Aj Levitib 14:7 - Quiché Bible

⁷ Wukub mul cuchicoj chrij ri winak ri quejosk'ix che ri ch'a'c, cuk'alajisaj c'ut chi ch'ajch'oj. Ri alaj chicop ri e c'o u xic' ri c'aslic cutzokopij bic.

Aj Levitib 14:7 Referans Kwoze

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Isaiy 52:15

jeri' xukuje' sibalaj e q'ui nimak tak tinimit ri quecanaj na che mayinic; ri ajawinelab aretak caquilo man c'o ta tzij quecuin che u bixic, rumal rech chi cäquil na xukuje' cäquich'ob na jun jasach ri mawi jubik' qui tom.

Ucab Ajawinelab 5:14

Xbe c'ut ri Naaman wukub mul xunim rib chupam ri Jordan, je jas ri takanic ri xuya' ri k'axal tzij, che, are c'u ri u ti'jal xux jacha' ri rech jun alaj c'ojol, xch'ajch'ojir c'ut.

Ucab Ajawinelab 5:10

Ri Elisey xutak jun tako'n che u bixic che: “Jät wukub mul chach'aja' awib chupam ri nima' Jordan, cäjosk'itaj c'u na ri a ch'a'c.”

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.

Hebreos 9:19

Ri Moises, xebutzijoj conojel ri takanic re ri pixab chque conojel ri winak, xuc'am ri qui quiq'uel ri alaj tak ama'ib wacax xukuje' ri ama'ib tak q'uisic', xarachilaj ja', quiäk rismal chij ruc' u k'ab juwi' mesbal re hisop, xuchiquicha' ri u wujil ri pixab xukuje' conojel ri winak.

Hebreos 9:13

Kastzij chi ri qui quiq'uel ri ama'ib tak wacax xukuje' tak q'uisic, xukuje' ri e u chajil ri ati't wacax ri canicowisax puwi' ri porobal, ri e chicom paquiwi' ri e tz'ilobitajinak, e c'o qui cuinem che qui tasic xukuje' che qui ch'ajch'ojisaxic chquij,

1 Juan 5:6

Are' wa' ri xpe ruc' ja' xukuje' ruc' quic', are' wa' ri Jesucrist. Man xuwi ta ruc' ja', xane xukuje' ruc' ri ja' xukuje' ruc' ri quic'. Are c'u ri Uxlabaxel cäk'alajisan wa'. Ri Uxlabaxel c'ut are ri kastzij.

Hebreos 12:24

Ix opaninak chunakaj ri Jesus, ri ch'awenel re ri c'ac' u c'ulwächinic, xukuje' chunakaj ri u quiq'uel ri xchiquichaxic, ri c'o na ri cubij chuwäch ri u quiq'uel ri Abel.

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

Hebreos 9:21

Junam xukuje' cuchiquicha' ri quic' puwi' ri Lic'om Rachoch Dios xukuje' paquiwi' conojel ri chacubal ri cäcoj che k'ijilanic che ri Dios.

Ri Xuan 19:34

Jun c'ut chque ri ajch'ojab xujut bic ri u tz'imaj ch'ich' pa ri u c'alc'a'x, chanim xel ulok quic' ruc' ja'.

Ri Miquey 7:19

Jumul chi ba' chel c'u'x la chke chemuku' ba' la ri ketzelal. Cheq'uika' la bic tak ri e ka mac chupam ri u choil ri plo.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Salmib 51:7

Chinjosk'ij la ruc' k'ayes re hisop, quinjosk'itaj c'u na; chinch'aja' la, sak c'u quincanaj na chuwäch ri sakalaj tew.

Salmib 51:2

¡Chinch'ajch'obisaj la chesaj la ri wetzelal! ¡Chinjosk'ij la chesaj la ri nu mac!

Aj Levitib 16:22

Aretak ri ama' q'uisic' cäq'uis u sachic bic chupam ri chaki'j uwo sak, quebuc'am na bic ronojel ri quetzelal ri aj israelib pa tak ri ulew ri man e c'o ta wi winak.

Aj Levitib 16:19

Wukub mul cuchicoj ri quic' puwi' ri porobal ruc' ri u wi' u k'ab, je u josk'ixic wa' cubano che quesaxic ri qui tz'ilol ri aj israelib, cutas c'ut.

Aj Levitib 16:14

Cuc'am jubik' che ri u quiq'uel ri c'ojol ama' wacax, cuchicoj ruc' ri u wi' u k'ab pa ri u xcut ri tz'apibal ri cäca'y pa elebal k'ij Wukub mul cuchicoj ri quic' ruc' ri u wi' u k'ab chuwäch ri tz'apibal.

Aj Levitib 14:51

Cuc'am ri ch'akap chacalte', ri k'ayes re hisop ri quiäk quem rachilam ri alaj chicop ri e c'o qui xic' ri c'aslic, quebuch'akaba' pa ri u quiq'uel ri alaj chicop ri c'o u xic' ri cäminak, rachilam ri sakalaj ja', wukub mul cuchicoj pa ri ja.

Aj Levitib 13:17

rech cunic'oj, we c'u carilo chi ri ch'a'c sakarinak chi jumul, cuk'alajisaj chi man c'o ta u yab we winak ri', canajinak c'u ch'ajch'oj.

Aj Levitib 13:13

ri cojol tabal tok'ob cunic'oj na; we c'u ch'ukutajinak ronojel ri u cuerp rumal ri ch'a'c ri cojol tabal tok'ob cuk'alajisaj chi man c'o ta u yab, sakarinak c'u ri ch'a'c canajinak ch'ajch'oj.

Aj Levitib 8:11

Wukub mul xuchicoj we aseit ri' puwi' ri porobal, xujamij c'u puwi' ri porobal xukuje' paquiwi' conojel ri u chaconisan, xukuje' puwi' ri nimalaj tzima c'olbal ja' rachilam ri u tiq'uilibal, che qui tasic.

Aj Levitib 4:17

curub na ri u wi' u k'ab pa ri quic' cuchicoj wukub mul chuwäch ri Ajawaxel, chusuq'uil ri ch'ukubal.

Aj Levitib 4:6

chila' curub wi ri u wi' u k'ab chupam ri quic' wukub mul c'ut cuchicoj chuwäch ri Ajawaxel chusuq'uil ri ch'ukubal u pam ri k'ijilabal.

Ajilanic 19:12

Churox k'ij xukuje' chuwuk k'ij rajawaxic cuch'ajch'ojirisaj rib ruc' ri ja' re ch'ajch'ojirisabal cäcano c'u na can ch'ajch'oj.