Aj Levitib 10:13 - Quiché Bible

¹³ Chitija' pa jun tastalic c'olbal, are c'u wa' ri i taklebem ri at xukuje' ri e a c'ojol chque ri sipanic ri queporox che u ya'ic u k'ij ri Ajawaxel, are c'u takanic wa' yo'm chwe.

Aj Levitib 10:13 Referans Kwoze

Aj Levitib 6:16

Are c'u ri u tz'akatil ri sipanic cutij na ri Aaron e rachil ri e u c'ojol; man ruc' ta ch'am pa ri c'olbal ri tastalic chuwäch ri uwo ja rech ri Lic'om Rachoch Dios re rikoj ib.

Aj Levitib 2:3

Are c'u ri jubik' ri cäto'taj can che ri sipanic, ri are jubik' ri sibalaj tastalic chquixo'l ri sipanic ri quec'atisax che u ya'ic u k'ij ri Ajawaxel, cacanaj che ri Aaron xukuje' chque tak ri e rija'lil.

Ajilanic 18:10

Ronojel achi ri c'o chixo'l cuya' cutij rech chque tak we sipanic ri' pa jun tastalicalaj c'olbal, e tastalic c'ut.

Aj Levitib 10:12

Xubij c'u ri Moises che ri Aaron, xukuje' che ri Eleazar, ri Itamar, ri e quieb u c'ojol ri Aaron ri e canajinak canok: “Chebic'ama' ri sipanic quech c'äj ri e canajinak can chque ri sipanic ri xeporox chuwäch ri Ajawaxel, mebiya' ch'am cuc', chebitija' chunakaj ri porobal, sibalaj c'u tastalic wa'.

Aj Levitib 10:14

Ri uwo c'uxaj are sipanic wa' ri nim u k'ij, ri ra' ri awaj ri qui yo'm ri aj israelib che sipanic, rajawaxic quebitij pa jun c'olbal ch'ajch'oj ri at, xukuje' ri e a c'ojol ri e a mia'l; e are wa' ri ya'tal chiwe chque ri qui tz'akatil ri tabal tak tok'ob ri cäquiya' ri aj israelib che utzirisan ib.

Ajilanic 5:10

Ronojel c'u ri cätas che ri Ajawaxel cac'am u bic che ri cojol tabal tok'ob, cäcanaj che ri cojol tabal tok'ob.”

Ri Ezequiel 42:13

Ri achi xubij chwe: “Ri alaj tak ja ri e c'o pa ri riquiak'ab ri elebal k'ij jacha' ri e c'o pa ri u mox k'ab elebal k'ij, ri e c'o chuwäch ri uwo ja ri tz'apitalic, e tastalicalaj alaj tak ja wa'. Ri e cojol tabal tok'ob ri quenakajin chuwäch ri Ajawaxel chila' quequitij wi tak ri sipanic ri sibalaj e tastal na. Chi' xukuje' quequiya' wi tak ri sipanic ri sibalaj e tastalic jacha' ri sipanic re tak ri u wächinic ri ulew, ri sipanic rumal rech ri macaj xukuje' ri sipanic u mac rech ri chak'maquil, jun tastalic c'olbal c'u wa'.