Biblia Todo Logo
Bib sou entènèt

- Piblisite -




Aj Levitib 16:29 - Quiché Bible

29 Jun pixab wa' chiwe ri quitakej u banic: pa ri lajuj rajilabal ri uwuk ic', rajawaxic man quixwa' taj, xukuje' man c'o ta jun chac quibano, mawi ri man e i winakil taj ri e jekel chixo'l.

Gade chapit la Kopi




Aj Levitib 16:29
28 Referans Kwoze  

cäquibij c'ut: ‘¿Jas u patan man cujwataj we ri Dios man cäril taj? ¿Jas u patan cäkacämisaj kib, we ri Dios man cäril taj?’ Ri k'ij ri man cäban ta wa'im quicoj ix che u banic i ch'äcoj xukuje' che queläk'axic ri e iwajchaquib;


“Chupam ri ulajuj k'ij re ri kas uwuk ic', xukuje' ix quiban jun tastalicalaj mulin ib. Man quixwa' ta pa we k'ij ri', man c'o ta jun u wäch chac qui bano.


Xubij c'u chwe: ‘Maxe'j awib Daniel, kas c'u pa ri nabe k'ij chi' aretak xatzucuj qui ch'obic ri c'axalaj tak jastak, xpe c'u pa awanima' ri u mach'ic awib chuwäch ri a Dios, ri are' xutatabej ri bochi'nic ri xabano. Rumal ri' in petinak in.


¿La are pa i c'u'x chi ri man u tijic ta wa'im ri cäkaj chnuwäch are ri u c'axc'obisaxic iwib, ri u pachbaxic ri i jolom jacha' jun xic'ay, qui k'oyoba' c'u iwib i cojom wakwoj tak atz'iak puwi' ri chaj? ¿La are c'u wa' ri quibij ‘man u tijic ta wa'im’ che xukuje' ‘utzalaj k'ij che ri Ajawaxel’?


Aretak c'u queyawajic, in quebenbisoj, quincoj atz'iak re bis, man quinwa' taj, quintakej c'u ch'awem ruc' Dios pa wanima'.


Wukub k'ij quichi'j sipanic ri cänicowisax chuwäch ri Ajawaxel, chuwajxak k'ij quiban jun tastalicalaj mulin ib, xukuje' quichi'j sipanic ri cänicowisax chuwäch ri Ajawaxel; nimak'ij wa', miban jun chac re patanijic.


Quiban jun tastalicalaj mulin ib che roc'owisaxic we k'ij ri', man c'o ta jun chac re patanijic quibano. Jun pixab wa' ri caquitz'akatisaj ri tataxelab xukuje' ri c'ojolaxelab apawije' ta ne ri quixjeki' wi.


are c'u ri uwuk k'ij re uxlanem ri tasom che ri Ajawaxel ri a Dios. C'o jun chac maban chupam we k'ij ri', mawi ri a c'ojol mawi ri a mia'l, mawi ri a pataninel lok'om, achi o ixok, mawi tak ri e awawaj, mawi ri man a winakil taj ri jekel chupam ri a wachoch.


Apachin c'ut ri coc pa ri ruxlanem ri Dios, are' xukuje' uxlaninak che ri u chac, jas ri Dios xuxlan che ri rech.


We ta kas utzalaj u nic'oxic kib cakabano, ri Ajawaxel ma ta cuc'äjisaj na ka wäch ri',


Man xebentij ta je'lalaj tak wa ja', man xinna' ta u tijic ti'j mawi u wa'l uva, man c'o ta jun c'oc'al xincojo c'ä xeboc'ow na juwinak jun (21) k'ij.


“Nim chawila' wi ri k'ij re uxlanem mebaban ch'äcoj chupam ri tastalicalaj nu k'ij. Chach'obo' chi we k'ij ri' k'ij wa' re quicotemal, jacha' jun tastalicalaj k'ij che ri Ajawaxel ri takal u ya'ic u k'ij nim chawila' wi mebaban ri jastak awech pa we k'ij ri', mawi are catzucuj ri utz chawe at ri c'o cach'äc chquij.


aretak quinok'ic xukuje' man quinwa ta c'ut, caquitze'j nu wäch;


Aretak xurik ri uwuk ic', ri aj israelib e jekejoj chi c'ut chquipam ri kas qui tinimit, ronojel ri tinimit xumulij rib pa Jerusalen,


Pa ri k'ij re ri nimalaj nimak'ij, pa ri ic' Etanim, uwuk ic' c'u wa' rech ri junab, xquimulij quib ruc' ri ajawinel Salomon conojel ri aj israelib.


Wakib k'ij catchacun, are c'u ri uwuk k'ij; man ya'tal taj jun chac, are jun k'ij ri nim u banic re uxlanem c'o c'u na jun mulin ib. We k'ij ri cux na k'ij re uxlanem che u ya'ic u k'ij ri Ajawaxel.


We porobal ri' xa jumul jachom che ri Ajawaxel, ri Aaron xa jumul pa ri jun junab cuya' ri quic' re ri tabal tok'ob re sachbal mac paquiwi' ri ruc'a' ri porobal. Xa jumul pa ri jun junab, cäya' ri tabal tok'ob re sachbal mac puwi' we porobal ri'.”


Ri nabe k'ij jacha' xukuje' ri uwuk rajawaxic quebicoj che jun tastalic mulin ib. Pa tak ri k'ij ri' man c'o ta chac cabanic, we man xuwi ri u suc'umaxic ri wa ri cutij ri winak.


E oc'owinak chi c'u q'ui k'ij, xibibal chic ri binem puwi' ri plo, rumal rech chi cänakajin chic ri ic' re ri sak tew. Rumal wa', ri Pawl xebupixbej,


Ri k'ij re uxlanem jun tastalicalaj k'ij wa' chiwe, nim chiwila' wi, jachin c'u ri man nim ta cäril wi we k'ij ri', cäcämisaxic. Apachin ta ne ri cuban jun patanijic pa we k'ij ri', quesax ri u bi' chquixo'l ri u winakil.


Wakib k'ij cuya' cäban chac, are c'u ri uwuk k'ij, k'ij wa' re uxlanem che u ya'ic u k'ij ri Ajawaxel. Apachin c'u ri cächacun pa ri k'ij re uxlanem, cäcämisaxic.


Pixab wa' ri kas xa jumul cäjeki'c canok quebel cuc' ri tataxelab cäk'ax cuc' ri alc'ualaxelab, apawije' ta ne ri ix jekel wi: c'o jubik' xepo mitijo mawi quic'.”


Ri aj israelib xquimulij quib pa Mizpa, xquesaj c'u ja' chi' xquijamij c'ut jacha' sipanic chuwäch ri Ajawaxel. Chila', pa Mizpa ri Samuel xux wi c'amal qui be ri aj israelib.


Xinya' c'u u bixic chi man quewa' ta na jujun k'ij chunakaj ri nima' Ahab, che u k'alajisaxic chi uj macuninak chuwäch ri ka Dios, che c'u u tz'onoxic che chi colom chujuc'ama' bic xukuje' ri e kachalaxic xukuje' ri jastak ke.


Caban c'u na chi cok' ri trompet pa ri lajuj rajilabal ri uwuk ic', pa ri k'ij re sachbal macaj quiwok'isaj ri trompet pa ronojel ri iwulew.


Swiv nou:

Piblisite


Piblisite