Aj Levitib 16:13 - Quiché Bible

¹³ Cujopij ri k'ol puwi' ri k'ak' chuwäch ri Ajawaxel, are c'u ri u sibal ri c'oc'alaj k'ol cuch'uk ri u wi' ri tz'apibal ri c'o puwi' ri caxa' ri c'olotal wi ri pixab, we jewa' cuban ri Aaron man cäcäm taj.

Aj Levitib 16:13 Referans Kwoze

Elem 25:21

Chaya' ri tz'apibal puwi' ri caxa, chaya' c'u ri pixab chupam ri caxa ri quenya' chawe.

Elem 30:1

“Chabana' xukuje' jun porobal re q'uisis ri cäporox wi ri c'oc' k'ol.

Hebreos 9:24

Man xoc ta ri Crist pa ri k'ijilabal ri banom che qui k'ab ri winak, u wächbal ri kas k'ijilabal. Xane' xoc pa ri caj, camic c'ut cutac'aba' rib chuwäch ri Dios che ka q'uexwäch.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Ajilanic 16:46

xubij c'ut ri Moises che ri Aaron: “Chac'ama' ulok ri a bukibal, chaya' ri rachak k'ak' chupam ri c'o puwi' ri porobal chaya' c'u c'oc' k'ol chupam; jät c'u chanim jawije' c'o wi ri tinimit chatz'onoj c'u sachbal macaj che ri Dios paquiwi', nicowinak c'ut ri royowal ri Ajawaxel, ri cämisanel yabil chaptajinak.”

Ajilanic 16:18

Chquijujunal c'ut xquic'am ri qui bukibal, xquiya' c'u rachak k'ak' chupam xukuje' c'oc' k'ol xquicholajij c'u quib ruc' ri Moises xukuje' ri Aaron, chuwäch ri Lic'om Rachoch Dios re rikoj ib.

Ajilanic 16:7

chebiya' rachak k'ak' chquipam xukuje' c'oc' k'ol chebicholoba' c'u chuwäch ri Ajawaxel chwek. Ri achi ri cacha' rumal ri Ajawaxel, are wa' ri tastajinak che. ¡Chubana' wa' chiwe aj levitib!”

Aj Levitib 22:9

Chabij chque chi chquitz'akatisaj ri nu pixab ri tz'ibatalic rech man quekaj ta pa jun mac, rumal rech chi man queniman ta che, we je caquiban wa' man quecäm ta na. In ri' ri Ajawaxel ri e nu tasom che nu patanixic.

Elem 28:43

Cucoj c'u ri Aaron xukuje' ri e u c'ojol aretak queboc pa ri k'ijilabal, o aretak quekeb chunakaj ri porobal che ri patanijic pa ri Lic'om Rachoch Dios re rikoj ib, rech man c'o ta mac cäriktaj chquij ri quecäm ta rumal. Pixab wa' ri cäcanaj che ri are' xukuje' chque ri e u rija'lil.”

Ajilanic 4:15

Aretak ri Aaron e rachil tak ri e u c'ojol qui q'uisom chic qui pisic conojel ri tastalicalaj tak jastak, e suc'umatal chi c'ut che u takexic ri qui be, cuya' quepe ri e rija'lil ri Coat che qui telexic bic tak we jastak ri'. Mäquinak c'u jun tastalicalaj jasach ruc' ri qui k'ab, rech man quecäm taj. Conojel c'ut we jastak ri' ri e rech ri Lic'om Rachoch Dios re rikoj ib e are' tak wa' ri rajawaxic quequitelej bic ri e rija'lil ri Coat.

Ajilanic 4:20

Jeri' ri e are' man c'o ta jok'otaj queboc ta che qui ca'yexic ri tastalicalaj tak jastak mawi c'u ne quecäm ta na.”

U Camulixic ri Pixab 33:10

Caquitijoj ri Jacob, ri Israel, pa tak ri pixab la xukuje' tak ri pixab ri e tz'ibam; chquiya' puwi' ri porobal ri ech la, chwäch la, c'oc'alaj k'ol Xukuje' sipanic que awaj.