Aj Levitib 14:8 - Quiché Bible

⁸ Ri cäjosk'ixic rajawaxic quebuch'aj ri ratz'iak catinic, xukuje' cusocaj c'u ronojel ri rismal rech cäjosk'itajic. C'äte ri' cuya' coc pa ri kajebal, wukub k'ij c'ut cacanaj can cho ri räxk'ab.

Aj Levitib 14:8 Referans Kwoze

Aj Levitib 11:25

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u na tz'il c'ä coc na ri ak'ab.

1 Pedro 3:21

Are c'u ri ja' pa ri u k'ijol ri Noe are' cuq'uexwächij ri roc'owem ri Jesus pa ri nimalaj c'ax ri cujcolow camic; rumal c'u ri' man cujcolotaj ta rumal ri u josk'ixic ri ka cuerp, xane' ri u c'amowaxic ri jun ch'ajch'ojalaj anima' che ri Dios rumal ri u c'astajic ri Jesucrist.

Ajilanic 8:7

Ri nak'atisabal che ri tastajem are' ri quintakej u bixic: At quebachicoj ruc' ri ja' re ch'ajch'obenic chuwi' chi c'u wa' ri e are' caquisocaj na ronojel ri qui ti'jal, cäquich'aj c'u na ri catz'iak; jeri' quecanaj ch'ajch'oj.

Apocalipsis 7:14

Xinbij c'u che: “Wajaw, wa' lal lal etamaninak.” Ri are' xubij chwe: “E are wa' ri e elinak ulok pa ri nimalaj c'axc'olil, ri qui ch'ajom ri catz'iak, xquisakarisaj pa ri u quiq'uel ri Alaj Chij.

Ucab Tzijobelil 26:21

Ri ajawinel Uziy xcanaj ajch'a'c c'ä pa ri k'ij ri xcämic, jeri' ri ajawinel xc'asi' jacha' ajch'a'c, xtastaj pa jun ja man xya' ta che chi coc ta chupam ri rachoch ri Ajawaxel, are c'u ri Jotam, ri u c'ojol pa u k'ab xcanaj wi ri ajawinic puwi' ri nim tinimit.

Aj Levitib 14:20

Cuchi'j puwi' ri porobal cärachilaj ri sipanic que c'äj. Jewa' cuban ri cojol tabal tok'ob che u rikic ri cuyubal u mac we winak ri' cäcanaj c'u can ch'ajch'oj.

Aj Levitib 14:9

Aretak cätz'akat wukub k'ij, cusocaj ronojel ri u wi', cusocaj ri rismachi', ri rismal ri rij tak u bak'wäch xukuje' ronojel ri rismal quebuch'aj ri ratz'iak, xukuje' catinic, cäcanaj c'u ch'ajch'oj.

Aj Levitib 8:6

Xuban c'u ri Moises chi ri Aaron e rachil ri e u c'ojol xekebic, xebuch'aj c'u ruc' ja'.

Elem 19:14

Xkaj c'u ulok ri Moises puwi' ri juyub che qui suc'umaxic ri winak, rech cäquiya' k'ijilanic che ri Dios. Ri winak xquich'aj ri catz'iak,

Elem 19:10

ri Ajawaxel xubij che ri Moises: “Jät, chebasuc'umaj ri winak camic xukuje' chwek rech quek'ijilan chwe. Rajawaxic cäquich'aj ri catz'iak

Aj Levitib 15:13

We cäcunataj we achi ri' ri c'o we yabil ri' che, rajawaxic querajilaj wukub k'ij che ri u josk'itajic, rajawaxic quebuch'aj ri ratz'iak, xukuje' catin chupam jun sakalaj ja', cäcanaj c'u ch'ajch'oj.

Ajilanic 6:9

We c'o jachin jun xak c'ätetal cäcäm pa u xcut cux c'u tz'il ri u wi', ri u tasom che u ternexic ri Ajawaxel, rajawaxic cutolorisaj ri u jolom aretak quel wukub k'ij, ri u bixic, ri k'ij ri c'utum che ri u ch'ajch'ojisaxic rib.

U Camulixic ri Pixab 21:12

rajawaxic cuc'am bic cho rachoch, cutolorisaj c'u na ri u jolom quebukopij ri rixq'uiak,