa mac ruc' jun winak chic. Mateläk'anic. Maban tzijtal chquij niq'uiaj winak chic. Mawesaj can jutak bik' che ri jastak que ri winak. Nim chebawila' wi ri a tat a nan.”

Ri Ezequiel 22:29

Ri e u winakil ri tinimit xuwi caquipatanij ri tokinic xukuje' ri eläk'; caquit'orij ri meba' xukuje' ri c'o u rajawaxic, quequiban tak tokinic xukuje' tak man suq'uilal taj cuc' ri man e qui winakil taj.

Ri Jeremiy 22:3

Chibana' ri suq'uilal chupam we c'olbal ri' xukuje' ri colomal, chito'tajisaj ri cat'orixic pa u k'ab ri t'orinel, misub ri man i winakil taj, ri minorib xukuje' ri malca'nib. Mebicämisaj winak ri man c'o ta qui mac.

Elem 22:21

Maban c'ax che ri rokxanim rib awuc', xa c'u xiwokxanij na iwib ix pa Ejipt.

Elem 22:15

we c'u c'o apan ri ajchak'e, man c'o ta cutojo'. We c'u tojom ri kajebal rech ri awaj, xuwi ri kajebal rech cutojo'.”

1 Tesalonicenses 4:6

C'o jun muban c'ax mawi musub ri rachalal pa we jasach ri'. Are' c'u ri Ajawaxel cätojow u q'uexel ronojel wa' che, jas ri ka bim chi ulok, jas ri xkak'alajisaj chiwäch.

Ri Lucax 3:13

Ri Xuan xubij chque: “Mitok'ij u wi' ri alcabal, xane' xuwi ri ix takom wi.”

E C'ambal tak Tzij 22:22

Mawoc'owisaj u wi' ri caban che ri meba' rumal rech chi meba', mawi mac'axc'obisaj ri man cäcuin taj cuto' rib, chquiwäch ri k'atal tak tzij.

Ri Job 31:39

We c'u ne c'o jachin jun e welek'am tak ri e u wächinic tak ri rulew, o we e nu t'orim tak ri quechacun pa tak ri juyub

Aj Levitib 6:3

o man cuk'alajisaj taj chi u rikom jun jasach ri tzakom canok; o rumal u bixic jun chi'nic ri kas cäban na re subunic (apachique we jastak ri' ri cämacun wi jun.)

Elem 22:13

We c'u xch'äkatix ri awaj rumal jun juyubal awaj, rech man c'o ta cutojo', rajawaxic cuc'ut ri u ch'äkapil ri cäminak awaj.

Ri Matey 20:8

Xk'ekal chic, ri rajaw ri tico'n re uva xubij che ri chajil que ri ajchaquib: ‘Chebasiq'uij ri ajchaquib, chajacha' ri tojbal que. Chebatojo' chachaplej cuc' ri xeboc chuq'uisbal.’

1 Timoteo 5:18

Are c'u ri Tz'ibatalic cubij: “Mach'uk ri u tza'm ri wacax ri cätajin cuban ri yak'oj.” Xukuje' cubij: “Takal che ri aj chac ri tojbal rech.”

Elem 20:15

Mat eläk'anic.

Elem 22:7

We c'o jun winak cärokxanej u rajil ruc' jun winak chic o jun jasach ri pakal rajil, we c'u quebeläk'ax we jastak ri' pa ri rachoch rumal jun eläk'om, we c'u cäriktaj ri eläk'om cucamulij u tojic ri xreläk'aj;

Ri Job 17:5

Caquicoch' na numic ri e qui c'ojol ri e jachin tak, ri rumal jun tojbal quequijach ri e cachil.

E C'ambal tak Tzij 3:28

Maya' can che re chwek ri to'banic ri catcuin che u banic camic.

Ri Ezequiel 18:7

man c'o ta jachin c'u c'axc'obisaj, xane' cutzelej che ri c'o u c'as ruc' ri u c'amom che kajebal; man c'o ta cäreläk'aj che jachin jun; cusiq'uij ri cänumic cuya' re ri u wa xukuje' cuya' ratz'iak ri ch'analic;

Ri Ezequiel 22:12

E c'o jujun a winakil caquic'ayij quib che qui cämisaxic ri cach tak winak. Caquiya' puak pa kajic rech caquic'am jalbal rech o cuch'äc ral, quequit'oro xukuje' caquiban tokinic chque tak ri cajil qui tz'akat, quinsach c'u pa qui jolom. In, ri Ajawaxel, quinjiquiba' u bixic.

Aj Levitib 25:14

Aretak c'o jas quic'ayij che ri iwajil i tz'akat, o c'o jas quilok' che ri iwajil i tz'akat, c'o jun musub ri rachalal.

Aj Levitib 25:17

C'o c'u jun musub ri rajil u tz'akat, xane' china' iwib chuwäch ri Dios; in c'u ri' ri Ajawaxel ri i Dios.

Ri Job 7:2

Ruc' jun lok'om pataninel ri quel u c'u'x che u rikic ri mumu'j, ruc' ri jun ajchac ri cacäm che reyexic ri tojbal rech.