Aj Levitib 13:6 - Quiché Bible

⁶ Aretak cätz'akat ri wukub k'ij cänic'ox chi jumul rumal ri cojol tabal tok'ob; we c'u cätajin cäsach ri ch'a'c, man c'u u jabum ta rib chrij ri u tz'umal ri winak, Ri cojol tabal tok'ob cuk'alajisaj chi man c'o ta chuwilaj ch'a'c chrij xak pok' wa' ri xq'uiy che ri u tz'umal. Ri yawab quebuch'aj ri ratz'iak, cäcanaj c'u ch'ajch'oj.

Aj Levitib 13:6 Referans Kwoze

Aj Levitib 11:25

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u na tz'il c'ä coc na ri ak'ab.

Aj Levitib 14:8

Ri cäjosk'ixic rajawaxic quebuch'aj ri ratz'iak catinic, xukuje' cusocaj c'u ronojel ri rismal rech cäjosk'itajic. C'äte ri' cuya' coc pa ri kajebal, wukub k'ij c'ut cacanaj can cho ri räxk'ab.

Santiago 3:2

Uj cujkaj pa q'ui qui wäch sachinakil. Je c'u ri' we c'o jun man cakaj ta pa jun sachinakil pa ri cubij are ri' tz'akatalaj winak, ri cäcuinic ruc' jiq'uibal rij wi'aj cätakan puwi' ronojel ri u cuerp.

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Hebreos 9:10

rumal rech chi xak takanic wa' chquij jastak ri quebilitajic, chrij ri wa, ja' xukuje' q'ui qui wäch ch'ajanic. Ri xuwi c'o qui patan aretak c'ämajok chuban ri Dios ri q'uextajem.

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

Romanos 14:1

Utz u c'ulaxic ri tukar pa ri u cojonic chibana'. Mixk'atan tzij puwi' ri jalan tak chomanic.

Ri Isaiy 42:3

man cuq'uis ta u k'ajisaxic ri aj ri wak'ininak mawi cuchup ri mecha ri xak alicha' cänicowic. Kas cuc'am c'u na ulok ri suq'uil.

Ri Tzijonel 7:20

Man c'o ta c'u jun cho ri uwächulew ri sibalaj ta tz'akat ri cuban ta amak'el ri utz ri mawi ta jumul ma ta cämacunic.

E C'ambal tak Tzij 20:9

Man c'o ta jun cäcuinic cubij: “Josok' ri wanima', in ch'ajch'oj man c'o ta mac pa ri nu c'aslemal.”

Salmib 19:12

¿Jachin ta ri quebuch'ob ri kas e u sachinakil? ¡Ajawaxel sacha' la ri nu mac ri e ch'ukutalic!

Nabe Ajawinelab 8:45

tatabej la ulok c'ä pa ri caj ri ch'awem ri cuban uc' la xukuje' ri u bochi'nic, to' c'u la u wi'.

Nabe Ajawinelab 8:38

chtatabej c'u la ronojel ch'awem ri cäban chwäch la, bochi'nic ri cäban rumal apachique winak, o cumal conojel ri tinimit Israel, aretak cäril ri u c'axc'olil xukuje' k'oxomal quebulic' c'u ri u k'ab che ri u banic ri ch'awem uc' la, chusuq'uil we rachoch Dios ri'.

U Camulixic ri Pixab 32:5

E itzel tak winak xukuje' e lawalo, ri e yok'oninak che ri Dios, ri man takal ta chque chi quebux ralc'ual:

Aj Levitib 13:2

“Aretak jun winak c'o sipoj chrij ri u tz'umal, o pok', o sakrek', o ch'a'c ri cäjunamataj ruc' ri chuwilaj ch'a'c, rajawaxic cäc'am ulok chuwäch ri Aaron ri cojol tabal tok'ob o chuwäch jun chque ri e cojol tabal tok'ob ri e rija'lil ri Aaron.

Aj Levitib 11:40

ri cutij re ri u ti'jal ri cäminak awaj, rajawaxic quebuch'aj ri ratz'iak, cäcanaj tz'il c'ä coc na ri ak'ab; ri quebesan bic we cäminak tak awaj ri' rajawaxic quebe qui ch'aj ri catz'iak, quecanaj tz'il c'ä coc na ri ak'ab.

Aj Levitib 11:28

Apachin ri cäwalijisan jun chque we cäminak tak awaj ri', quebuch'aj ri ratz'iak, cäcanaj c'u tz'il c'ä coc na ri ak'ab, e tz'il c'u tak wa' we awaj ri' chiwe.

Aj Levitib 13:5

Aretak cätz'akat wukub k'ij cunic'oj na ri cojol tabal tok'ob; we xak je wi u banom ri ch'a'c, man u jabum ta rib chrij ri u tz'umal, cätz'apix chi na wukub k'ij rumal ri cojol tabal tok'ob.

Aj Levitib 13:7

We c'u cujabuj rib ri pok' chrij ri u tz'umal aretak nic'om chic ri yawab, xukuje' k'alajisam chic rumal ri cojol tabal tok'ob chi man c'o ta u yab; rajawaxic cäbe chi na jumul ruc' ri cojol tabal tok'ob, rech cänic'ox rumal.